Bizi osoan ehunka orri idatzi zituen Benita Gorostizu altzagarrak bere sortetxean, Sarasola baserrian. Desagertzen ari zen baserri munduari eta genero desberdintasunari buruz idazten zuen. Haren idazkiak berreskuratu dituzte liburu batean.

Gipuzkoako bertsolari ugarik plaza zapalduko dute udaberrian: herrialdeko txapelketa bueltan da bost urteren ondoren, eta eskolarteko txapelketa zein Gelatik Plazara gaztetxoentzako ekimena ere martxan dira.

Euskararen aldeko lasterketa atzo hasi zen, Irunen, eta hilaren 24an bukatuko da, Baionan. Hainbat tokitan ibiliko da Gipuzkoan. Eragile eta norbanakoak prest daude jada lekukoari heltzeko.

Irungo pospolo lantegia 138 urtez egon zen martxan. Bertako langile gehienak emakumezkoak ziren, eta lan baldintzak hobetzeko antolatu zituzten protestengatik egin ziren ezagun. Pospologileen Sindikatu Feminista ere sortu zuten, 1912an.

Espainiatik Donostiako Altzara 1950-1970eko hamarkadetan heldu ziren migratzaileen integrazio soziolinguistikoa ikertu du Soziolinguistika Klusterrak. Integrazioko lehen faseetan euskarak ez zuen lekurik izan; azken fasean, berriz, garrantzia hartu zuen.

Adituek lehenengo sakelakoa 16 urterekin izatea gomendatzen badute ere, gaur egungo haur eta nerabe gehienek lehenago eskuratzen dute. Kasu askotan, Lehen Hezkuntzatik Bigarren Hezkuntzara pasatzeko tartean izan ohi da. Hainbat herritako eta auzotako gurasoek bezala, seme-alaben lehen sakelakoa ahalik eta gehiena atzeratzea lortu nahi dute Sarean taldeko kideek. Donostiako Parte Zaharreko Orixe ikastolako gurasoen elkartea...

Larunbatero Hernanira iristen diren sagardozaleek eragin nabarmena dute herriko giroan. Egungo parranda eredua ezbaian jartzen dute hernaniar askok, eta kanpotik datozenei arduratsuak izateko eskatzen diete.

Ezohiko metodoak erabiltzen ditu Lotura Giza Garapena kooperatibak etxegabeen arloan esku hartzeko. Psikologia kontsulta ibiltari bat daukate furgoneta batean; besteak beste, Donostian, Irunen eta Errenterian ibiltzen da.

Eider Mendoza, Amagoia Mujika, Idurre Eskisabel eta Nekane Artola elkartu ditu 'Gipuzkoako Hitza'-k. Azken urtean ardura postuak hartu dituzten emakumeak dira, eta halako kargu bat hartzeari eta andre izateari buruz aritu dira.

Ohikoa da epaileak hasieran jokalari moduan sartzea futbolaren munduan, eta, baloiaren atzetik ibiltzera ohitzen direnean, aukera gisa ikusi ohi dute arbitratzea. Baina emakumezko futbolean ez da horren ohikoa aldaketa hori egitea, Diazen hitzetan: «Neskei, normalean, gehiago gustatu ohi zaie soilik jokalari moduan aritzea. Gainera, gizarteak ere horrela ikusi ohi ditu, eta arbitroa gehiago lotzen da...