Kaleratzeak Stop plataformak salatu du 183 familia kanporatuko dituztela 2020ko errege dekretua luzatzen ez bada. Dekretuari segida ematea nahi du. EH Bilduk adierazi du Donostia tentsio handiko eremu izendatuz hainbat aldaketa izango direla.

Azken Minutua programaren bidez, Gipuzkoako Elikagai Bankuak 925.000 kilo janari bilduko ditu aurten. Aldundiak 250.000 euro eman dizkio programa gauzatzeko. Irurako alkateak janari banaketa beharrezkotzat jo du behartsuenei laguntzeko.

Etorkinei harrera egiteko «programa integralak» eskatu ditu Ainara Ormaetxea Ordiziako udal zerbitzuko langileak. Ahmer elkarteko Fatima Fernandezek etorkinei aholkularitza eta informazioa ematen dietela zehaztu du.

Azaroaren 25ean hainbat mobilizazio izango dira Gipuzkoan. Eibarko Matraka talde feministak azpimarratu du kolektiboan erantzun behar zaiola indarkeriari. Itaiak bestelako gizarte bat eraiki nahi du emakume langileak askatzeko.

Juan Aldaz soziologoak eta Ander Etxaniz futbol eskolako arduradunak esan dute kirol eremuko bortizkeriak ez direla gutxietsi behar. Prebentzio tresnez eta ingurune seguru bat sortzeko sentsibilizazio ikastaroen garrantziaz ohartarazi dute.

AHTaren Donostia-Iruñearen lotunea Ezkio-Itsason eraiki zuten. Orain, Gasteizko aukera ere atera da. Ezkio-Itsasoko alkateak geltokia erabilgarria izatea nahi du, eta Goierriko Stop AHT taldeak, proiektua gelditzea.

Donostiako Gasca kiroldegia eta belodromoa arazo askoren iturri dira baldintza aldetik. Izagirre, Larrarte eta Garmendiak azpegituren egokitasun falta nabarmendu dute. Behar lituzketen baldintzak aldarrikatu dituzte.

Gipuzkoako Bertsolari Txapelketa udazkeneko fasean sartu da. Bertsozale Elkarteak balorazio ona egin du orain arteko saioez. Arregi eta Arana bertsolari gazteek publiko transfeministaren presentzia eta sostengua nabarmendu dute.

«Klima aldaketa azkartuz joango da, eta, ondorioz, inpaktu kaltegarriak ekarriko dizkie pertsonen osasunari eta ongizateari». Ondorio zuzenak ditu klima aldaketak osasunean. Naturklima klima aldaketaren Gipuzkoako fundazioak txosten bat argitaratu berri du: Klima aldaketaren inpaktua eta harekiko kalteberatasuna Gipuzkoan. Mundu osan, 2023. urtea izan zen urterik beroena. Industria aurreko garaitik, 1,45 gradu igo da batez besteko tenperatura. Iaz, Gipuzkoako...