Trenbideetan egiten dabiltzan lanak direla eta, maiztasuna ia erdira apaldu dute Hernani eta Irun artean. Ordutegi aldaketak nabarmen eragin die bidaiariei.

Hondarribian adinekoak trizikloetan eramaten dituzte ibilaldiak egitera, Nagusikleta egitasmoaren bidez. Gipuzkoan Donostiako taldea izan zen proiektua lehenengo garatu zuena; munduko beste 50 herrialdetan martxan dago jada.

Ileordeak saltzen dituzte Donostiako Luis Diaz dendan. Mota askotakoak dauzkate: ile naturalezkoak, sintetikoak, ile luzedunak, laburragoak... Minbiziaren ondorioz ilea erori zaien pazienteak dira bezeroetako asko.

Energia berriztagarriak sortzeko parke eolikoen proiektuak Euskal Herri osora zabaltzen ari dira. Gipuzkoan gero eta herritar talde gehiago daude halako egitasmoen kontra.

Arrasateko tortura kasuak aztertu dituzte liburu batean, baina bereizgarri batekin: emakumeek jasandako torturetan jarri dute arreta, lehenengo aldiz. 111 torturatuetatik, 11 izan ziren emakumeak Arrasaten, eta egileek uste dute gehiago ere badaudela.

Gipuzkoako SOS Arrazakeriak hainbat eskolatan ikerketak egin ditu arrazakeriaren inguruko diagnostiko bat egiteko, eta bi gida atera ditu, eskoletan gaiaren inguruko lanketa egiteko.

Bizi osoan ehunka orri idatzi zituen Benita Gorostizu altzagarrak bere sortetxean, Sarasola baserrian. Desagertzen ari zen baserri munduari eta genero desberdintasunari buruz idazten zuen. Haren idazkiak berreskuratu dituzte liburu batean.

Gipuzkoako bertsolari ugarik plaza zapalduko dute udaberrian: herrialdeko txapelketa bueltan da bost urteren ondoren, eta eskolarteko txapelketa zein Gelatik Plazara gaztetxoentzako ekimena ere martxan dira.

Euskararen aldeko lasterketa atzo hasi zen, Irunen, eta hilaren 24an bukatuko da, Baionan. Hainbat tokitan ibiliko da Gipuzkoan. Eragile eta norbanakoak prest daude jada lekukoari heltzeko.