Iñigo Terradillos
Bigarren diskoa kaleratu berri du Charlie & The Colours taldeak, Mehaka izenekoa. Charlie Atki bakarlari britainiarra da taldeko burua, eta Oriol Flores kataluniarrak, Iker Lauroba donostiarrak eta Iñigo Asensio tolosarrak (1985) osatzen dute taldea. Asensioren hitzetan, Tolosaldearekin lotura duten osagai asko ditu lan berriak. Izena, esaterako, Berastegiko baserri bati zor dio, eta baserri horretan bertan egin zuten egonaldia baliatu zuten diskoaren grabaketarako.
E. Goenaga Lizaso
Tolosa erdiguneko tren geltokiak irisgarritasun aldetik dituen hutsuneek kezka eragiten dute; ez bakarrik Eguzkiri, baita Tolosako Udalari eta Batzar Nagusietan ordezkaritza duten alderdi guztiei ere —Renferi eskaera egin berri diote aho batez, behar diren egokitzapenak egin ditzan—. Nasara iristeko eskailera mordoa igo behar da, baina arazoa, batik bat, trenera igo eta trenetik jaisteko garaian sortzen da. Brinkolarako norabidean, trenaren eskailera nasatik 60 zentimetrora gelditzen da, eta 20 zentimetro baino gehiagoko altuera hartzen du.
Eider Goenaga Lizaso
Renfe konpainiaren aldiriko trenek 30 geltokitan egiten dute geldialdia Gipuzkoan. Horietako askotan, Eguzki talde ekologistak salatu duenez, "egoera oso eskasa" da. Salaketa ez da berria. 2008an egin zuen gai horri buruzko txostena Eguzkik. Ia hamar urte geroago, txostena berritu dute, eta, Jesus Mari Beldarrain Eguzkiko kideak dioenez, "hobekuntza gutxi batzuk kenduta, egoera apenas aldatu den". "Renfeko geltokiek joan den mendekoak dirudite, edo orain dela bi mendekoak", esan du.
Loinaz Agirre
Segurako Udalak hirigintza parte hartzailearen aldeko apustua egin du erdiguneko lau eremurekin osatutako espazio publiko berria sortzeko —Errebotea, plaza, arboladia eta pilotaleku zaharra—. 2014az geroztik ari dira herritarrekin espazio publiko berriaren inguruan hausnartzen, erabakitzen eta sortzen. Segurarrek 2014an erabaki zuten, herri galdeketaren bidez, Erreboteko plazan zegoen eraikina botatzea; bi urte geroago eraitsi zuten. 2016an, adin tarte desberdineko herritarren beharrak eta ideiak aztertu eta jaso zituzten. Orain, 2017an, erdigunerako jasotako ideiak eta ekarpenak paper zuriaren gainean idazteko garaia da.
Unai Zubeldia
Jaioterrira bidean ospatu zuen Kike Suarezek (Las Palmas, Kanariak, Espainia, 1964) Espainiako Ohorezko Mailarako igoera. Lehen denboraldia izan du Donostiako Atletiko belar hockey taldearen entrenatzaile karguan, eta multzoaren "gaztetasuna eta proiekzioa" goratu ditu.
Ondorengo hauek dira Natul euskara taldekoek jasotako hitz eta esapideetako batzuk:
Hitzak
Axkirau. Adiskidetu.
Txarreterie. Kremailera.
Puntapaxa. Iltzea.
Erdokie. Zikinkeria.
Lepo. Asko.
Taxixe. Taxia.
Txokauta. Harrituta.
Nazkantie. Nazkagarria.
Zanpana. Tuntuna.
Txofertu. Gidatu.
Esapideak
Abitañen piñupien karta jokuen ibili. Hilda egon.
Baldinbaite. Bai, noski!
Inpernuko txikitue baino ario izen. Gaiztoa izan.
Xaxpikiye izen. Berezia izan.
Estanpakue hartu. Kolpea hartu.
Txakurren potruk. Inola ere ez.
Erdikaleko festak. Hilerokoa izan.
Ostiyena jo. Gogaitu.
Ontxe lehentxuauen. Orain gutxi.
Julene Frantzesena
Natula al haiz? esapidea aski erabilia da Azpeitian. Horren erakusle da euskara taldeari Natul izena jarri izana eta talde horrek azpeitiarrez hitz egitean erabiltzen diren hitzak eta esapideak biltzeko egitasmoari Azpeitiarrez Natul deitu izana. Natuleko kideak joan den abenduaz geroztik ari dira egiten bilketa lan hori, eta Garbiñe Bereziartua (Azpeitia, 1977) eta Eneritz Albizu (Azpeitia, 1992) "oso gustura" daude egitasmoak orain arte izan duen erantzunarekin.
Jon Miranda
Inauteriek hartu duten izaeraz kezkatuta, duela urtebete hasi ziren Aiztondo bailarako hainbat herritar elkarrengana biltzen. Jai horrek duen berezko esanahitik "urrun" ikusten zituzten gazteak. "Udaberria iristearekin batera lurra esnatzeko erritutik eta sormena bultzatuz talde izaera indartzeko balio duten ospakizun horietatik urrun". Hori uste dute Endika Azpirotzek eta Aitor Atxegak, taldera bildu diren herritarrak biak, eta horregatik hasi ziren duela urtebete inauteriak beste modu batera ospatzeko "eredu" bila. Zuberoako maskaradetan aurkitu zuten irtenbidea.
Unai Zubeldia
Beste hasiera bat izango da. Seigarren urtea izanda ere, biziberritzeko premia nabaritu du Revolution JamRock Donostiako festibalak, eta egun bakarreko ekimenetik hiru eguneko reggae eta hip hop musikaren gozamenera igaroko da. Ostegunean hasiko dira girotzen Donostian, Tabakaleran, JamRock Kulturalarekin; jarduera egunarekin, alegia. Hitzaldiak, dokumentalak eta kontzertu akustikoak izango dira apirilaren 20an Kutxa Kultur Plazan —ez da sarrerarik ordaindu beharko—.
![[Herriz herri] Lezo. Txikia, eta izaera handikoa](https://gipuzkoa.hitza.eus/wp-content/uploads/HERRIAK-LEZO.jpg "HERRIAK-LEZO")
Urko Etxebeste
Oiartzualdea eskualdeko herririk txikiena da Lezo, 6.000 biztanle ingururekin. Gipuzkoako beste eskualde batzuetan dezenteko herria izango litzateke, baina, Oiartzualdeak 1960tik 1980ra izan zuen industria garapenaren ondorioz, biztanle kopuruan Lezok izan zuen hazkunde txikiena, nahiz eta bi hamarkada horietan ere nabarmen hazi. 8,6 kilometro koadro ditu, herrigunea, auzoak eta landa eremua kontuan hartuta. Pasaia, Errenteria, Oiartzun, Irun eta Hondarribia herriak ditu mugan, eta Gipuzkoako hiriburutik zazpi kilometro eskasera dago. Ondo-ondoan du itsasoa, baina Pasaiako portuak bertako badiarako bidea ixten dio; itsasoari bizkarrez dago.
