gipuzkoa

2017-02-242017-02-23gipuzkoa

Marea Gora: hurrengo bilerak

Haurrak (0-12 urte). Erdiguneko ludotekan bilduko dira asteartearekin, hamabostean behin. Lehenengo deialdia martxoaren 7an, 18:00etatik 19:15era.Nerabeak (13-17 urte). Foru Plazan bilduko dira, hilabetean behin, larunbatarekin. Lehenengo deialdia mar...

Bazen behin banda bat
2017-02-242017-02-23Albisteak, gipuzkoa, Kultura

Bazen behin banda bat

Miriam Luki

Legazpiko Musika Banda 1867. urtean osatu zuten lehenengoz. Aurtengoa, tartean izandako etenen gorabeheran, bandaren 150. urteurrena da. Hastapenetako banda hark jai nagusietan zein berezietan jotzen zuen, eta kontzertu bakoitzeko pitxer bat ardo eta lau librako ogi bat ematen zieten ordainsari gisa. Hiru urtez aritu ziren, baina beste karlista gerra baten eztandaren beldurrak jota, taldea desegin zuten, eta musikari batek baino gehiagok Amerikara emigratu zuen. Bigarren saiakera bat egon zen 1907an, baina kale egin zuen. 1931n beste ahalegin bat egin zuten, eta hark arrakasta izan zuen.

Kalabazak ematea, sinbolikoki
2017-02-242017-02-23Albisteak, gipuzkoa, Kultura

Kalabazak ematea, sinbolikoki

Maite Alustiza

Azken urteen antzera, Sar dadila kalabazan! leloa eta kuia koloretsu baten irudia daramatza Ahoz Aho Ahozkotasunaren Nazioarteko Jaialdiak. Aurten, ordea, hamargarren aldia du, eta, lehenengoz, Urrezko Kalabaza sariak emango dituzte, urteotan jaialdiarekin zerikusia izan duten lagunak omentzeko. Sari "sinboliko" horietatik harago, dena den, ekintza sorta zabala prestatu dute, "ohikoa baino zabalagoa". Martxoaren 2tik —datorren osteguna— hilaren 25era arte, 30 ekitaldi izango dira: gehienak Tolosan eta Ordizian, eta hitzaldi bana Donostian, Albizturren eta Irunen. Hitzaldiekin batera, bi ikastaro, bi gala eta narrazio lehiaketa bat prestatu dituzte.

2017-02-242017-02-23gipuzkoa

Ahoz Aho: hitzaldiak

Honako hauek dira Ahoz Aho jaialdian Ordizian eta Tolosan egongo diren hitzaldiak:TolosaMartxoaren 3an. Numancia Rojas. Amarotz auzoko etxean, 22:00etan.Martxoaren 9an. Nono Granero. Alondegia tabernan, 22:30ean.Martxoaren 10ean. Carlos Perez Aradros....

[Herriz herri] Larraul. Murgilazpin altxor txikia
2017-02-242017-02-23Albisteak, gipuzkoa, Gizartea

[Herriz herri] Larraul. Murgilazpin altxor txikia

Jon Miranda

Lasaitasuna transmititzen du Larraul herriak. Herrigunean plaza, eliza, parkea eta frontoia dauzka. Aneli Urbieta alkatearen esanetan, "gurasoak herriko ostatuan patxada ederrean zerbait hartzen ari diren bitartean umeak jolasean ibil daitezke inguruan".

Asteasutik Larraulera igotzen den bidezidorra asfaltatu eta moldatu zutenetik bisita gehiago sumatzen dute herrian. "Gipuzkoako Foru Aldundiaren laguntza jaso genuen bidea konpontzeko, bestela geure kabuz ezinezkoa egingo zitzaigun", dio Urbietak.

2017-02-242017-02-23gipuzkoa

“Gure etxetik hasi eta Herniora doan bidea dut gustuko”

J. Miranda

Antzolan sortu zen Koldo Jauregi (Larraul, 1956), eta 18 urte bete arte baserrian lagundu zuen. Gerora ofizio asko izan ditu: baserritar, igeltsero, dendari, mekanikari, eta hiru pelikulatan ere hartu izan du parte. Geldirik ezin egon, eta herriko Dina-7 elkartean dabil.

Nola gogoratzen duzu zure haurtzaroa?

Garai haiek nahikoa zailak ziren, eta lana bakarrik egiten genuen. 7 urterekin eskolan hasi, 12rekin utzi, eta erditan joan ez. Baserrian lan egin behar zela-eta ez zen gaur egungo modernitaterik. Gu ez ginen ez Donostiara ez inora joaten. Ez genuen ez baloirik ez ezer; gure jolasa txori habiak bilatzea zen.

Larraul nolakoa zen orduan?

Hemen, garai hartan 30 baserri zeuden —bi erorita—, eta denak baserritik bizi ginen. Aldaketa handia izan da.

Garai bateko bizimodua, ofizioak, ohiturak eta tresneria jasotzeko afizioa izan duzu.

Neronek ere ez dakit esaten nondik datorkidan. Mendian ibiltzea eta baserriko giroa gustukoa izan dut, eta orduan hasi nintzen jaso eta tresneria biziberritzen. Pertsona helduekin gustura egoten naiz, beti ikasten baita zerbait.

Herriko zein toki duzu gustuko?

Euskal Herrian asko ibili naiz, eta baita Europan ere. Gipuzkoan, 9.000 bat baserri egongo dira, eta horietako 6.000 ingurutan egona naiz. Hala ere, gure etxetik hasi eta Herniora doan bide hori dut gustuko, eta Larraulgo mugen barruan toki politak dira, bereziki, Muñoandieta, Lasagasti, Iraulita eta Argibel inguruak.

[Museora] Balentziaga museoa. Jantziek janzten dute
2017-02-242017-02-23Albisteak, gipuzkoa, Kultura, Museora

[Museora] Balentziaga museoa. Jantziek janzten dute

Eider Goenaga Lizaso

Jantziek jantzi ohi dute Cristobal Balentziaga museoa, goi mailako joskintzako jantziek gehienetan; baina, maiatzaren 7ra bitartean, Ikatza eta Belusa. Ortiz Echagüeren eta Balentziagaren begiradak herri-jantziari behin-behineko erakusketa dago ikusgai Getariako museoan, eta, jantziak ez ezik, argazkiak ere protagonista dira bertan. Izan ere, Jose Ortiz Echagüe argazkilari eta ingeniari espainiarraren argazkiak eta Getariako jostunaren obrak "elkarrizketan" jarri dituzte erakusketa atontzeko.

2017-02-242017-05-23gipuzkoa, Iritzia

Kandelak, azak eta aurrera doan herria

Leire Narbaiza

Deba, Ispaster, Lemoiz, Tutera. Mantra bat bezala errepikatzen ziren udalerri hauen izenak txikia nintzenean. Espantu keinu batez, zentral nuklear proiektu banari lotuta zihoazelako. Lemoiz baino eraiki ez bazen ere, izen zerrenda bihurtu zen laukotea, eta eguzki antinuklearrez bete zitzaizkigun bazterrak. Hogeita hamahiru urte pasatu dira bertan behera laga zituztenetik—Lemoiz eta beste proiektuok—; hala ere, entzundakoak ez zaizkigu ahaztu. Hiru hamarkada igaro dira, eta kandelen argia ez dugu behar izan, ez bada meditaziorako edo Arraten Ama Birjinari azterketak gainditzeko eskatzeko. Gure menuak ere aberastu dira atzerriko makina bat jakirekin, iragartzen ziguten aza-jan hutsa ezerezean geratuta!