Kritiko eta aktibo, umorez
Urr 5, 20182018-10-04Albisteak, gipuzkoa, Kultura0 0

Kritiko eta aktibo, umorez

Olatz Mitxelena

Gaur hasiko dira, Pasaian, 37. Umorezko Antzerki Jardunaldiak. Urrian, asteburuero, ostiraletik igandera, egunero izango dira antzerki emanaldiak; asteburu honetan, Pasai Donibanen (Juanba Berasategi aretoan); hurrengoan, Pasai Antxon (kultur etxean); urriaren 19tik 21era, Pasai San Pedron (udal aretoan); eta urriaren 26tik 28ra, Trintxerpen (alkateordetzan). Udazkeneko kultur agendan klasiko bihurtu dira jardunaldiok, eta erabat eraberrituta datoz, gainera, aurtengoak.

“Droga gogorra izan zen Madrilgo eskaintza, eta ausart jokatu nuen”
Ira 28, 20182018-09-28Elkarrizketa, gipuzkoa0 0

“Droga gogorra izan zen Madrilgo eskaintza, eta ausart jokatu nuen”

Unai Zubeldia

Zehaztutako ordua baino minutu gutxi geroago, barkamena eskatuz iritsi da Xabier Mikel Errekondo (Usurbil, 1964) hitzordura, baina lasai ederrean kontatu ditu gero azken urteotako bizipenak. Zintzo aitortu du ia bi metro garai izateak erraztu egin ziola eskubaloian lehen pausoak emateko bidea, baina ibilbide oparoa egin zuen gero Bidasoa, Teka, Ciudad Real, Portland San Antonio eta Ademar Leonen; besteak beste, bi aldiz irabazi zuen Europako Kopa. Kirol ibilbidea amaituta, EAE-ANVrekin alkate izan zen Usurbilen, 2007tik 2011ra, eta Madrilgo Kongresura iritsi zen gero, 2011n bertan, Amaiurrekin. Informatikari lanean eta gaztetxoen eskubaloi entrenatzaile gisa dabil gaur egun.

Ezabatu gabeko orbanak
Ira 28, 20182018-09-27Albisteak, Asteko Gaiak, gipuzkoa, Gizartea, Politika0 0

Ezabatu gabeko orbanak

Eider Goenaga Lizaso

Francoren gorpua Erorien Haranetik ateratzea erabaki du Espainiako Gobernuak. Datarik ez dute jarri, baina Pedro Sanchezen gobernuak aitortu du erabaki hori "berandu" datorrela, besteak beste Espainiako Memoria Historikoaren Legea 2007ko abenduan onartu zelako, eta bertan jasotzen zelako frankismoa goratzen duten ikurrak erretiratu behar direla. Legeak dioenez, "altxamendu militarraren, Gerra Zibilaren eta diktadura garaiko errepresioaren gorazarrea egiten duen edozein aipamen, armarri, domina, plaka edo objektu" erretiratu behar da eraikin eta espazio publikoetatik. "Arrazoi artistiko, arkitektoniko edo erlijioso-artistikoengatik" legez babestutako ikurrak salbuespenak dira; argitzeko dago zer gertatuko den Erorien Haranarekin.

Eta Jesusen Bihotzarekin zer?
Ira 28, 20182018-09-27gipuzkoa0 0

Eta Jesusen Bihotzarekin zer?

E. Goenaga Lizaso

Donostian badago frankismo garaian eraikitako ikur bat, handik pasatzen den edonork halabeharrez ikusten duena: Urgull mendiaren puntan eraikitako Jesusen Bihotzaren monumentua. 12,5 metro luze da estatua, eta Federico Coullaut-Valera eskultoreak egina da; oina, berriz, Pedro Muguruza Francoren gobernuko Arkitektura zuzenari nagusiak diseinatu zuen, Erorien Harana diseinatu zuen berberak. Frankismoaren ikurra da? Ez da?

“Hala kontatu zidaten, baina…”
Ira 28, 20182018-09-27Albisteak, gipuzkoa, Gizartea, Politika0 0

“Hala kontatu zidaten, baina…”

Beñat Alberdi

Lekutan gelditzen dira 2001eko irailaren 11 eta Afganistango ondorengo inbasioa; eta lekutan 2004ko martxoaren 11 eta horren osteko Espainiako hauteskundeak. Hamar urte baino gehiago igaro dira, baina memorian iltzatuta gelditu dira data horiek. Ekintza horiek gogoratzeko, gizarteak bertsio komun bat dauka, zer gertatu zen azaltzeko nolabaiteko narratiba bat; norberarekin xehetasun guztiak kontuan hartuta, hurrengo belaunaldiei transmititzen zaie informazio hori guztia.

Elkarri begietara begira
Ira 28, 20182018-09-27Albisteak, gipuzkoa, Gizartea, Politika0 0

Elkarri begietara begira

I. Terradillos-R. Calvo
Kolonbiako Cali hirian izan berri da Iker Uson, Deustuko Unibertsitateko irakaslea (Tolosa, 1979), bere taldearekin. Irakasle talde bat liburu bat ontzen ari da Kolonbiako eta Euskal Herriko bake prozesuen inguruan, eta esperientziak partekatzera joan dira hara.

Apustuak, tentazio eta adikzio
Ira 28, 20182018-09-27Albisteak, Ekonomia, gipuzkoa, Gizartea0 0

Apustuak, tentazio eta adikzio

Aitziber Arzallus

Euskaldunak berezkoa du apusturako joera; frontoira, hipodromora edo plazara joan, eta sos batzuk jokatzeko tentazioari eutsi ezina. Baina inora bila joan gabe, tentazioa bera bada ondora datorrena? Hamar urte dira Gipuzkoan lehendabiziko apustu etxeak zabaldu zituztela. Kiroljokoa izan zen urratsa egiten aurrena, 2008ko abuztuaren 28an Eibarren aretoa zabalduta. Ordutik, eta krisiak krisi, etenik gabe hazi da merkatu hori. Iazko urtearen bukaeran, hamar apustu etxe zeuden Gipuzkoan, eta, horiez gain, apustuak egiteko 654 makina ere bai tabernetan eta ostalaritzako beste gune batzuetan.

Gari Garaialde: “Konexioa toki guztietara irits dadin saiatuko gara”
Ira 28, 20182018-09-27Albisteak, Ekonomia, gipuzkoa, Gizartea0 0

Gari Garaialde: “Konexioa toki guztietara irits dadin saiatuko gara”

Eider Goenaga Lizaso

Sei lagunen artean jarri zuten martxan, iaz, Izarkom Euskal Herriko telekomunikazio operadore kooperatiboa. Gari Garaialde (Hondarribia, 1972) da horietako bat. Pozik dago orain arteko bidearekin. Proiektuagatik jende askok zoriondu dituela dio. Oraingoz, sakelako telefono linea eskaintzen dute, baina laster hasi nahi dute sarerako konexioa eskaintzen. Bizpahiru aste barru, bulegoa irekiko dute Irunen.

Entzule izatetik aktibo izatera
Ira 28, 20182018-09-27Albisteak, gipuzkoa, Gizartea0 0

Entzule izatetik aktibo izatera

Ariane Vierbücher

Konpromisoa, denbora, lanerako grina, ausardia, etorkizunean gizarte hobea edukitzeko borrokatzeko konstantzia edo iraunkortasuna, berdintasunaren balioen defentsa... Azken 25 urteotan, horiek guztiek eta beste hainbatek definitu dute Ordiziako Kimetz Emakumeen Elkartea. 25 urte. Erraz esaten da, baina 25 urtek askorako eman dezakete batzuetan. Tarte horretan, asko aldatu dira gauzak berdintasunaren alorrean. Egia da hori. Baina beste hainbat alorretan baino motelago gertatzen ari da aldaketa. "Bai, hor dago Martxoaren 8a. Aldaketaren hasiera izan zen egun hura, baina zer egin dugu ondoren? Aurrerapausoak eman behar dira", azaldu du Belen Balerdik.