Ane Olaizola
Ikastetxeetan berdintasuna, genero indarkeria eta sexualitatea lantzeko programa bat abian du Zarauzko Udalak azken urteotan, eta sexu-aholkularitza zerbitzua ere eskaintzen die herritarrei. Aitziber Estonba (Irun, 1976) Harremanak elkarteko kidea da Zarauzko Sexu Aholkularitza Guneko arduraduna. Sexualitatea eta harreman ereduak izan ditu hizketagai.
Eider Goenaga Lizaso
Memoria historikoaren ikuspegitik eta hainbatetan aldarrikatutako justiziaren ikuspegitik, albiste on batekin hasi zen astea. Bergarako Auzitegiak frankistek Elgetan egindako krimenak ikertuko dituela jakin zen astelehenean. Genozidio delitua aintzat hartu, eta, Elgetako Udalak eta Intxorta 1937 taldeak aurkeztutako salaketari esker, gerran eta gerraostean gertatutako hamalau krimen ikertzeko diligentziak abiatu ditu epaile batek. Euskal Herriko hainbat erakunde —batik bat, udalak— saiatu dira epaitegietako bidea urratzen eta dozenaka salaketa aurkeztu izan dira epaitegietan; baina Bergarakoa da gizateriaren kontrako krimen eta genozidio zantzuengatik ikerketa abiatu duen lehena —eta oraingoz, bakarra—.
E. Goenaga Lizaso
Frankismoaren biktimei gaur eskainiko zaien Urrezko Dominak legealdi hasieratik egindako lana borobiltzen duela dio Maribel Bakero Foru Aldundiko Giza Eskubideen zuzendariak (Urnieta, 1970). "Baina hau ez da amaiera; asko dago egiteko, oraindik, memoria historikoaren arloan".
1936ko gerrak eta gerra osteko diktadurak utzitako biktimen omenez dozenaka ekitaldi, omenaldi, indusketa, hitzaldi, erakusketa eta abar egin dira azken urteotan, eta guztiak mapa interaktibo batean jaso ditu Aranzadik, Gipuzkoako Foru Aldundiaren enkarguz (www.gipuzkoa.eus/ eu/web/bizikidetza/memoria-historiko/mapa). Erakunde publikoek eta memoria historikoaren inguruan aritzen diren elkarteek antolatutako omenaldiak eta ekintzak dira guztiak. Biktimen inguruko jarduerak egin dituzten herriak agertzen dira Gipuzkoako mapa...
Imanol Garcia Landa
Orain 30 urte jarri zuten martxan Alegiako gaztetxea, eta bizirik jarraitzen du egun; urteurrenaren leloak dioen moduan: Zutik, bizirik eta bibalabirjen!. Alex Goikoetxea gaztetxeko kideak gogora ekarri du 1987an Alegiako tren geltokiko biltegia okupatu zutenean zegoen giroa.
Unai Zubeldia
"Eutsi egiten diogu greba deialdiari". Borondatea badago, baina irtenbidea ez da erraza. ELA, LAB, CCOO eta UGT sindikatuen babesarekin, abenduaren 20rako greba mugagabera deituta daude Gipuzkoako kale garbitzaileak eta zabor biltzaileak —abenduaren 19an hasiko litzateke, 21:00etako txanda aldaketan—. Gauzatuz gero, lurraldearen %60-70 ingururi eragingo lioke grebak, Donostia, Irun, Hernani, Errenteria, Zumarraga eta Tolosari, besteak beste; 1.200 bat langile leudeke deituta grebarekin bat egitera, udalek eta mankomunitateek azpikontratatutako enpresentzat lanean ari direnak, hain zuzen ere. Greba deialdi horretatik kanpo geldituko lirateke udalek eta mankomunitateek zuzenean kontratatzen dituzten zerbitzuak.
Ariane Vierbücher
Etorkizunari ateak ireki nahian, Legorretako Udalak beste aukera bat eman nahi dio Etxezarreta paper fabrikari. Etorkizunean "aukera ugari" izan ditzakeen espazio bat dela uste du Zelai Amenabarro alkateak, eta, lan lerro gisa ideia hori hartuta, proiektu bat garatu dute Goieki Garapen Agentziarekin eta Eibarko GAC arkitektura bulegoarekin batera. Proposamen hori aurkeztu diote Gipuzkoako Foru Aldundiari, hark Etxezarreta paper fabrikako eraikin multzo bat biziberritzeko konpromisoa hartuko duen itxaropenez.
Beñat Alberdi
Eguraldia, gehienetan, ez da izaten lagunik onena abenduan, baina dantzazaleek lepo bete dute Elgetako Espaloia antzokia; eguraldiak barruan egoteko gonbita egiten duelako, akaso, baina Escamot Catala Kataluniako dantza taldea Okzitaniako dantzen ikastaro bat ematera bertaratu delako, ziurrenik. Ohikoa da hilean behin dantzazaleek Elgetako antzokia betetzea, dantzaldiak antolatzen baitituzte Herrixa Dantzan egitasmoaren barruan; kataluniarren bisita jaso dute oraingoan.
Erik Gartzia Egaña
Historikoki, abeltzaintza eta nekazaritza jarduerei lotuta egon izan da Oiartzun. Hala ere, udalerrian zama handia eduki izan du lehen sektoreari lotutako beste jarduera batek ere: meatzaritzak. Bi mila urtez ustiatu dituzte Arditurriko meatzeak, erromatarren garaian hasi eta 1984ra arte; urte hartan itxi zuten meatzea.
![[Museora] Langileen Etxebizitzak. Museo bat su gozoaren bueltan](https://gipuzkoa.hitza.eus/wp-content/uploads/Langilearen_ibilbideko_etxebizitza_Legazpin.jpg "Langilearen ibilbideko etxebizitza Legazpin")
Eider Goenaga Lizaso
Araiatik [Araba] etorri zen familia bateko kideak bizi izan ziren etxe honetan". Horrela edo antzeko beste esaldiren bat erabilita egiten du Langileen Etxebizitzako bisita gidatuaren aurkezpena Olatz Conde Lenbur fundazioko kideak (Legazpi, 1947).
