Unai Zubeldia
Ez dute zalantzan jarri Irun eta Astigarraga artean abiadura handira egokituko den trenbide zabalera egokitzeko hirugarren erraila jartzeko lanak egin behar diren edo ez. "Eurek jakingo dute hori". Baina Gipuzkoako Ahal Dugu-k salatu egin ditu herritarrak Renferen zerbitzuetan jasaten ari diren kalteak.
Unai Zubeldia
Produzitzen dugunaren %90 baino gehiago esportatzen dugu. Oso barneratuta daukagu nazioartekotasun hori; atzerrian dago gure egunerokoa". Xabier Alzaga Danobat Elgoibarko enpresako zuzendari kudeatzailea (Eibar, 1976) gustura dago azken urteotan nazioartean lortzen ari diren lekuarekin. "Beti pauso bat aurretik ibiltzea da gure erronka; bai makinen teknologian, bai zerbitzuetan... Horretan ari gara, eta horrela jarraitzea da merkatuan hazten segitzeko biderik egokiena".
Loinaz Agirre
Internet eta gailu teknologikoak erabilita sortutako milioika datu aztertuta, erakundeei eta antolakuntzei etorkizuneko estrategiak zehazten eta erabaki hobeak hartzen laguntzea. Horixe da Anaitz Goia segurarraren Erasight enpresa berriaren egiteko nagusia. Goieki Goierriko garapen agentziak antolatzen duen enpresa ekimen berrien saria irabazi berri du Goiak. Erabiltzaileak dituztenei eman nahi diete, bereziki, zerbitzua.
Era eta sight hitzen jokotik sortu dute Erasight, euskarari, gaztelaniari eta ingelesari keinu eginez. "Ikuspegia" esan nahi du ingelesezko sight hitzak. "Zentzu baikorra du", azaldu du Anaitz Goiak.
Ane Olaizola
Mundubira 500: Elkano fundazioa sortu dute Getariako Udalak, Urola Kostako Udal Elkarteak, Gipuzkoako Foru Aldundiak eta Eusko Jaurlaritzak, Juan Sebastian Elkanok 1519tik 1522ra munduari emandako biraren bosgarren mendeurrena ospatzeko. Elkanori eta espedizioari buruzko aholkularitza historikoa eman die Xabier Alberdi historialariak (Zarautz, 1969) erakundeei.
Aitor Biain
Unean uneko sorkuntza lana da; bat-batekoa. Ez dute gidoirik, ez aurrez buruz ikasitako ezer; bakoitzaren irudimena ez besterik. Agertokira igo eta momentuan bertan, ikuslearen aurrean asmatzen dituzte istorioak Supituki antzerki taldeko kideek. Inprobisazio hutsa da, taldearen izenak dioen moduan. Hori baita antzerki inprobisatua, antzerkia egiteko "beste modu bat", Itziar Arkauz, Josu Zubia, Ariane Telleria eta Egoitz Aizpuru oñatiarrentzat. "Bat-bateko sorkuntza lanak eragiten duen zirrarak erakartzen gaitu. Inoiz ez dugu jakiten zeri buruz ariko garen agertokian; gu geu ere harritu egiten gara askotan. Emanaldi bakoitza bakarra bilakatzen da", aitortu du Telleriak.
O. Mitxelena
Lanbidez kazetaria da Luisma Laboa (Pasai Donibane, 1970), eta herriko bake epailea ere bada. Ezkontza asko egindakoa, oso ezaguna da Pasaian.
![[Herriz herri] Pasaia. Lau nortasun herri bakarrean](https://gipuzkoa.hitza.eus/wp-content/uploads/PASAIA.jpg "PASAIA")
Olatz Mitxelena
Ez da ohikoa, eta horregatik badu zerbait berezitik. Pasaiak lau herri txiki biltzen ditu udalerri bakarrean: Donibane, San Pedro, Trintxerpe eta Antxo. Herri bat badiaren bueltan sortua, eta portua erdian, bildu eta bereizi, biak bat egiten dituena. Gaur egun Pasaia ezagutzen ez duen norbaiti hari buruzko galdera eginez gero, arraunarekin lotuko du ziurrenik; eta herritar helduagoek, akaso, garai bateko ontziolarekin eta arrantza portuarekin. Eta ez da harritzekoa.
![[Museora] Iturraran parketxea. Toki bakarra, hamaika bisita](https://gipuzkoa.hitza.eus/wp-content/uploads/Pagoetako_natur_parkea-Iturraran_parketxea.jpg "Pagoetako natur parkea-Iturraran parketxea")
Eider Goenaga Lizaso
Pagoetako natur parkeak eguna pasatzeko aukera paregabea eskaintzen dio hara biltzen denari. Gipuzkoako Parketxe Sarea osatzen duten natur parkeetako bat da, eta bisitariari Iturrarango interpretazio zentroan egiten zaio harrera.
Miren Osa Galdona
Eguraldi txarra izan ezean, bateratzeko nekezak izaten dira udara eta zinema. Areto itxi eta ilunak albo batera utziz, Errepidez Errepide zikloak road movie-aren inguruko zazpi pelikula eskainiko ditu aire zabalean, Tabakalerako Ud-ha programaren barruan. Gaurtik, ostiralero film bat proiektatuko dute. 22:15ean izango dira, eta abuztuaren 25a arte iraungo du zikloak. Lur Olaizola Lizarralde (Donostia, 1988) Tabakalerako ikus-entzunezko programaren koordinatzailearen esanetan, jendeak udan zinemaz goza dezan nahi dute, "zinemarik onena eskainiz".
