Unai Zubeldia
Fosilen azterketa lanari beste bat gehituta, egungo animalien proteinak hartu, proteina mekanikoen garapena aztertu, eta duela 350 milioi urteko animalien tamaina jakin ahal izan dute Donostiako CIC Nanoguneko ikerlariek. Raul Perez-Jimenek zuzendu du Aitor Mantecaren ikerketa lana, eta lantalde horretan aritu da David de Sancho ere (Barakaldo, Bizkaia, 1977), CIC Nanoguneko Ikerbasque ikerlaria.
Imanol Garcia Landa
Azpiegiturei dagokienez, apiriletik hona zertxobait aldatu da Abaltzisketako paisaia. Ezaugarri berezi bat duten bederatzi farol jarri dituzte herrian: gainaldean, eguzki plaka bat dute. Landargi egitasmotik emandako diru laguntza baliatuta animatu dira herrian horrelako farolak jartzera.
Unai Zubeldia
Antzerkia aipatu eta Viktoria Eugenia antzokia irudikatzen dugu gehienetan. Herritar askok urruti sentitzen dute antzerkia, eta aktoreak eta ikusleak elkarrengana gerturatzen laguntzeko sortu dugu proiektu hau". Jon Sagarzazu diseinatzaile grafikoak eta sortzaileetako batek (Zestoa, 1965) azaldu duen moduan, jan-edana, arte galeriak eta antzerkia batuta, "proposamen berritzailea" eskaini du La Farandula Donostiako Egia auzoko mikroantzerki tabernak. Prestalanak amaituta, martxoaren 30ean ekin zioten bideari. "Eta oso gustura gaude jendeak egin dion harrerarekin".
![[Museora] Santa Maria la Real Monumentu Multzoa. Aztarnetatik, historia](https://gipuzkoa.hitza.eus/wp-content/uploads/ZARAUZKO_SANTA_MARIA_LA_REAL_MONUMENTU_MULTZOA.jpg "OLYMPUS DIGITAL CAMERA")
Eider Goenaga Lizaso
Museo edo monumentu multzo gisa 2002an hasi ziren lanean Zarauzko Santa Maria la Realen; Arte eta Historia Museoa atondu zuten kanpandorrean, eta parrokian, kanpandorrean eta bi eraikinetan topatutako aztarnategi arkeologikoak ireki egin zituzten bisitarientzat.
Loinaz Agirre
Arkitektoa da Koldo Telleria (Segura, 1972), eta ondo ezagutzen du herriaren egitura.
![[Herriz herri] Segura. Herri bizi baten eredua](https://gipuzkoa.hitza.eus/wp-content/uploads/SEGURA.jpg "SEGURA")
Loinaz Agirre
Erdi Aroan, 1256an, Segura hiribildua sortzeko agindua eman zuen Alfontso X.a Gaztelako erregeak. Herriko arkitekturak eta ondareak ondo baino hobeto adierazten du historian Segurak zer garrantzi izan duen. Dena den, 1256an Segura izena hartu aurretik, herriak Erraztiolatza izena zuela uste dute, eta gaur egun San Andres ermita dagoen inguruan zegoela. Eusko Jaurlaritzak kultura ondasun izendatu zuen 1996ko otsailaren 6an, monumentu-multzo izenarekin. Gaur egun, Seguraren historia gertutik ezagutzeko aukera dago Ardixarra etxean eta Erraztiolatza museoan.
Danel Agirre
Bizitza da, nire muturren aurretik pasatzen ari den hori, Medellinen Juan Manuel Lilloz gozatzen dabiltzan bitartean. Kontatu nizun hementxe duela hiru urte: Lillologo-tzat dut neure burua. Eta Latino-amerikako bere egonaldiek suspertzen didate bereziki kalentura. Mexikon, Txilen edo Kolonbian kontratatzen duten bakoitzean, zaletasuna obsesio bilakatzen zait niri. Telesailen azken atalaren zain igaro ohi duzun kalbario berbera pairatzen dut nik Lilloren eguneko prentsaurrekoa Youtuben agertzen den arte.
Unai Zubeldia
Musika zuzenean, edaria guztien eskura, haurrentzako ekintzak... Arte garaikidearen azoka soil bat baino askoz gehiago izango da Donostiartean. Lehen hiru urteak ohiko bidetik egin ondoren, hala nahi duten guztiek gaueko lehen arte azokarekin gozatu ahal izango dute igandera bitartean, Donostiako Kursaal jauregian. "Ezinbestekoa da etengabe berrituz joatea, ezberdina den horrek erakartzen duelako jendea". Erronka horri segika, arteari ilunabarra eskaini nahi izan dio Madrilgo Gaudi galeriak. "Uda, Donostia, Jazzaldia, arteaz gozatzeko eraikin paregabea... Aukera bikaina sortu zitzaigun parez pare", azaldu du Marta Scarpellik, Donostiartean egitasmoko antolatzaileak (Madril, 1960).
Rebeka Calvo
Adriana Gaultier gazteak (Leaburu-Txarama, 1993) irabazi du Euskadi Gaztea irratiak antolatutako II. DJ lehiaketa. Besteak beste, musika nahasteko mahai bat etxeratu du, eta BBK Live eta Kutxa Kultur jaialdietan musika jartzeko aukera ere ...
Eider Goenaga Lizaso
Uda heldu da, eta, udarekin batera, herrietako jaiak, eta, herrietako jaiekin batera, emakumeen kontrako sexu erasoen inguruko albisteak eta salaketak. Azken egunetan Zarautzen gertatutako bi sexu erasoren berri zabaldu da, eta beste bat izan zen Eibarren. Erasoen ostean, udalek gaitzespen irmoa egin dute, eta mobilizazioak izan dira. Zarauzko Berdintasun zinegotzi Gloria Vazquez pozik dago herritarren erantzunarekin. "Jende asko mugitu da, eta, zorionez, uste dut gizartea gero eta sentsibilizatuago dagoela. Dena den, sentsibilizazioarekin jarraitu behar da, eta gizarteak ulertu behar du berdintasuna dela hori amaitzeko bidea".
