Markos Urdangarinek 2014an jarri zuen martxan Gorbea Barraskiloak barraskilo haztegia, Seguran. Ekoizpenaren %80 irailetik urtarrilera egiten duela adierazi du. Hurrengo urtean hartuko du erretiroa.

Gipuzkoan egiten ari diren zenbait obrak, trenak berandutzeaz gain, murrizketak eragin dituzte. Horren ondorioz, kexu dira bidaiari eta langile batzuk. Besteak beste, eraikitzen ari diren hirugarren erraila egiteko lanek eta Abiadura Handiko Trenaren lanek sortu dituzte eragozpenik handienak.

Suhiltzaile ibiltarien figura desager dadin aldundiarekin negoziazioak hasi dituzte sindikatuek. Gipuzkoarako zerbitzu bakarra nahi du LABek.

'Arrantza eta elikadura sistemak' jardunaldiak egin berri dituzte Getarian. Lopategik azpimarratu du gizarteak bizkarra eman diola itsasoari. "Eta itsasoari begira jarri behar dugu geure burua".

Goierrik Helmuga Turistiko Adimenduna zigilua lortzeko tramiteak hasi ditu. Orain arte, hiriburuetan bakarrik aplikatu dute eredu hori. Bizpahiru urteko prozesua izango da.

Goieki Goierriko Garapen Agentziak antolatu du erakusketa, Laia Ingurumen Zerbitzuekin elkarlanean. Goierriko Energia Plana du oinarrian. Klima aldaketaren aurkako borrokan, norbanakoaren konpromisoa bistaratu du.

2017tik dago iraungita Arrasateko Aita Menni ospitale psikiatrikoko lan ituna. Pedro Cuevas Arrasateko Aita Menni ospitale psikiatrikoko langile batzordeko kideak dio langileak falta direla, lan karga gero eta handiagoa dela, eta gero eta arreta okerragoa ematen zaiela pazienteei.