Sortzaile gazteak dira Julen Portillo zarauztarra, Andrea Gonzalez bergararra eta Maddi Etxeberria andoaindarra. Internet bihurtu dute euren gotorleku, eta han biluzten dute barrua, eguneroko kontuak bideo labur bihurtuta. Hasieratik argi eduki zuten hirurek: euskaraz sortuko zituzten edukiak. Bidea egiten ari dira.
Iñaki Bidegain Zarautzen bizi den neurologoak garapen nahasmenak dituzten haur asko ezagutu ditu lanean nahiz Aspacen. Azken urteotan Bolivian ere aritu da lanean. Liburu bat kaleratu du.
Iñaki Lopetegi eta Jon Arrieta tolosarrek Ghanarako bidaia egingo dute martxoan. 'Tolotro' izena jarri diote abenturari, eta furgoneta Ghanan bertan uztea da asmoa.
Arrasateko gaztetxeko kideek ez dute ulertzen udalak eurekiko daukan konpromiso falta. Hiru arazo nagusi zerrendatu ditu Oihan Loiti gaztetxeko kideak: garbitasuna, segurtasuna eta igogailua. "Erantzun bat eskatzen dugu: aterabide bat".
Irantzu Barrio matematikariak estatistikari buruzko hitzaldia emango du gaur, Beasainen, Lemniskata sarearen 'Urtarrila, matematikaren bila' zikloan. Emakumezkoak izango dira zikloko hizlarien erdiak.
'Ondare atariak, irisgarri eta inklusiboak?' erakusketa ikusgai dago otsailaren 28ra arte, Donostian, Egiako kultur etxean. Gipuzkoako hiriburuan balio arkitektoniko handia daukaten 23 etxebizitza atariren moldaketak ikus daitezke.
Minbiziaren aurkako AECC elkartearen terapietan, alde psikologikotik eta fisikotik lantzen dute tabakoarekiko mendekotasuna. Gipuzkoako zazpi herritan antolatzen ditu erretzeari uzten laguntzeko saioak. Batez beste, hamarretik seik lortzen dute helburua.
Udan 37 urte beteko dira Urolako trenak azken joan-etorria egin zuenetik, baina bidaia berri bat abiatu du, Sabino Legarda-Ereñok 1980ko hamarkadaren hasieran ateratako diapositiben bidez.
Herri Hezitzailea filosofiaren barruan sortu zuten Haurren Kontseilua, eta urtebeteko bidea egin du Azpeitian. Haurren lanaren emaitzak agerikoak dira: Neguko Topalekua ireki dute.
Huhezinema Aretxabaletako film laburren jaialdia koordinatzen ari da Iban del Campo Mondragon Unibertsitateko irakaslea. Gazteengana bakarrik ez, haurrengana eta helduengana ere iritsi nahi dute aurten. Hurrengo asteazkenean hasiko da jaialdia, eta ostiralean amaituko.
