Natalia Lakuntza ariko da gaur, 19:30ean, Donostiako Viktoria Eugenia antzokian. Olatz Salvador, La Bien Querida, Maite Larburu Trio eta Neomak ere izango dira.
Debagoienean sormenari lekua egiteko, Elgetan egonaldi artistikoak antolatu ditu Debagoieneko Antzerki Plataformak. Gaur amaituko da lehen egonaldia, eta beste hiru egingo dituzte martxoan. Arrasate, Bergara eta Gasteizkoak dira konpainiak.
Jesus Mari Perona oriotarrak haurtzaroan sentitu zuen itsasontziekiko lilura, eta modelogile lanera bideratu zuen bere pasioa. XVIII. mendean naufragio bat izan zuen ontzi bat zaharberritu du.
Martxoaren 4an eskainiko du azken aldiz bere bakarrizketa Antton Telleriak, Donostiako Antzoki Zaharrean. Euskarazko 'stand-up' komedia generoan ekarpena egin nahi izan du tolosarrak.
Euskal Herriko eta nazioarteko 30 artistak parte hartuko dute aurtengo Ahoz Aho Ahozkotasunaren Nazioarteko Jaialdian. Anjel Lertxundi idazleari emango diote Ohorezko Urrezko Kalabaza saria.
Elbira Zipitriari "aitortza bat" egin nahi izan dio Iban Gonzalezek 'Elbira' hari buruzko dokumentalaren bidez. Zipitriaren ingurukoei egindako hainbat elkarrizketarekin eta fikziozko zatiekin osatu du lana.
Cimasub Itsaspeko Zinemaren Nazioarteko Zikloaren hirugarren saioa izango dute astelehenean Lasarte-Orian, aurtengo lehiaketako film irabazleena. Itsaspeko edertasuna eta gizakiaren eragin kaltegarria islatzen dute lanek.
Emakumea eta euskal musika ardatz hartuta ari dira lantzen aurten Batura musika zikloaren hirugarren aldia. Donostian izango da hurrengo kontzertua, bihar, eta Zerainen arituko dira etzi.
Kaleak artean jendez betetzen hasi aurretik ateratzen dira txistulariak. Jada ez dira asko iganderoko dianei eusten dieten udalerriak, baina, aspaldiko ohitura hori mantendu duten tokietan, txistulariek astero zain izaten dituzte zenbait jarraitzaile beren balkoietan.
Oñatin urtebete baino gehiago daramate Arantzazuko liburutegiko apalategiak husten, liburuak garbitzen eta antolatzen. 1500. urteko liburuetatik egungoetara, ekosistema txiki bat topatu dute bertan.
