Urdinduz Eguna ospatuko dute igandean Azpeitian. Autismoaren errealitatea ikusarazteko ibilaldi bat egingo dute. Egitasmo horren bueltan askotariko ekitaldiak antolatu dituzte.
Gipuzkoako Foru Aldundiak garraio jasangarria sustatzeko egitasmo pilotu bat jarri du martxan Ezkio-Itsason, Legazpin, Urretxun eta Zumarragan: Mugi txartela duten bizilagunek euren bizikletei motorra jar diezaiokete Zumarragako Zatika dendan.
Mutrikun 26. Berdel Eguna egingo dute bihar, berdela eta arrantza sektorea ikusarazteko. Tailerrak, txapelketak, azoka, pintxo dastaketa eta kontzertuak izango dira egun guztian.
Gipuzkoako Herritarren Batzarrak klima aldaketari eta nekazaritzari buruzko gomendio sorta bat egin dio Gipuzkoako Foru Aldundiari; horri erantzunez, zer konpromiso hartuko dituen zehaztu du aldundiak. Batzar hori sortu den lehen aldia izan da, eta sustatzaileak pozik agertu dira emaitzarekin.
Haurrentzako euskarazko edukiak Telegram eta Whatsapp kanaletatik zabaltzeari ekin dio Klik Euskaraz Txiki taldeak. Mila jarraitzaile baino gehiago ditu dagoeneko bi sareetan.
Iraurgik eta Gipuzkoa Basketek derbia jokatuko dute igandean, Azpeitian. Kanporaketak ditu amets Gipuzkoa Basketek; mailari eustea Iraurgik.
Uste zenaren kontra, Antzuolako armarria Mairuaren Alardea baino lehenagokoa dela ondorioztatu du Patxi Olabarriak; hau da, armarritik atera zela alardea, ez alderantziz. 'Alarde' hitzak eragin duela nahasmena dio.
Neguko Kiroletako Euskal Federazioan zuen ardura utzi berritan, Miguel Angel Plazas 'Txiki' omendu dute Tolosako Alpino Uzturre elkartekoek, urteotako ekarpenagatik.
