Albisteak

Blaugranak, erraietaraino
2018-09-142018-09-13Albisteak, gipuzkoa, Kirola

Blaugranak, erraietaraino

Ikerne Zarate

Jarraitzaile leialak, zale prestuak, sekula kale egiten ez duten horietakoak. Distantziak ere ez ditu kikiltzen, eta harro janzten dute beren taldearen elastikoa, beren herriaren eta jarraitzen duten kirol taldearenaren artean ia 600 kilometro badaude ere. Trintxerpen du egoitza Pasaiako Bartzelonaren kirol lagunarteak, eta ospakizun bikoitza du gaur hasi eta igandera arte: Bartzelonak Anoeta berrituan jokatuko du bihar, Realaren aurka, eta hilaren 30ean bost urte beteko ditu Pasaiako zaleen taldeak.

Ondarearen ateak irekita
2018-09-072018-09-06Albisteak, Asteko Gaiak, gipuzkoa, Kultura

Ondarearen ateak irekita

Xabier Regil Agirre

Lau fatxadetatik ateratzen diren xaflek kaiola itxura ematen diote eraikinari, kaiola ireki baten itxura. Horrek badu loturarik haren zereginarekin; piezak gordetzen dituzte bertan, baina ez du horiek han mantentzea helburu; jendeak pieza horien balioa aintzat hartzea da gordailuan duten benetako helburua. Hori berretsi du Urkiri Salaberria bertako bisita gidariak: "Ideala litzateke piezak etengabe mugimenduan egotea; piezak ez ditugu gordetzen gordetze hutsagatik, gure ondorengoei erakusteko baizik".

Geltoki bat bide luzean
2018-09-072018-09-06Albisteak, gipuzkoa, Gizartea

Geltoki bat bide luzean

Imanol Saiz

Frantziara jauzia egitea da Afrikatik iritsitako migratzaile askoren nahia, urte askoko ibilbide gogorraren ostean ahaideekin eta lagunekin bestelako bizimodu bati ekiteko. Bide horretan, Irunera iristen dira asko, Frantzia eta Espainiaren arteko muga politikoa igarotzeko. Azken bi hilabeteotan, mila lagun baino gehiago igaro da Bidasoko badiatik. Askok berehala lortzen dute muga zeharkatzea, baina beste batzuek geldialdia egin behar izaten dute Irunen.

Haurrak zinemagile
2018-09-072018-09-06Albisteak, gipuzkoa, Gizartea, Kultura

Haurrak zinemagile

Miriam Luki
Haurrak eta zinema hitzak elkartuz gero, bururatutako lehen irudian haurra eserlekuan egongo da seguruenik, ikusle soil gisa. Begira elkartearen bitartez, ordea, hitz elkarketa horrek beste irudi batzuk iradokitzen ditu, non umeak zinemagile diren.

Vivaldi, euskal moldean
2018-09-072018-09-06Albisteak, gipuzkoa, Kultura

Vivaldi, euskal moldean

Rebeka Calvo

Duela bi urte hasitako bidean beste geldialdi bat egingo du Lau Sasuak proiektuak. Oraingoan, Larraulen. "Ipar Euskal Herrian aritu izan gara orain arte, eta, lehendabizikoz, Hego Euskal Herrian ariko gara irailaren 23an. Oso berri pozgarria da. Euskaldunon arteko sareak funtzionatzen duen seinale da", azaldu du Mixel Etxekoparrek (Gotaine, Zuberoa, 1963), proiektuko txistulari eta kantariak. "Baigorriko ibarrean grabatu genuen diskoa, Bakarko elizan, 2016an", gogoratu du.

Oinarri-oinarrira bisita
2018-09-072018-09-06Albisteak, gipuzkoa, Kultura

Oinarri-oinarrira bisita

Unai Zubeldia
Denboran bidaiatzeko aukera eskainiko du Elgetak bihar. Erromesa, errementaria, apaiza, jostuna, eskribaua, nekazaria, jauntxoa, inkisidorea, sorgina edo emagina, kontseiluburua... Herritarrak aktore lanetan jarrita, Erdi Arora jauzi egingo dute bisita antzeztuarekin.

Iñaki Bengoa: “Liluratuta gelditu nintzen jasotako babesarekin”
2018-09-072018-09-06Albisteak, gipuzkoa, Kultura

Iñaki Bengoa: “Liluratuta gelditu nintzen jasotako babesarekin”

Beñat Alberdi

Hamaika ikusteko jaioak izan arren, gutxik esperoko zuten Huntza eta Ruper Ordorika kontzertu berean aurkitzea; eta are gutxiago gune berean Pablo Novoa eta Keu Agirretxea, Petti eta Barrenan Semiak, eta Ines Osinaga eta Zea Mayseko Aiora eta Piti elkartzea. Nahikoa ezohikoa da kontzertua, baina baita arrazoia ere: Shot Arrasateko estudioa berriz zabaltzeko bultzada lortu nahi dute irailaren 23an —suak kiskali zuen maiatzaren 11n—. Kartelak ondo erakusten du Shot estudioak eta Iñaki Bengoa arduradunak (Arrasate, 1968) urteotan egindako lana. 1994tik talde asko igaro dira handik diskoa grabatzeko: Betagarri, Su ta Gar, La Polla Records, Gose...