gipuzkoa

Goiztiarrik ez da irtengo aurten
2020-09-042020-09-03Albisteak, gipuzkoa, Gizartea, Kultura

Goiztiarrik ez da irtengo aurten

Aitziber Arzallus

Irailaren hasiera berezia izaten da zarauztarrentzat. Gipuzkoar gehienei errutinara izuli beharra etortzen zaien egunotan, zarauztarrek Euskal Astea ospatzen dute, eta aste horretako egun handia irailaren 9a izaten dute: Euskal Jaiak, hain zuzen. Urteko egunik onena izaten da herritar askorentzat, eta baita Patxi Alberdirentzat ere (Zarautz, 1947). Goiztiarrak taldearen bultzatzailea da Alberdi: taldearen izenak ederki dioen moduan, "festa goizean goizetik bizitzea" gustatzen zaien horietakoa.

2020-07-312020-07-30gipuzkoa

%83,1 gutxitu dira ostatuetako sarrerak ekainean

Ekainean, turismo ostatuen sektoreak lehengo jarduerara itzuli nahian jarraitu zuen, baina, iazko datuekin alderatuta, beherakada oso handia da oraindik ere; Gipuzkoan, guztira 22.900 sarrera erregistratu ziren, eta, iazko ekainarekin konparatuta, %83,1 txikiagoa da kopuru hori. Batik bat atzerriko bisitarien artean izan zen jaitsiera: mota horretako bidaiariak %93,9 gutxitu ziren ostatuetan, eta Hego Euskal Herriko eta Espainiakoak %70,6. Eustat Euskal Estatistika Erakundeak Establezimendu turistiko hartzaileen inkesta argitaratu du aste honetan, eta horiek dira eman dituen datuetako batzuk.

Alarma egoeraren eraginez, sektorea ia-ia guztiz gelditu zen martxoan, ostatuek itxi egin behar izan baitzituzten ateak. Maiatzean hasi ziren pixkanaka berriz irekitzen, eta maiatzetik ekainera bitartean suspertze bat igarri du estatistika erakundeak: Gipuzkoan, 189 ostatu aritu ziren lanean maiatzean —gutxienez egun batean irekita—, eta 358 egon ziren itxita; ekainean, berriz, 346 ostatuk ireki zituzten ateak, eta 203 egon ziren itxita.

Ostatu mota kontuan hartuta ere eman ditu datuak Eustatek: apartamentu turistikoei dagokienez, 31 egon ziren irekita, eta hamasei itxita; hotelen artean, 185 egon ziren irekita, eta 123 itxita; azkenik, 130 landetxe aritu ziren lanean, eta 64k ez zuten egun bakar batean ere ireki. Hoteletan eta landetxeetan, joera antzekoa izan dela esan du estatitistika erakundeak.

Gipuzkoako datuak ez ezik, Arabakoak eta Bizkaikoak ere eman ditu estatistika erakundeak, eta hiru lurraldeetan egoera antzekoa dela nabarmendu du. Hain zuzen ere, EAEko sarreren % 41,2 biltzen ditu Gipuzkoak.

Turismoaren arrastoa alokairuetan
2020-07-312020-07-30Albisteak, Ekonomia, gipuzkoa, Gizartea

Turismoaren arrastoa alokairuetan

Miren Garate

Bihartik etziko datak jarrita, hauek ziren Airbnb plataforman aste honetan iragartzen ziren etxeetako batzuk, Donostian: 40 metro karratuko apartamentu bat, erdialdetik hamabost minutura, gaua 140 euroan; lau logelako etxe bat, Euskotrenen geltokitik bost minutura eta Kontxatik hamar minutura, gaua berrehun euroan; hiru logelako etxe bat, bereziki egokia arte modernoa interesatzen zaienentzat, hondartzatik gertu eta doako aparkalekuarekin, gaua hirurehun euroan. Etxe osoa ez ezik, logela bakar bat alokatzeko aukera ere egon ohi da plataforma horren bidez.

2020-07-312020-07-30gipuzkoa, Iritzia

Botoa eta bizitza

Juan Luis Zabala

Ez nian galdetu ere egin horretaz aurrekoan —esan zidan—, baina botoa emango huen uztailaren 12an, ezta?

—Eman ninan, bai, beti bezala, betikoari, beti bezain ziur eta beti bezain gogo gutxirekin, egia osoa esateko.

Garai ez hain urrun haiek
2020-07-312020-07-30Albisteak, gipuzkoa, Kultura

Garai ez hain urrun haiek

Beñat Alberdi

Martxoan zen argitaratzekoa, baina pandemiak argitaletxeei ere eragin die, eta atera berria da Portuak, Oihana Aranaren lehen lana (Eskoriatza, 2001). Ilargiren bizipenak kontatzen ditu eleberrian. Protagonistak atzera begira kontatzen ditu 11 urtetik 17 urtera bitartean bizi izandakoak, behin nerabezaroa pasatu eta gero. Garai horretan dauden gazteei zuzenduta dago liburua, baina ez da haientzat bakarrik; nerabezaroa duela urte batzuk pasatu zutenei ere balioko dielako, garai ez hain urrun horiek gogoratzeko.

Zirtoa, bertsotarako abiapuntu
2020-07-312020-07-30Albisteak, gipuzkoa, Kultura

Zirtoa, bertsotarako abiapuntu

Jon Miranda

Zirtoa bere horretan ikergaitzat hartzeko moduko generoa badela eta Aiztondon zirtoak bilduma bat egiteko adinako tradizioa baduela uste dute Tolosaldeko Harituz bertsozaleen elkarguneko kideek. Gainera, zirto errimatua bertsolaritzaren ikas-prozesuaren sarrera gisa balia daitekeela pentsatzen dute, eta hipotesi horrekin aurkeztu zuten ikerlan proposamena Pello Mari Otaño bekara.

Mirandaolari sua dario berriz
2020-07-312020-07-30Albisteak, gipuzkoa, Gizartea, Kultura

Mirandaolari sua dario berriz

Tere Madinabeitia
Hilabete batzuen ondoren, sutegia piztu da berriro Mirandaolan, eta mailu hotsak entzuten dira. Pandemiaren eraginez, geldi egon da Legazpiko burdinola, baina Lenbur fundazioak berriz ere martxan jarri du, eta bisitariak jasotzeko prest dago.

Irailera begira, baina batere ziurtasunik gabe
2020-07-242020-07-23gipuzkoa

Irailera begira, baina batere ziurtasunik gabe

M. Garate

Erabat geldirik daude zerbitzu berezia ematen duten autobusak. Eskoletako lana bertan behera geratu zitzaien martxoan; turistekin ez dute lanik; erretiratuek eta udalekuetako haurrek ez dute ibilaldirik egiten; kirol lehiaketarik ez dago; ezkontzak atzeratu egin dituzte…. Iraila noiz iritsiko zain daude. Ikasturtea hasten bada, argi pixka bat ikusiko duten itxaropena dute, baina, gainerakoan, panorama beltza da, eta luze jo dezake. "Enpresen %30 galtzeko arriskua ikusten dugu", esan du Aitor Cuadrak, Direbusen Arabako, Bizkaiko eta Gipuzkoako bozeramaileak.

Maiatzaren hasieran sortu zuten plataforma hori. "Mugimendu espontaneo bat izan da, eta ikaragarri handitu da, enpresa guztiok berdintsu baikaude. Dena gelditu da". Hego Euskal Herrian, 2.600 langile inguru aritzen dira sektorean, eta, batez beste, hamahiru autobus ditu enpresa bakoitzak. Baztertuta sentitzen direla dio. "Ohiko laguntzak bakarrik argitaratu dituzte; ez dago aparteko laguntzarik guretzat". Aurtengo udan, ohiko lan bolumenaren %5 izaten ari direla azaldu du, eta uste du enpresa bakar batek ere ez duela urtea irabaziekin amaituko. Gehienek Kreditu Ofizialeko Institutuaren kredituetara jo dute. "Baina horiek ere itzuli egin behar dira. Eta bola handitzen bakarrik ari gara, ibilgailuak ordaintzen eta ari garelako, diru sarrerarik gabe".

Denbora gutxian garraio sektorea goitik behera aldatzeko arriskua ikusten du. "Egoera honek prekaritate handiagoa ekarriko du, erabateko ziurgabetasuna dagoelako kontratuak egiteko. Eta ez digu guri bakarrik eragiten, garraioaren inguruko guztiei baizik. Hor daukagu, adibidez, Goierrin, autobus ekoizle oso sendo bat". Enpresak korporazio handien esku geratzeko arriskua ikusten du Cuadrak. Beste sektore askotan bezala, "monopolizatzeko joera" ikusten du. "Guztiok dirurik gabe bagaude, inbertsio funtsen esku gera gaitezke, eta auskalo non bukatuko luketen erabaki guneek".

Egoera larria dela esan du Aizpurua Autobusak enpresako kudeatzaile Aintzane Aizpuruak ere. "Berragerraldien kontu honekin, gero eta okerrago ikusten dugu dena. Lehen behintzat, uste genuen irailean eskolak hasiko zirela, baina, orain, hori ere ez dugu hain argi. Eta hasten badira ere, ez dakigu lehen adina irteera egingo dituzten ere". 30 autobus dituzte, eta, eskolako garraioari esker, dozena bat izaten zituzten martxan egunero. Martxotik ekainera bitartean izan ohi dute lan gehien, ikastetxeetako ibilaldiengatik. Eta udan ere izaten zituzten ohiko jarduerak: udalekuetako irteerak, estropadak, kirol lehiaketak, herrietako festetara joan-etorriak...

Autobus batzuk erretiratu egin dituzte. "30etik, sei bakarrik utzi ditugu, zerbait suertatuko balitz ere prest izateko". Eta aldi baterako erregulazio espedientean daude langileak. "Birusa dabilen bitartean, ez dut konponbiderik ikusten, baina enpresei eusteko laguntzak eskatzen ditugu". Adierazi du eskola garraioa bertan behera geratu arren, ez dutela inolako kalte-ordainik jaso; ibilgailuen azterketa teknikoa ere berdin-berdin pasatu behar izaten dutela; bidaiarien asegurua ordaindu behar dutela, nahiz eta bidaiaririk ez izan; udal batzuek udal zergari ere eutsi egin diotela; ibilgailuen garantien eta amortizazioen kontua ere hor dagoela... "Gastu txiki pila bat dira. Horrez gain, burokraziaren kontua dago: martirio hutsa da. Eskerrak elkarri laguntzen diogun".

Beldurraren albo kalteak
2020-07-242020-07-23Albisteak, Asteko Gaiak, Ekonomia, gipuzkoa, Gizartea

Beldurraren albo kalteak

Miren Garate
Telelanagatik, aisialdiko ohiturak aldatu egin direlako, eta beste hainbat arrazoiren eraginez, joan-etorriak gutxitu egin dira; gainera, jendeak seguruago ikusten du autoa. Hala, garraio publikoaren erabilera nabarmen murriztu da pandemia hasi zenetik.

2020-07-242020-07-23gipuzkoa, Iritzia

Non dago Kilimon?

Leire Narbaiza

Errepidez bidaia bat egiten dudanean beti izaten dut gogo bera: bide bazterrean dauden seinaleei jaramon egin, eta iragartzen dituzten eliza, etxe, zubi eta abarrei bisita egitea. Automobila gelditu, eta ezagutzea panelean iradokitzen duen guztia. Seguru nago sorpresa on asko hartuko nituzkeela. Txarren bat ere bai, ez dut dudarik.

Umetatik horrela ibiltzeko guraria badut ere, ez dut inoiz egin, helmugak beti agindu duelako, iritsi beharrak frenatu duelako nire nahi hori. Zer esanik ez bidaiakideen betoa, alderrai ibiltzeak jende gutxi erakartzen duelako.