Pasira egitasmoa abian dute Azkoitian, adineko pertsonek elkarren artean harremana susta dezaten paseoan dabiltzanean. "Guztiz mesedegarria" dela adierazi dute.
Donostiako Turismo Olde Handiko Eremua Bretxako merkataritza gunera zabaltzeko eskatu du Bretxako Erabiltzaileen Elkarteak, igande eta jaiegunetan dendak ireki ahal izateko. Jaurlaritzak du azken hitza.
Kontziliazio erantzukidea sustatzeko helburuarekin, Beasaingo merkatariek arratsaldeko ordutegia moldatuko dute otsailean, jarduna lehenago hasiz eta amaituz.
Antzerkia bultzatzea helburu duen plataforma aurkeztu berri dute Debagoienean: DAP Debagoieneko Antzerki Plataforma. Iurgi Etxebarria DAPeko kidearen ustez, kultur arloa aberasteko ez ezik, gizartea eraldatzeko eta norbere burua lantzeko ere tresna garrantzitsua da.
Donostiako Jazzaldian tokiko hamar proiektuk parte hartuko dute aurten, eta horiek aukeratzeko kontzertuak ematen ari dira hamabost talde. Uztailaren 21etik 25era izango da Jazzaldia.
Oñatiko musika eskola eraberritzeko prozesua abiatu dute: eraikina zein haren pedagogia. Zuzendaritza batzordeak herriko eragile garrantzitsutzat jo du eskola, ertz asko ukitzen baititu.
Juan Luis Zabala
Ahozko hizkera gero eta lotuago dago pantailetako hizkerarekin, kaleko bizitza pantailetako bizitzarekin gero eta lotuago dagoen bezala.
Eskultorea, egur langilea, artisaua... Formekin jolastea gustatzen zaiola dio Irazuk, egurra hartu eta hari beste zentzu bat ematen saiatzen dela. Larraulgo jaiotetxearen aldamenean eraiki duen tailerrean, bere sentitzen duen tokian sortzen du.
Ekainek Perthesen gaixotasuna du. Femurrari eragiten dion gaixotasun arraro bat da, aldaka babestea eskatzen duena. Urte eta erdi egin du gurpil aulkian, baina hezurra ongi ari zaio sortzen, eta "bizitza normala" egiten hasi da.
