Asier Perez-Karkamo
Gaztetxotatik bazekien aldizkarietako rock izarrenak bezalako tatuajeak eduki nahi zituela, baina ez zuen uste azalean marrazten ikasteko aukera izango zuenik. Madrilen ikasketak eginda, Asiako tatuajean aditu bilakatu da Eneko Lekuona (Hondarribia, 1976).
Nerea Uranga
Zarauzko Arraun Elkarteko Badok 13 beteranoen taldeak bost bandera lortu ditu errenkadan; tartean, Gipuzkoako Txapelketa. "Abiada handia hartu dugu. Ez genuen espero bat-batean horrelako emaitzak lortzea", dio Juan Angel Garmendia Xarpas traineruaren entrenatzaileak.
Kerman Garralda Zubimendi
Itzuli dira mailu hotsak eta pintura usaina Bengoleako eraikinera. Neguan ez da izaten mugimendu askorik, baina gazteen joan-etorri handia izaten da udan. Bizikletan edo oinez, denak arropa zaharrekin, karrozak egitera joaten dira. 1959tik ospatzen da Euskal Jaia Urretxun, eta, bertako kultur elkarteekin batera, herria zeharkatzen duen karroza desfilea egiten da egun horretan. Azken orduko hiru hutsuneen ostean, zortzi karroza irtengo dira aurten, iaz baino bi gutxiago. Kuadrillez gain, Kilometroak jaia delaeta, UrretxuZumarraga ikastolak ere egingo du karroza, eta baita Orain Presoak dinamikak ere. "Aukera ona da opor garairako. Jada ez gara joaten udalekuetara, eta lagun artean karrozak egiteko baliatzen dugu denbora librea. Gustura egiten den lana da", argitu du Miren Idigoras AedbTexe kuadrillako gazteak. Nee kuadrillarekin batera, eurak izan dira goiztiarrenak: uztailaren 9an hasi ziren lanak aurreratzen, Euskal Jaia baino 11 aste lehenago. Irailaren 23an izango da aurtengoa.
Xabier Regil Agirre
Gaur hasi eta igandera arte, Zarautz musikariz beteko da, aurten lehenengoz antolatu duten Adarretatik jaialdiaren harira. Hainbat musika mota entzuteko aukera izango da asteburu osoan, hiru agertokitan. Musikaz gozatzeko gogoa duenak, ondorioz, aukera bikaina izango du Zarautzen.
Hamabi talderen emanaldiak izango dira Adarretatik jaialdian: Gaur 12:30. Sara Mansilla, Merkatu plazan. 19:30. Rafa Rueda, Musika plazan. 20:30. DJ Tahira, Borghetton. 22:30. Buffalo, Borghetton. 23:30. The Souljazz Orchestra, Borghetton. Bihar 12:30. Juan Valls, Merkatu plazan. 19:30. Mikel Undargarin, Musika plazan. 20:30. DJ Budin, Borghetton. 22:30. Elkano Browning Cream & Jean Marie Ecay, Borghetton. 23:30. Akatz, Borghetton. Etzi 12:30. Oso...
Danel Agirre
Tonto-tonto, Vladimir Putin palmaresa egiten ari da: Munduko Kopa, Neguko Olinpiar Jokoak, Txetxeniako bigarren gerra, deskuidu antzean okupatu zuen beste penintsula hura, hainbat pozoidura bitxi, Siberian bular bistan kanaberarekin arrantzatutako 20 kiloko lutxo bat, Baltikoko gas pipeline berria, AEBetako bozak, procés-a... Zerrenda inprobisatua da, eta ofiziosoa zeharo, Wikipediak ez dizkiolako lorpen horietako batzuk aitortzen, besteak beste. Errusiako presidentearen jarraitzaileei horrek bost ordea: ez diote jainko txikiaren pasaporte biologikoari erreparatu ohi. Bere menderaezin aurak bilakatu du fenomeno global geldiezin. Agintari ofizioa ia kazetariarena bezain debaluatuta dagoen honetan, putinismoak puztu eta puztu segitzen du.
Ikerne Zarate
Filosofia eta Letretan lizentziaduna da, eta EHUko Hizkuntza eta Literaturaren Didaktika departamentuko irakasle izan da 25 urtez. Hala ere, euskarazko haur eta gazteen literaturak egin du ezagun Mariasun Landa (Errenteria, 1949). Euskarazko haur literaturan Txan fantasma jo zuten lehenengo liburu modernotzat, eta Lizardi saria irabazi zuen horrekin. Ez da izan jaso duen sari bakarra, Krokodiloa ohe azpian liburua gaztelerara itzuli eta Haur eta Gazte Literaturako Espainiako Sari Nazionala ere irabazi zuelako 2003an; baita Eusko Ikaskuntza saria ere, 2014an, euskal kultura sustatzeko egin duen lanagatik.
30 liburutik gora ditu idatziak, eta errealismo kritikoaren sortzaile izan zen euskarazko haur eta gazte literaturan. "Kontzienteki, haur literatura ezberdina egin dut nik".
Eider Goenaga Lizaso
Txuri-urdina alde batera utzi, eta zuri-gorria ohiko kolore bihurtzen da Donostian uztailaren 6tik 14ra. Donostiar eta gipuzkoar asko joaten dira Iruñera, baina sanferminen tiradizoak erakarritako turistak gehitu behar zaizkie horiei. Txukun-txukun, goitik behera zuriz jantzita, eta zapi gorria lepoan dutela ateratzen dira hotel, pentsio eta abarretatik. Horrelakoetan jartzen dute euren kanpaleku nagusia; baina jomuga, 8.000 metroko menditzar baten puntan jarri beharrean, Donostiatik 80 kilometrora jartzen dute: Iruñean. Gipuzkoako Ostalarien Elkarteko idazkari nagusi Kino Martinezek esandakoaren arabera, San Fermin jaiak uda sasoiaren "irteera seinale" izan dira urte askotan.
Xabier Regil Agirre
Nahikoa da Donostiako autobus geltokian minutu gutxi batzuk igarotzea, aste berezi bat dela antzemateko. Edozein aldetara begiratuta ere, zuriz jantzitako edota lepoa zapi gorri batez estalitako norbait ageri da. Adin guztietako jendea dabil bertan, festarako prest diren gazteak zein egun-pasa doazen erretiratuak. Ez da zaila norbait Iruñetik datorren edota Iruñera doan antzematea; nahikoa da arropei edo aurpegiei erreparatzea. Autobusak une oro dabiltza sartu eta atera; horietako askok Iruñea dute abiapuntu edo helmuga. Atzerritar ugari dira tartean, horiek ere goitik behera zuriz jantzita. Batzuk maleta eta motxila handiekin dabiltza autobus geltokian bueltaka.
Unai Zubeldia
Tentsio handikoak" izan dira azken bi egunak. "Baina merezi izan du". Gipuzkoako autobus zerbitzuetan azken unean patronalarekin akordioa lortuta, LAB, UGT, ELA eta CCOO sindikatuek atzo eguerdian bertan behera utzi zuten gaurko, biharko, uztailaren 20rako eta 21erako deituta zeukaten greba. Ekainaren 8an ere lortu zuten aurreakordioa —greba deialdia eginda zeukaten ekainaren 19, 22 eta 25erako—, baina, "aurreakordioan adostutakoa bete gabe", egoera okertu egin zen ondorengo bileretan. Atzoko adostasunarekin, ordea, oraingoz elkarri konfiantza ematea erabaki dute bi aldeek. Gipuzkoako 35 bat enpresatako 5.000 langile inguru zeuden deituta grebara, Lurraldebus, Ekialdebus, Dbus eta Pesakoak tartean.
