Nerea Uranga
Etxetik bertan duelako, Berehala nator izena jarri dion arte tailerrean pasatzen ditu orduak Manu Urbietak (Zarautz, 1963). "Airean" joaten zaio denbora. Egur zaharrekin edota hondartzan jasotako burdinazko piezekin egindako eskulturak, collageak, markoak, postalak, enkarguz egindako oroigarri eta sariak... Horrwlakoak ditu bere arte lantegian.
Eider Goenaga Lizaso
Gidariarekin alokatzen diren ibilgailuen konpainiek eta taxiek urte asko daramatzate espazio berean lanean. Bien arteko liskarrik ez da izan inoiz Gipuzkoan, Goio Alias Gipuzkoako Taxilarien Elkarteko presidenteak eta Jon Izagirre Suital konpainiako koordinatzaileak baieztatu dutenez. Baina, orain, beste aldagai bat sartu da ekuazioan, eta etorkizunean etor daitekeenaren beldur azaldu dira biak. Izan ere, 2009tik 2015era lurreko garraioa arautzeko legeetan (LOTT eta ROTT) aldaketa egin zuen PSOEren gobernuak; Omnibus legea jarri zuen indarrean, eta aldaketa haren ondorioak ari dira pairatzen orain. "Nolabait azaltzeko, ibilgailu gidaridunentzako VTC lizentzien liberalizazioa ekarri zuen lege hark, eta ordu arteko oreka hautsi egin zen", azaldu du Aliasek.
E. Goenaga Lizaso
Taxilarien beldurra ez dator gaur egun jarduten duten auto gidaridunen alokairurako ohiko konpainien jardunetik, Uber eta Cabify-ren moduko aplikazioek egiten duten eskaintzatik baizik.
Unai Zubeldia
Azken boladako hotzaldi, izotz eta elur erauntsiekin ere bero-bero jarraitzen du giroak. Baldintza agirietan zehaztutakoa gauzatzeko nahikoa langile ez dagoela-eta, haserre daude errepidean mantentze lanetan aritzen diren langileak eta ELA sindikatua. Sindikatu horretakoak dira Gipuzkoako errepideen zaintzan lanean ari diren ABEE aldi baterako enpresa elkarteetako langileen %90 —150-170 langile guztira; Miramon, Urola Deba eta Goierrialdeko ABEEtakoak gehienak—, eta aldundiak zuzenean kontratatuta dauzka beste hogei bat langile. "Ez dira gai aldundiaren baldintza agirietan zehaztuta dagoena betetzeko ere, eta hori salatzen ari gara gu, ez besterik", azaldu du Igor San Jose ELAko eraikuntza eta errepideetako arduradunak.
Dagoeneko abian dira Hartu Hitza Irun prozesuaren barruko ekinaldiak. Aurkezpena egitearekin batera, galdeketari bermea emateko sinadura bilketari ekin diote: herritarren 3.000 sinadura bildu nahi dituzte, Irungo biztanleen %5 inguru.
Urko Etxebeste
Gipuzkoan biztanle gehien duen bigarren herrian, Irunen, azaroaren 18an egingo dute herri galdeketa, Gure Esku Dago dinamikak jada 84 herritan bultzatua eta egina. Euskal Herriaren estatus politikoari buruzko iritzia bildu nahi dute, eta Hartu Hitza Irun izena jarri diote prozesu horri; bederatzi hilabete iraungo du. Getxoren ondoren (Bizkaia), tankera horretako galdeketa bat egingo den hiririk handiena da Irun; litekeena da Donostian ere kontsulta egun horretan bertan antolatzea.
A. Vierbucher
Euskal Herrian kontalaritzaren erreferentzia bihurtu da Ahoz Aho Nazioarteko Ahozkotasunaren Jaialdia, eta urtetik urtera zabaltzen eta aberasten ari da egitasmoa. Hasieran, ahozko adierazpideek osatu zuten jaialdiaren muina, baina bestelako proposamenei ere atea ireki diete gerora.
Beñat Alberdi
Erakunde terrorista baten eraginez atentatu bat izango balitz, inork ez luke zalantzan jarriko udal gobernuaren zilegitasuna ekimen judizial bat bultzatzeko". Hala dio Bergarako udalbatzak azken osoko bilkuran onartutako mozioak. "Nola ez da, bada, zilegi izango gure herrian hainbeste biktima eragin zuen estatu terrorismoaren ekimen sistematikoaren aurrean jarrera berdina izatea?". Udala osatzen duten zinegotzi guztiek eta alkateak aho batez onartu zuten deklarazioa. Testigantzak jasotzen hasi dira orain, ikerketa has dadin oinarria jartzeko. "Beste tanta bat gara krimenen aurkako zirimirian", azaldu du Elena Lete alkateak (EAJ). "Baina egiten dugunak balio izango du".
Eider Goenaga Lizaso
Begiak busti zaizkio Iñigo Gutierrez Itsas Laguntza Humanitarioa taldeko boluntarioari (Donostia, 1964), Mediterraneoan salbatutakoez hitz egitean. Bere burua ez du heroitzat hartzen: "Ez, halakoetan lotsa sentitzen dut, gu ere bagarelako erantzule". Amnesty International (AI), Gipuzkoako Ongi Etorri Errefuxiatuak eta Itsas Laguntza Humanitarioa taldeek hitzaldi bat antolatu zuten herenegun, Libiako atxikitze zentroei buruz; hitzaldian parte hartu zuen Gutierrezek, AIko Alfonso Lopez Borgoñozekin batera.
Hainbat hitzaldi eta jardunaldi izango dira Turislanen baitan. Kalitatezko prestakuntza helmuga goren baten neurrira da lehen eguneko gaia, eta Helmuga arduratsu bat eraikitzea bigarren egunekoa. Otsailak 26, astelehena 9:45-10:15. Gorka Atorrasagasti, Marta Perales eta Ana Martinez (Room Mate). Room Mate enpresaren aurkezpena Euskadin. 10:15-12:15. Domenec Biosca, Turismo Enpresen zuzendaria, Adituen Elkarteko presidentea eta helmuga turistikoen kudeaketari buruzko 26 libururen egilea....
