EHNE ez dago ados Espainiak esne gordina merkaturatzeko jarri dituen baldintzekin. Esan du Hego Euskal Herrian ez dagoela eskatutako analisiak egiteko laborategirik.
Etxeko ohituretan neurri sinple batzuk hartzeak energia aurrezten lagundu dezaketela dio Beobidek. Horietako batzuen adibideak ematen dituzte Euronet Etxean programan, baita faktura ulertzeko gakoak ere.
Araba, Bizkai eta Gipuzkoa arteko joan-etorriak baimendu ostean, erreserbak nabarmen ugaritu dira turismoari lotutako negozioetan. Alabaina, itxaropentsu bezain kezkatuta daude sektoreko eragileak, COVID-19aren datuen azken asteetako bilakaera ez delako espero eta nahi bezain ona.
Zaintza lanak profesionalizatzearen alde dago Bidez Bide elkartea. Ondo iruditzen zaio langileei prestakuntza eskatzea, baina titulazioak bateratu egin behar direla uste du, etxeetan eta egoitzetan lan egiteko aukera izateko.
Hasi berria da antxoaren kanpaina, eta aurreikuspen onak dituzte arrantzaleek. Hala ere, antxoaren kuota kudeatzea beren esku egotea nahiko lukete, berdelarekin eta txitxarroarekin gertatzen den bezala. Aurrera begira, arrantzale gazteak ezin erakartzeak kezkatzen ditu gehien. Batez ere patroiak eta mekanikariak behar dituztela diote.
Landa garapeneko Landaola saria lortu berri du Azpeitiko EnkarGuk proiektuak. Tokiko merkataritza sustatzea dute xede, Whatsappez eta telefonoz herritarren eskaerak jaso eta banatuta. Hazten jarraitzen du egitasmoak.
Elgoibarren 'Establezimendu lagunkoia' kanpaina jarriko dute abian, saltokiak adinekoei egokitzeko programa. Izena emateko epea zabalik dute dendek.
Gipuzkoako 140 angulazalek eman dute izena jada elkarte sortu berrian. Bat eginda, erakundeek euren ahotsa entzutea dute helburu, azken urteotako "ziurgabetasun egoera" bukatzeko.
COVID-19ak eragindako pandemia ondorio larriak ari da uzten. Besteak beste, zuzenean eragin dio arlo ekonomikoari, eta zenbait sektore bereziki bolada gogorrak ari dira igarotzen; horien artean daude bidaia agentzietako langileak, mozorro dendetakoak, taxi gidariak eta ile apaintzaileak.
Zumarragako Udalak Klik eta Jaso programa jarri zuen martxan orain hilabete eskas. Azokako erosketak erraztu eta bezeroekin harreman bide berriak sortzea da asmoa.
