Danel Agirre
Erretiroa hartu eta astebeterako ikasi zuen aitak sarera irteten, inoren laguntzarik gabe. Sekula ordenagailurik ukitu gabea zen, eta apartatu berri nuen moteldutako bat eman genion, nola pizten zen soilik erakutsita. Egun gutxiren buruan ulertezina zitzaion zerbait zegoela aipatu zidan, eta ikastaro ezin nekosoago bat eman beharko nion ikarak hartu ninduen. Bere galderarekin, ordea, flipa eginda geratu nintzen: "Aizu, eta Interneten dabiltzan guztiak zergatik dira argentinarrak?".
Olatz Mitxelena
Lezon jaio zen, Lezon bizi da eta Lezon lan egiten du Jon Legorburu Arrastuak (1968). Lehen sektorearen egoerarekin kezkatuta, elikadura burujabetzaren esparruan ari da lanean azken boladan, eta Labore Oarso kontsumo kooperatibaren sustatzaile nagusietakoa izan da. Baina, ekintzaile nekaezina izanik, esparru askotan da ezaguna; zinegotzi izan zen EAE-ANVrekin; Brinko pailazoa izan da urtetan, Korri, Xalto eta Brinko taldean; eta Lezoko kultur mugimenduko erreferente garrantzitsua ere bada.
Eider Goenaga Lizaso
Gipuzkoako Ogasunak jakinarazi du jada 2017ko jardunean azaleratutako iruzur fiskalaren zenbatekoa: 253,4 milioi euro, 2016an baino %18,2 gehiago. Iruzurraren kontrako borrokan etenik gabe ari direla dio Gipuzkoako Foru Aldundiak, eta pozik daude emaitzekin, oraindik ere egiteko asko dagoela onartuta. "Kuantitatiboki zein kualitatiboki egin behar zaio aurre iruzur fiskalari. Kopurua handia da; zenbat eta diru iruzur handiagoa azaleratu, orduan eta hobeto. Baina kualitatiboki ere begiratu behar zaio; borroka honetan kopurua bezain garrantzitsua da kultura aldaketa", azaldu du Jokin Perona Ogasun zuzendariak.
Gaur hasiko da Ogasuneko bulegoetan zerga aitorpena egiteko hitzordua eskatzeko epea, eta zerga aitorpenak astelehenetik aurrera egingo dituzte, ekainaren 30ean zerga kanpaina ixten den arte. Gipuzkoako Foru Aldundiak aste honetan emandako datuen arabera, guztira 259 milioi euro itzuli eta 224 milioi euro jasoko dira, eta 35 milioi euroko saldo negatiboa utziko luke kanpainak; horrenbestez, iazko...
Loinaz Agirre
Transexualitatearen inguruko zalantzak eta iluntasunak argitzen laguntzeko sortu dute Trans-formatzen film dokumentala. Aniztasunaren bidean urratsak eginez, "identitateak azaleratu" nahi dituzte HiKiru taldea osatzen duten hiru kideek: Ekaitz Goikoetxea Asurabarrena eta Garazi Zabaleta Mendizabal beasaindarrek, eta Aitor Lanas Ardanaz iruindarrak.
Gogoetak, ongizatea eta artea uztartu eta bultzatzeko sortu dute HiKiru taldea. Hezkuntzak dituen gabeziez ohartuta, bere ekarpena egin nahi du, material didaktikoa sortuta. Kideen esanetan, kasu honetan aniztasunaren aldeko mugimenduarentzat baliagarri izan daitekeen unitate didaktikoa sortzea izan da taldearen ekarpena. Hala ere, transexualitatetik harago, gizarte egiturarekiko hausnarketa bideratu nahi izan dute, hezkuntzaren sarean erabilgarritasuna nahiz...
Unai Zubeldia
Etxeko lanak eginda iritsi da Juan Mari Urruzola. "Atzo bi aldiz sartu nintzen autobus geltokian, eta Anoeta inguruan ere ibili nintzen paseoan; kolpe handia hartu nuen belaunean lanen eraginez jarrita dauzkaten euskarrietako batekin". Jaio zenetik dauzka ikusmen arazoak errenteriarrak, nahiz eta gurasoak 4 urterekin jabetu ziren horretaz, eta 19 urterekin gelditu zen ia itsu. "Arrastoren bat ikusten dut oraindik", zehaztu du, baina bastoia behar izaten du mugitzeko. "Hori bai, ahal dudan bitartean nire autonomia aldarrikatuko dut nik".
Eider Goenaga Lizaso
Intxaurrondoko (Donostia) Larrotxene kultur etxean izan zen Alicia Sornosa (Madril, 1973) astelehenean. 2011-2013 artean munduari bira eman zion motorrean, eta esperientzia hari buruz hitz egin zuen bildutakoekin; bizipenak, elkartasun proiektuak, motorraren mundua... Bidaia hartan oinarrituta, Aventura en India y Nepal (Abentura Indian eta Nepalen) dokumentala egin zuen Sornosak, eta horren proiekzioa izan zen hitzaldiaren aurretik.
Hogei bat kidek osatzen dute Targazki taldea. 2009an hasi ziren elkartzen, eta egonkortzen ari dira ordutik. Urteroko ekitaldia izaten da Tolosa Herria Argazki Lehiaketa antolatzea. Asteartero biltzen dira, eta hainbat gauza egiten dituzte, irteerak tartean. Irteera arrunt bat egiten dute hilean behin, eta serioagoa urtean behin; iaz, esaterako, Lisboan izan ziren; Parisen egonda daude, eta...
Rebeka Calvo
Bi helburu lortu nahi dituzte Tolosa Herria argazki lehiaketarekin: "Tolosan argazki kultura areagotzea eta gure herriaren izenak argazkien munduan oihartzuna izatea". Hala adierazi du Miren Atxagak, lehiaketa antolatzen duen Targazki taldeko lehendakariak. "Gaur egun Tolosan ez dago argazkilaritza kultura handirik", gaineratu du Javier Ortizek, taldeko kideak. "Beharbada, horretarako azpiegitura gutxi daudelako; erakusketak jarri ahal izateko aretoak, esaterako. Gure nahia hori ere bada, tolosarrak argazkilaritzara gerturatzea, alegia".
