Txuletaren Festa berreskuratuko dute aurten Tolosako Haragi Topaketan, maiatzaren 18tik 21era, eta harakinentzako Euskadiko Autore Hanburgesaren I. Lehiaketa ere egingo dute.
Ekintza Bibe Gipuzkoako ludopatia eta mendekotasun psikologikoen errehabilitazio elkarteak esan du gora egingo duela gastu konpultsiboak eta pornografia mendekotasunak.
Aranzadi zientzia elkarteak enaren 1.163 habia kontabilizatu ditu Gipuzkoan, eta bisore moduko bat sortu du, eguneroko datuak islatzeko. Azken urteotan nabarmen egin du behera enara kopuruak.
Gipuzkoan nabarmen egin du behera errotagintzak: ia zazpiehun zeuden martxan lehen, eta 25 daude orain abian jartzeko moduan. Erroten ondarea zaintzeko, Gipuzkoako II. Errota Eguna egingo dute maiatzaren 14an. Oiartzungo Yurrita Errota Sustatzeko Elkarteko kidea da Alex Roteta.
Milaka eta milaka argazkiren egilea eta berreskuratzailea da Xanti Iruretagoiena zarauztarra. 1938an jaioa, herriko kronika grafikoa egin du azken hamarkadetan. Orain, udalari eman dizkio argazkiak.
Hamasei artistak aniztasunaren errealitatea irudikatu dute Tolosan, 'Aniztasunak' erakusketan, migratzaileen testigantzekin. Ekainaren 3ra arte egongo da ikusgai erakusketa, Aranburu jauregiko aretoan.
Gipuzkoako Kirol Egokituen Federazioak hogei urte bete zituen iazko abenduan. Behar bati tiraka sortu zuten federazioa, eta tarte laburrean "asko" egin dutela azpimarratu dute Blanca Arangurenek, Alicia Figueroak eta Amaia Elizondok, Gipuzkoako Kirol Egokituen Federazioko ordezkariek.
Maiatzaren 6an, Safe Place ekitaldia egingo dute Tolosan, osasun mentalari buruz solastatzeko.
Jose Luis Zumetak Usurbil jaioterrian egindako zeramikazko muralak 50 urte bete ditu. Urteurrenaren harira, muralari buruzko erakusketa bat prestatu dute, eta bihar irekiko dute.
Madonnaren kontzertu biretan, Parisko moda desfileetan eta abarretan entzun da txalaparta azken urteotan. Gorka Zubizarreta Arrasateko Ttakun txalaparta taldearen ustez, etorkizuneko joeretara egokitzea izango da gakoa, "baina nortasuna galdu gabe".
