Albisteak

Putzuzulo, elkartasun gune
2019-03-082019-03-07gipuzkoa

Putzuzulo, elkartasun gune

Aitziber Arzallus

Martxoaren 8a da gaur, Emakumeen Nazioarteko Eguna. Eta Euskal Herriko Mugimendu Feministaren aldarrikapenekin bat datozen emakumeentzat, greba egiteko eguna ere bai. Bost ardatz ditu oinarrian gaurko grebak: ikasleak, enplegua, kontsumoa, pentsiodunak eta, batez ere, zaintza. "Bizitza sostengatzeko ardura kolektiboa" eskatzen dute, "pertsonen zaintza ez dadila zapalduen bizkar geratu". Amantalak balkoian eskegi, eta kaleak hartuko dituzte grebarekin bat egiten duten milaka emakumek.

2019-03-082019-03-07gipuzkoa

Gizonezkoak, Puigcerdaren aurka irabazi beharrean

Txuri-Urdin gizonezkoen taldeari zaildu egin zaio liga irabaztea. Joan den asteburuan jokatu zituen finaleko lehen bi partidak, etxean, Puigcerdaren aurka, eta berdinduta iritsi dira hirugarren partidara. Donostiarrek 6-4 irabazi zuten larunbatean, baina kataluniarrek 1-1ekoa lortu zuten igandean, 4-6 nagusituta. 22:00etan hasiko da biharko partida, eta 15:30ean etzikoa.

Estutzea bera garaipena denean
2019-03-082019-03-07Albisteak, gipuzkoa, Kirola

Estutzea bera garaipena denean

Unai Zubeldia

Proiektua jaioberria da ia-ia. Bost pauso txiki besterik ez du eman oraindik. Asko dauka ikasteko, baina Espainiako Ligako bi erraldoiei parez pare begira jarri da dagoeneko. Duela bost urte, ia ezerezetik sortu zen Txuri-Urdin izotz-hockey klubaren emakumezkoen taldea, eta, liga erregularra hirugarren postuan amaituta, finalean sartzeko borrokan ari da, Sumendi Gasteizko taldearen aurka. Donostiarrek 1-2 galdu zuten joan den larunbatean, Txuri-Urdin izotz jauregian, finalerdietako kanporaketako lehen partidan, eta bihar jokatuko dute bigarrena, Gasteizen (14:15). Galduz gero, hirugarren posturako lehiatuko dira gipuzkoarrak, Valdemoro Madrilgo taldearen aurka, ziurrenik —Majadahondak 0-3 irabazi zion larunbatean—. Irabaziz gero, berriz, etzi izango dute hirugarren partida erabakigarria, Gasteizen bertan (14:00).

Beroketa lanak egiteko
2019-03-082019-03-07Albisteak, gipuzkoa, Kultura

Beroketa lanak egiteko

Unai Zubeldia

Euskarari eskutik heltzea da erronka. Euskaraz gozatzea, euskaraz haserretzea, maitatzea, kirola euskaraz egitea, Klika euskaraz egitea... 11 eguneko eskuz eskuko korrikaldi bat baino askoz gehiago da Korrika; euskara mundura zabaltzeko ariketa erraldoia. Apirilaren 4an hasiko da 21. Korrika, Garesen (Nafarroa), eta apirilaren 14an amaituko da, Gasteizen. Gau eta egun, Euskal Herriko hamaika bazterretara iritsiko da 11 egun horietan, baina 11 egunetik haragoko ekitaldia da euskararen aldekoa.

2019-03-082019-03-07gipuzkoa

Korrika Kulturala

Herriz herri, egunotan ari dira lotzen hurrengo asteetarako emanaldiak, eta litekeena da beste hainbat ekitaldi ere sortzea. Korrika Kulturalak, oraingoz, egitarau hau osatu du Gipuzkoan. Bihar Errenterian eta Donostian eskainiko dituzte lehen bi emanaldiak, eta, oraingoz, apirilaren 11n izango da azkena, Lasarte-Orian. Bihar Errenteria. Hortzuma taldearen Jule antzezlana, 17:30ean, Zumardian. Donostia. Mahai jokoaldia, 10:00etatik eguerdira...

Luis Mari Zaldua: “Paisaia da irakur daitekeen libururik eder eta aberatsena”
2019-03-082019-03-07Albisteak, gipuzkoa, Gizartea, Kultura

Luis Mari Zaldua: “Paisaia da irakur daitekeen libururik eder eta aberatsena”

Eider Goenaga Lizaso

Gipuzkoako Parketxe Sareko gerentea da Luis Mari Zaldua Etxabe (Urnieta, 1965), baina baita Euskal Filologian doktorea eta euskaltzain urgazlea ere. Egun batez bulegoko lana alde batera utzi, oinetako erosoak jantzi, eta ingurumen hezitzailearen rolean jarriko da bihar. Arditurri Parketxeak antolatuta, gidari lanak egingo ditu Muniskuegañeko multzo megalitikora, Zilegimendietan barrena ibilaldian. Ibilaldia euskara hutsean izango da, eta aurrez izena emanda (943-49 50 69 telefonoan) soilik parte har daiteke.

Alarmaren atzean zer dagoen
2019-03-012019-02-28Albisteak, Asteko Gaiak, gipuzkoa, Gizartea

Alarmaren atzean zer dagoen

Eider Goenaga Lizaso

Ez zegoen Gabongo suge gorririk Hondarribian, ez zuen inondik ihes egin, eta udaltzainak, ertzainak, Aranzadiko adituak... alferrik aritu ziren sugearen bila Jaitzubiko paduran. Joan den asteko ostegunean zabaldu zen albistea: emakume batek udaltzaingoan salatu zuen suge hori ikusi zuela, eta argazkia eraman zuen hori frogatzeko. Ingurunea itxi ostean, jo eta su aritu ziren suge arriskutsuaren bila. Antidotoa ere prest zuten ospitalean. Ostiralean jakin zen egia: dena gezurra zen.