Politika

Aldarrikapena festa bihurtuz
2019-06-142019-06-13Albisteak, gipuzkoa, Gizartea, Politika

Aldarrikapena festa bihurtuz

Beñat Alberdi

2011ko ekainetik, Oñatin ohikoa bihurtu da Guardia Zibilak herriko kuartela uztea aldarrikatzeko festa antolatzea. 2014an, esaterako, lipdub edo dantzaldi koordinatua egin zuten kuartelaren aurrean, eta, 2016an, guardia zibilen panpina bat estratosferara bidali zuten. Lehen urte horietan festa edo umorea hartu zituzten oinarri aldarrikapena hedatzeko. Aurten, ordea, beste pauso bat ematea erabaki dute. Fan Hemendik eguna ospatu izan dute orain arte, eta Jare Kuartela herri ekinaldiak hartuko dio lekukoa bihar. Egunak daramatzate jada kuartela husteko eta uzteko eskatzeko sinadurak batzen. Festaren osteko dinamika ere ez da izango orain arte bezalakoa.

Kanpaina pantailetan egiten da
2019-05-242019-05-24Albisteak, Asteko Gaiak, gipuzkoa, Politika

Kanpaina pantailetan egiten da

Eider Goenaga Lizaso

Aurreikuspenek balantza EAJren alderantz eraman arren, Gipuzkoako foru hauteskundeetan lehia estua izango da jeltzaleen eta EH Bilduren artean. Kanpainan kaleratutako bi inkestei erreparatuz gero, EAJ lehen postuan indartu egingo dela dirudi. EITB Focusen arabera, 4,8 puntu egingo lukete gora jeltzaleek, eta botoen % 36,8 eskuratuko lituzkete; Ikerfel etxeak El Diario Vasco-rentzat eginiko inkestak, berriz, 2,9 puntuko igoera aurreikusten du EAJrentzat: botoen %34,9 eta hogei eserleku (orain baino bi gehiago).

Jarraipena edo aldaketa
2019-05-172019-05-16Albisteak, gipuzkoa, Politika

Jarraipena edo aldaketa

Unai Zubeldia
EAJ eta PSE-EEren arteko koalizioa izan da azken lau urteotan Donostian, eta apirilaren 26ko Espainiako Gorteetarako hauteskundeek berretsi egin zuten nagusitasun hori. Turismoa eta etxebizitzen arazoa dira hiriko gairik korapilatsuenetakoak

Oraindik nahikoa ez delako
2019-05-102019-05-09Albisteak, Asteko Gaiak, gipuzkoa, Politika

Oraindik nahikoa ez delako

Eider Goenaga Lizaso
Maria Eugenia Arrizabalaga, Ino Galparsoro eta Mertxe Aizpurua. Gipuzkoan alkate izandako hiru emakume. Elkarren jarraian aritu ziren; 2003tik 2007rako legealdian izan zen Arrizabalaga Zumaiako alkate (EAJ); 2007tik 2011ra Arrasateko alkate izan zen Galparsoro (EAE-ANV); eta Aizpurua 2011tik 2015era izan zen alkate Usurbilen (Bildu).

Goranzko sekuentziari segida
2019-05-032019-05-02Albisteak, gipuzkoa, Politika

Goranzko sekuentziari segida

Eider Goenaga Lizaso

Hauteskundeek utzitako argazkiaz baino gehiago, fotogramaz hitz egitea gustatzen zaio Ion Ansa analista politikoari. "Mugimenduan dauden argazkiak dira fotogramak, eta sekuentziak osatzen dituzte. Nire ustez, erantzun egokiagoak aurkitzen ditugu emaitzen eboluzio bat sekuentzia gisa aztertzen dugunean. Oso zaila baita momentu bat bere testuingurutik bakartzea". Ildo horretan, EAJ eta EH Bildu goranzko sekuentzia batean ikusten ditu Ansak, eta maiatzaren 26ko udal eta foru hauteskundeak sekuentziaren segida izango direla aurreikusten du, "ñabardura batzuekin".

Argia ahanzturaren zakuari
2019-03-222019-03-21Albisteak, Asteko Gaiak, gipuzkoa, Politika

Argia ahanzturaren zakuari

Eider Goenaga Lizaso

Ez dugu etsiko. Pasaiako badian egin zuten sarraskiak behar duen errekonozimendua eta aitortza jaso bitartean, tinko jarraituko dugu lanean". Rafael Delas Txapas, Jose Mari Izura Pelu, Pedro Mari Isart Pelitxo eta Dioni Aizpuru Kurro-ren senideek aste honetan bertan egindako adierazpenak dira. Azken 35 urteetako balantzea egiteko eta urteurrenaren harira antolatutako ekitaldien berri emateko agerraldia egin zuten herenegun, Azpeitian, lau gazteen senitartekoek eta Pasaia Argitu taldeak. Argia da mezua: sufrimendu guztiek merezi dute aitortza eta erreparazioa, "salbuespenik gabe".

Helduen boterea pitzatzen
2019-02-152019-02-14Albisteak, gipuzkoa, Gizartea, Politika

Helduen boterea pitzatzen

Jon Miranda
Irakurtzeko eta eztabaida sortzeko jaio da Pitzatu, Gazte Botereaz Euskal Herria eraikitzen liburua, eta "ekintzarako bide" ere izan nahiko luke, "gazte boterea indartu eta Euskal Herria eraikitzeko".

EAJ, antzera edo indartuago
2018-12-072018-12-06gipuzkoa, Politika

EAJ, antzera edo indartuago

Eider Goenaga Lizaso
Gipuzkoako foru hauteskundeak orain egingo balira, eta alderdiek gaur egun indarrean dauden aliantzei eutsiko baliete, Gipuzkoako Foru Aldundian ez litzateke aldaketarik izango. EAJk irabaziko lituzke hauteskundeak, eta duela lau u...

Hunkituta eta harro itzuli dira
2018-11-302018-11-29Albisteak, gipuzkoa, Gizartea, Politika

Hunkituta eta harro itzuli dira

Irati Saizar Artola

Aiztondoko udal ordezkariek hamar egun egin dituzte El Salvador inguruan, azaroaren 13tik 23ra. Aurten, 25 urte bete dira El Salvadorko Segundo Montes komunitatea eta Aiztondoko udalerriak senidetu zirela, eta, haiei bisita egiteaz gain, Euskal Fondoak gauzatu dituen uraren eta berdintasunaren aldeko proiektuak ikusi eta ezagutzeko ere hartu dute tartea. Mikel Arrastoa Euskal Fondoko presidenteordearekin batera —zizurkildarra da—, Pili Legarra Asteasuko alkateak, Josu Amilibia Adunakoak, Joxe Mari Luengo Zizurkilgoak eta Eva Usandizaga Zizurkilgo parekidetasun eta giza eskubideen arloko zinegotziak hartu dute parte bidaian.