Aitziber Arzallus
Kros mistoa udazkeneko klasikoetako bat da Azpeitian. Hamargarren aldia izango da biharkoa. Aurten, baina, berrikuntzekin dator proba, Azpeitia Herri Hezitzailea ereduaren filosofia oinarri hartuta antolatu baitute. Horrek esan nahi du kirol proba batek berezkoa duen lehiakortasuna alde batera utzi, eta beste balio batzuk sustatzeari eman diotela garrantzia. Biharko lasterketa beste urrats bat izango da inklusiorantz.
Amezketako Albizuri Handi harri baldarraz gain, beste hainbat ere badaude Gipuzkoan. Igeldoko Harriak dauka sonarik handiena (135 kilo), eta Donostiako Trinitate plazan jokatzen dute txapelketa, urtero, abuztuan. Jose Ramon Iruretagoiena Izeta II.a-k Jai Txiki (116,6 kilo) eta Mollarri (119,2 kilo) plazaratu zituen, 2016an, Zarautzen, eta urte horretan bertan aurkeztu zuten Ergobiako Harria ere (104 kilo)....
Eneritz Maiz Etxarri
Lau urte pasatu dira Amezketako Albizuri Handi harria plazan ikusi gabe. Bihar, harri baldar hori udaletxeko bere txokotik atera, eta Albizuri Handi Txapelketa jokatuko dute Amezketan. 17:00etan hasiko da zortzi harri-jasotzaileren arteko lehia hori, Larrunarri pilotalekuan. Jokin Eizmendi, Gorka Etxeberria, Aimar Galarraga, Imanol Illarramendi Kortaberri, Aimar Irigoien, Xabier Peñagarikano Peña, Beñat Telleria Telleria IV.a eta Josu Urbieta izango dira parte hartzaileak.
Miren Garate
Beterri-Buruntza inguruan bazuten aurrez ere Koopfabrika zerbitzua, ekintzailetza sozial eta kooperatiboa sustatzeko. Hari esker sortzen diren egitasmo ekonomikoek, gainera, Iturola elkarlangunean kokatzeko aukera dute, eta inkubaziorako beharrezko zerbitzuak jasotzen dituzte.
Azaroaren 18a, astelehena 19:00. Hasierako ekitaldia, Amaia KZ auditorioan. 19:30. Ikerketa arkeobotanikoa. Ingelesez. Amaia KZn. 19:40. Tutankamon, berraurkitutako altxorra. Frantsesez. Amaia KZn. Azaroaren 19a, asteartea 11:00. Elxeko Dama (erraz kontatua). Gaztelaniaz. Amaia KZn. 11:06. Emakumea Cartago Novan. Gaztelaniaz. Amaia KZn. 17:00. Arkeomania: jatorria. Gaztelaniaz. Irungo CBA liburutegian. 17:30. Arkeomania: Neandertalak, beste gizadia. Gaztelaniaz. CBAn. 19:00....
Unai Zubeldia
Arkeologiari buruzko kontuak gizarteari ezagutaraztea eta hurbiltzea: erronka horrekin ekin zion bere bideari Bidasoko Nazioarteko Zinemaldi Arkeologikoaren Jaialdiak (FICAB) 2001ean, eta, Aizpea Goenaga jaialdiko zuzendariaren eta Irungo Oiasso museoko koordinatzaile orokorraren hitzetan, proiektua "oso sendotuta" iritsi da 19. ekitaldira —Oiasso museoa da antolatzailea—. Astelehenean hasiko da jaialdia, azaroaren 18an, eta larunbatean amaituko da, azaroaren 23an. Arkeologiari eta ondare arkeologikoari buruzko 24 film dokumentalekin gozatu ahal izango da aurten, Irungo Amaia kultur zentroko auditoriumean, Irungo CBA udal liburutegian, Orona Fundazioaren egoitzan —Hernanin— eta Donostiako Aquariumean. Ez da sarrerarik ordaindu beharko.
Danel Agirre
Iragan igandean bozkatu gabe geratu nintzen berriro: izan ere, aurkeztutako alderdi guztiak faxistak ziren. Hilabeteak pasatu ditut nire botoarekin armagedoia oztopatzeko mentalizatzen, akziorako prest nengoen. Baina H egunerako, nora apuntatu edo nondik jo asmatu ezinik ikusi nuen neure burua, mareatu samar, aukera onargarririk gabe.
Miriam Luki
Elena Tuduri tolosarra (1893-1979) pedagogoa izan zen, eta etnografia ikerlanak egin zituen. Unibertsitateko irakaslea izan zen Madril, Guadalajara eta Toledoko Escuela Normal zeritzen irakasle eskoletan.
Erik Gartzia Egaña
Komisario Berriak lehiaketako sarietako bat lortuta, bera jaio aurreko mugimendu feministan jarri du arreta Garazi Ansak (Oiartzun, 1989), azaroaren 16ra arte Bilboko Azkuna zentroan ikusgai egongo den eraskusketan. Azkuna zentroak, Donostiako Tabakalera zentroak eta Gasteizko Artium museoak garatu eta Eusko Jaurlaritzako Kultura eta Hizkuntza Politika Sailak finantzatutako proiektua da Komisario Berriak. 1990eko hamarkada baino lehenagoko mugimendu feministak artearekin duen zerikusia ikertu du Ansak, estreinakoz.
Eider Goenaga Lizaso
Dislexiaren diagnostikoa lortzeko luze borrokatu ondoren, eta Dislegik ume dislexiadunen gurasoekin antolatutako bilera batean beste familiekin esperientziak partekatu ostean, errealitate hori ezagutzera eman behar zuela pentsatu zuen Nekane Lazkanok, Ner Group-eko Tolosa Arretxe lantegiko langileak. "Ikusi nuen ezezagutza handia dela dislexiaz ari garenean, jendeak ez dakiela zer den, zer zailtasun dakartzan, edota zein zaila den arazoarentzako erantzun egoki bat topatzea", pentsatu zuen.
