[URTEKARIA, 2022] Reala, Txuri-Urdin, IDK Euskotren, Super Amara Bera Bera, Orio, Nerea Arruti... Emakumezkoen artean, 2022an oso goitik ibili diren kirol talde eta kirolarietako batzuk besterik ez dira horiek. Gizonezkoetan ere indarrean dira Reala eta Bidasoa.
Zarautz Kirol Elkarteko atletismo taldearen ardura izan du urte askoan Fernandezek; besteak beste, hark antolatu izan du Zarauzko kros mistoa azken 30 urteotan. Kargua utzi berri du.
Jaiotzetikoak ez diren burmuineko gaitzak dituzten pertsonek eta haien ingurukoek osatzen dute Atece elkartea. Harentzat izan da Gipuzkoako Foru Aldundiak ematen duen boluntariotza saria aurten. Iktus bat izan ostean batu ziren elkartera Iñaki Diez donostiarra eta Jose Antonio Floro zizurkildarra.
36ko gerra frontean hil zuten Alberdi, Albizturren. Zarautzen egon da lurperatuta orain arte, baina familiak ez zekien. Aranzadiren ikerketa bati esker berreskuratu dituzte haren gorpuzkiak, eta Tolosan hilobiratu.
Azaroaren 26an egin zuten suhiltzaileen lan deialdi publikoko lehen azterketa, eta suhiltzaileak haserre daude azterketa ereduarekin. Foru aldundiak "guztiz" arbuiatu du prozesua ezbaian jartzeko saiakera.
Uemako kide izateko baldintzak betetzen ditu lehen aldiz Hernanik, eta mankomunitatean sartzeko eskaera egin du. Xabier Lertxundi Hernaniko alkatearen ustez, politika publiko "ausartagoak" behar dira erabileran eragin ahal izateko.
Finalista ohien jaialdia egingo dute igandean Donostiako Doka antzokian, 19:00etan. Andoni Egaña, Jon Maia, Jexux Mari Irazu eta Aitor Sarriegi ariko dira bertso kantuan.
Asteartean aurkeztuko dute Aretxabaletako Gabonetako iragarkia, Arkupe antzokian. Herritarrak herriko dendetan kontsumitzera bultzatzen dituzte egitasmo horrekin.
Zubi absurdo honen “arkuetako” baten argitaratu(ko) da artikulua. Espero dut norbaitek Durangora bidean irakurtzea, edo bueltan. Feriara ilusioz beteta joaten gara, ikusiko ditugun aspaldiko lagunak nortzuk izango diren asmatu guran. Erosiko ditugun disko eta liburuen zerrenda birpasatzen, “aspergarrien” standetan topatuko dugun joiatxoarekin amesten, disfrutatuko ditugun kontzertuen orduak kontsultatzen, eta gure kulturaren joritasuna miresten. Sekulako betekada...
Estatuaren eta erlijioen arteko bereizketa aldarrikatzen duen teoria politikoa da laikotasuna. Laburra eta erraza ulertzen, salbu aipatu diren bi erakundeentzat. Horiek badirudi, askotan errepikatu arren, ez dutela konprenitzen. Joera hori (ez ulertzekoa) oso hedatuta dago mundu zabaleko gobernuetan, baina mundu zabala oso zabala denez, Europako txoko honetaz jardungo dugu guk. Hauek dira gure erreibindikazioak labur-labur...
