“Surfa oso kutsatuta dago, otarre guztietan baitaude sagar mailatuak”
Aza 30, 20182018-11-30Elkarrizketa, gipuzkoa0 0

“Surfa oso kutsatuta dago, otarre guztietan baitaude sagar mailatuak”

Aitziber Arzallus

Itsasoa eta abentura maite ditu Axi Munianek (Zarautz, 1982). Olatu handietako Europako lehen surflari profesionala izan zen, eta erronkek mugiarazten dute. Ezinezkotzat jotako horiek probatu arteko onik ez du izaten, eta toki askotan jarri du bere zigilua, egiten aurrena izan delako. Urteak daramatza kamioiarekin batera eta bestera; Kantauriko eta Galiziako kostaldean batez ere, ekaitzaldien atzetik, bere bizitzako olatua izango denaren bila.

Euskaraz, gaztelerazko galderei erantzunez
Aza 30, 20182018-11-29gipuzkoa0 0

Euskaraz, gaztelerazko galderei erantzunez

E. Goenaga Lizaso
Prentsaurrekoa du Markel Olano Gipuzkoako ahaldun nagusiak. Astelehena da. Indarkeria Matxistaren Kontrako Nazioarteko Egunaren biharamuna. Gipuzkoan martxan jarritako protokoloaren inguruko prentsaurrekora deitu dute, eta Miren Elgarresta Berdintasunerako zuzendariarekin agertu da Olano hedabideen aurrera.

‘Ahobizi’ baten gorabeherak
Aza 30, 20182018-11-29Albisteak, gipuzkoa, Gizartea0 0

‘Ahobizi’ baten gorabeherak

Eider Goenaga Lizaso

Ez dira gutxi ahobizi baten komeriak. Posible izango al du goizean etxetik atera eta itzuli arteko elkarrizketa guztiak euskaraz egitea? Saiatzen bada, nola erantzungo diote ezezagunek? Gai izango al da solaskideak gaztelerari eusten dion bitartean euskaraz jarraitzeko? Ariketa sozial gisa planteatu da Euskaraldia, nolabaiteko esperimentu gisa. Bere esperimentu propioa egin nahi du ahobizi-ak, eta Donostia ingurua hautatu du horretarako. 11:45ean iritsi da Donostiara, eta 16:00etan jarri dio bukaera esperimentuari, Urbilen.

Hunkituta eta harro itzuli dira
Aza 30, 20182018-11-29Albisteak, gipuzkoa, Gizartea, Politika0 0

Hunkituta eta harro itzuli dira

Irati Saizar Artola

Aiztondoko udal ordezkariek hamar egun egin dituzte El Salvador inguruan, azaroaren 13tik 23ra. Aurten, 25 urte bete dira El Salvadorko Segundo Montes komunitatea eta Aiztondoko udalerriak senidetu zirela, eta, haiei bisita egiteaz gain, Euskal Fondoak gauzatu dituen uraren eta berdintasunaren aldeko proiektuak ikusi eta ezagutzeko ere hartu dute tartea. Mikel Arrastoa Euskal Fondoko presidenteordearekin batera —zizurkildarra da—, Pili Legarra Asteasuko alkateak, Josu Amilibia Adunakoak, Joxe Mari Luengo Zizurkilgoak eta Eva Usandizaga Zizurkilgo parekidetasun eta giza eskubideen arloko zinegotziak hartu dute parte bidaian.

Kalitatearen izenean
Aza 30, 20182018-11-29Albisteak, gipuzkoa, Gizartea0 0

Kalitatearen izenean

Unai Zubeldia

Ez da zigilu soil bat. Ez da izen hutsa. Produktua lantzeko modu bat dago atzean. "Ekoizleek, esaterako, modu jakin batean zaindu behar izaten dituzte erlauntzak; eta ezin izaten dute erabili erleei kalte egingo dien produkturik; gero, eztia egiteko prozesuan, zorrotz zaintzen dugu hezetasuna; beste enpresa gehienek ez bezala, eztiaren ezaugarri guztiak mantentzeko, 40 gradutik igo gabe egiten dugu prozesu guztia; eta loreen polenari pasatzen uzten diogu eztia iragazteko garaian...". Ander Arbulu Giez-Berri enpresako kudeatzaileak azaldu duenez, "kontrol handia" dago Eusko Label zigilupean egiten duten eztiaren atzean.

Bidasoak ez du ahaztu Ordoki
Aza 30, 20182018-11-29Albisteak, gipuzkoa, Gizartea, Politika0 0

Bidasoak ez du ahaztu Ordoki

Asier Perez-Karkamo

Charles de Gaulle jeneralak Kepa Ordokiri zilarrezko izarra duen Gerra Gurutzea ezarri zionean, nazien aurka borrokatu ziren euskaldun guztiak izan zituen gogoan. Frantziak haien sakrifizioa sekula ez zuela ahaztuko ziurtatu zion De Gaullek irundarrari. Frantzian bezala, jaioterrian ere oroimenean gordeak dituzte Gernika batailoiko komandanteak II. Mundu Gerran egindakoak. Baionan hil zela 25 urte bete direnean, haren borroka aintzat hartzeko jardunaldiak antolatu ditu haren izena daraman eta Bidasoaren bi aldeetako herritarrak biltzen dituen Kepa Ordoki Memoria Historikoa Bidasoan taldeak.

Diru zorroan sartzen diren mendiak
Aza 30, 20182018-11-29Albisteak, gipuzkoa, Kirola, Kultura0 0

Diru zorroan sartzen diren mendiak

Kerman Garralda Zubimendi

Herrialde bakoitzak bere identitate sinboloak eratzen ditu herritarren artean harrotasun puntu bat pizteko. Dirua eta paisaia partekatzen ez diren bi sinbolo direnez, baliabide egokiak dira herrialde baten nortasuna eraikitzeko. Hain egokiak, non batzuetan bat egiten duten. Euskal Mendizaletasunaren Museoak, Sabadellgo (Herrialde Katalanak) Mendi Informaziorako Zerbitzu Nagusiarekin batera, mendi enblematikoak dituzten billeteen bilduma ikusgai jarri du Mendi bete diru erakusketan, Ordiziako D'elikatuz gunean. Sala bakarreko erakusketa da, baina munduari bira emateko nahikoa.

Bederatzi leiho zabalik, amets egiteko
Aza 30, 20182018-11-29Albisteak, gipuzkoa, Kultura0 0

Bederatzi leiho zabalik, amets egiteko

Eider Goenaga Lizaso

Txotxongiloen hiriburua da Tolosa", esan zuten Titirijai jaialdia aurkeztu zutenean. Azaroaren 24an hasi eta abenduaren 2ra bitartean 36 obra eskainiko dituzte Tolosan. Oholtzan zein kalean, txikientzat zein helduentzat... Amestu nahi duen edonorentzat. Tolosan ez ezik, Pasaian eta Orion ere izango dira ikuskizunak, asteburu honetan. Bederatzi obra izango dira, guztira.