Ariane Vierbücher
Ideia edo egitasmo bat izan eta horretan benetan sinistea. Hori izaten da sarri arrakastararako gakoa. Bide horretan, jakina, norberak ahalegina egin behar izaten du lortu nahi duen horretara heltzeko, baina garrantzitsuak dira beste bi kontu ere: norberarengan sinistea eta mugak gainditzen saiatzea. Neurri berean, ezin ahaztu lorpen horretara iristeko bidaian disfrutatzea ere.
Eider Goenaga Lizaso
Gorka Mirandak (Pasaia, 1975) hamazazpi urte daramatza Easo Eskolania zuzentzen eta mutikoekin lan egiten. Hark dioenez, askotan errazagoa egiten zaio neska-mutikoekin lan egitea helduekin lan egitea baino. Buru-belarri ari dira Musika Hamabostaldian eskainiko dituzten bi emanaldiak prestatzen, baina tarte bat hartu du eskolaniaren 25 urteko ibilbideaz hitz egiteko.
Abuztuaren 2a hasi eta irailaren 1ean amaituko da Donostiako Musika Hamabostaldia. Uztailak 28, larunbata Donostiako orfeoiaren egoitza (09:00). Ahots teknikari buruzko VIII. ikastaroa. Abuztuak 1, asteazkena Trueba zinemak (17:30). Musika Proiekzioak: Haydnen Kreazioa. Abuztuak 2, osteguna Berra zaharren egoitza (11:30). Paula Iragorri mezzosopranoa, Haizea Muñoz sopranoa eta Amaia Zipitria pianoa. Kursaal auditoriumeko Foyerra (12:00). David Six (pianoa) eta Juan Luis...
Unai Zubeldia
Hilabete iraungo du hurrengo Hamabostaldiak. Egutegia jolasean hasten da tarteka, eta, Donostiako Jazzaldiari jarraipena emanda, irailaren 1era arte 90 emanalditik gora izango dira Gipuzkoako hiriburuan eta Euskal Herriko beste hainbat herri eta txokotan. Mitoak eta tradizioak izango ditu oinarri Donostiako 79. Musika Hamabostaldiak, eta, tartean, Pablo Sorozabal Donostiako konpositorea omenduko dute, hura hil zela 30 urte bete diren honetan.
Rebeka Calvo
XVIII. mendearen hasieran ohikoak ziren baserrien ondoko karobiak. Ia guztiek zeukaten bat, karea erabiltzen baitzuten baserriak zuritzeko, ukuiluak desinfektatzeko, soroetan ongarri gisa erabiltzeko, zomorroak uxatzeko eta ganaduaren zauriak sendatzeko.
Leitzarango bailara babestea, berreskuratzea eta hari balioa ematea. Helburu horrekin hasi zen lanean Burdina taldea, eta errota, karobi, burdinola eta gotorleku asko berreskuratu ditu ordutik. Boluntarioekin aritzen dira lanean, eta meatzaritzarekin, nekazaritzarekin eta abeltzaintzarekin zerikusia daukaten elementuak ere berreskuratu izan dituzte. Ez da berria Aranzadi elkartearen eta Burdina taldearen arteko harremana, baina lotura indartu egin dute azken lau urteotan. Beste...
Erik Gartzia Egaña
Facebookera igotako argazki baten bitartez hasi zuten ikerketa. Eneko del Amo ingurumen zientzialariak Aiako Harria parke naturaleko pago motz baten argazkia jarri zuen bertan, eta Josu Narbarte historialariak erantzun zion zuhaitz hori ez zela naturala. Izan ere, goraka hazten dira pagoak, eta pago motzak, berriz, gizakiak manipulatu izan ditu historian zehar, gero bertatik lehengaiak ateratzeko: ontzigintzarako, ikazkintzarako, etxebizitzak egiteko... Adar eta adabaki pila bat dituzte, eta zabalak dira enborrak. Abiapuntu horri helduta, mendi ondareari buruzko ikerketa egiten ari dira Oiartzungo erabilera publikoko lurretan, garai batean herri lurrak izena zeukaten horietan. Parke natural baten barruan daude gaur egun, Aiako Harria parke naturalean, hain zuzen ere, eta bilakaera historiko baten emaitza dira gune horiek.
Leire Narbaiza
Euskal Herri atlantikoan kostalde eta barrualdearen arteko muga nahiko difusoa da. Jakina, Idiazabal edota Leintz-Gatzagakoa izanda, zalantza gutxi egon liteke. Baina gauzak aldatu egiten dira kilometro batzuk iparrera eginez gero. Baiona edo Bilbo barrualdea dira? Kontua da gure imajinarioan itsasoan bertan dauden herriak direla kostaldea. Hamar kilometro barnera eginez gero, barrualdetzat dugu herria. Horrek sekulako nahasteak eragiten dizkigu eguraldi iragarpena entzutean, adibidez. "Kostaldean fresko egingo du, baina barrualdean bero". Errenteria/Orereta edo Eibarkoa izanda, zer jantzi behar dut, mahuka luzea ala laburra? Badaezpada, mahuka motza txaketa arintxo batekin...
Unai Zubeldia
Gozogileak eduki dezakeen gaitzik larrienetakoa dauka Ramon Serrasek (Zarautz, 1943): diabetikoa da. "Berandu jakinarazi zidaten, behintzat, eta gozo-gozo bizi izandakoa naiz", aitortu du. Aitaren afizioari segika hasi zen argazkiak ateratzen, eta 100.000 argazkitik gora dauzka ordenagailuan. Nazioarteko sari asko irabazitakoa da. "Ehundik gora", zehaztu du. Baina barru-barrura iritsi zaio azkena: Zarauzko Udalak uztailaren 31n, 75 urte beteko dituen egunean, emango dion Kultur Merezimenduaren Domina.
Eider Goenaga Lizaso
Grebara deitu dute Gipuzkoako hondartzetako sorosleek. Astelehenean egin zuten batzarra, eta, ikusita urte osoan euren lan baldintzak hobetzeko egindako esfortzuak ez duela etekinik eman, uztailaren 29an, 30ean eta 31n greba egitea erabaki zuten.
