Ane Olaizola
Pausoz pauso...ametsak lortuko ditugu. Hori da aurtengo Lilatoiaren oinarria eta leloa; hain zuzen, berdintasunerantz emango dituzte pausoak milaka emakumek igandean, Donostiako kaleetan egingo duten herri lasterketan. Martxoaren 8aren harira, azken urteetan erreferente bilakatu den ekitaldi bat da, eta, hogeita zortzigarren urtez, aldarrikapenek eta festak bat egingo dute probaren bidez. 5.700 emakumek baino gehiagok eman dute izena.
Asier Imaz
Alaba San Joanen, koinata Orion, iloba Donostiarran, suhia Zumaian eta Anjel Larrañaga (Tolosa, 1967) bera Zarautzen. "Gure otorduetan zertaz hitz egiten dugun asmatzea ez da oso zaila" dio, harro. Arrauneko "har gaizto" horrek gidatuta, tolosarra iazko denboraldian iritsi zen Bermeotik Urola Kostara, entrenatzaile moduan.
Arraunlari, 1992. urtean Oriorekin Kontxako Bandera irabazi zuen Larrañagak —91n bigarren geratu ziren—. Ondoren, Donostiarrakekin laugarren geratu zen. Entrenatzaile taldeko kide bezala, Urdaibairekin hiru irabazi ditu, eta "Hondarribiarekin zalantzan geratu zen hura". Astillerorekin ohorezko txandan sartu zen.
Asier Perez-Karkamo
Alfonso Sastrek orain 64 urte idatzitako Escuadra hacia la muerte antzezlana taularatuko dute bihar Hondarribiko Itsas Etxean. 1953an estreinatu zuten lehen aldiz Madrilgo Maria Guerrero antzokian; hasieran baimena lortu zuten arren, hiru saioren ondoren zentsurak obra debekatu zuen, eta ez zen gehiago taularatu. Eta mitoa jaio zen.
A. Perez-Karkamo
Unax Ugalde (Gasteiz, 1978) Pedro Recke izango da Escuadra hacia la muerte obran, eskuadrako soldadurik beteranoena.Harrigarria da Sastreren jatorrizko testuak egun oraindik daukan indarra. Bai, pentsatzen dugu nolabaiteko balioa duela...
Maite Alustiza
29 konpainia, 30 ikuskizun eta hamar agertoki. Astelehenetik ostegunera bitarte, dFeria Donostiako Arte Eszenikoen Azokan hamabost antzezlan, hamabi dantza saio, bi zirku emanaldi eta diziplina anitzeko kontzertu bat programatu dituzte. Guztiek gogoeta ardatz nagusi bat izango dute: denbora. Ikuskizunen %60 modu bateko edo besteko estreinaldiak izango dira —Europa mailakoak, orokorrak, Euskal Herrian lehen aldiz ikusiko direnak...—.
![[Museora] Laboratorium. Punta-puntakoa, bertatik bertara](https://gipuzkoa.hitza.eus/wp-content/uploads/LABORATORIUM_MUSEOA1.jpg "LABORATORIUM MUSEOA")
Eider Goenaga Lizaso
Urtea irailean bete zuen Bergarako Laboratorium museoak. Jaio berriak dira, eta esperientziaren bidez ari dira ikasten. Alabaina, han lanean ari den taldea ez da lanean hasi berria. "Urte mordoa eman dugu lanean, ezkutuko lana egiten, Bergarako Errege Mintegiak zuen bilduma sailkatzen, ikertzen, errekuperatzen eta proiektu museologikoa lantzen", azaldu du Rosa Errazkin (Hernani, 1968) museoko teknikariak.
Danel Agirre
Eufemiano Fuentes sendagileari bere fitxategiko Rsoc siglak Realari zegozkion galdetu zioten behin Madrilgo kazetariek, Puerto auzia zela-eta epailearen aurrean egotetik irteterakoan. Gogoan dut oraindik bere irribarrea, hizkiei "ardo marka on baten traza" hartzen ziela erantzun, eta "gezurra esan, egia ezkutatu edo isiltzeko eskubidea" zegokiola esanez urrundu zenean. Zubietan ez zuen inork gisako azalpen xelebrerik asmatu behar izan. Dopin kontuetan tradizioak gurean agindu legez, kirol berriemaileak gure lana egin gabe geratu ginen, eta klubeko langile eta jokalariak ez zituen inork estuegi hartu. Holandako kirol berriemaileek bere lana egin zaleago dirudite zorionez: txapeldunorde izan zen Real hartako Sander Westerveld atezaina itaundu zuten. Partidak hasi baino lehen eta bukatu berritan injekzioak ipintzen zizkietela azaldu zuen hark, baina ez zuela uste substantzia arraroren batenak zirenik, ziztadekin batera "oldarraldi apartekorik" ez zuelako antzematen.
![[Herriz herri] Lasarte-Oria. Kulturan aberats, lanpostuak behar](https://gipuzkoa.hitza.eus/wp-content/uploads/LASARTE-ORIA.jpg "LASARTE-ORIA")
Maite Alustiza
Euskararen Maratoia, paddle txapelketa, Itsaspeko Dokumentalen Nazioarteko Zikloa, Euskal Inauteria... Eragile eta elkarte ugari dabil Lasarte-Orian herriarentzako jarduerak antolatzen: "Lasarteren bizitza kulturala oso aberatsa da, oso indartsua, eta geroz eta gehiago gainera. Edozein asteburutan kultur ekitaldiak daude. Horrek aberastu egiten du gure herria, eta etorri nahi duenari gonbita egiten dio parte har dezan". Jesus Zaballos alkateak azaldu duenez, udala ere ahalegintzen da ekintza kulturalak sustatzen, bere egitekoa ez baita "soilik urbanismoaz arduratzea".
