Goiener taldeko Nafarkoop kooperatibak eguzki plakak instalatuko ditu Gipuzkoako bost eraikinetan, autokontsumoa bultzatu eta energia subiranotasunaren alde egiteko.

Matxuratuta dago Berrobiko kutxazain bakarra, baina Kutxabankek ez du konpontzeko asmorik. Antzeko zerbait gertatu zaie Bidania-Goiatzen, Ezkio-Itsason, Mutiloan eta beste herri batzuetan ere. Finantza erakundeak azaldu du Gipuzkoako herri txikietan dauden kutxazain ia guztiak bereak direla.

Orion, eremu publikoak okupatzen dituzten ostalari guztiek euskaraz jarri beharko dituzte euren menuak, arbeletako oharrak, prezioak eta gainerakoak. Aldaketa eragin du, lehen aldiz onartu baitu neurri hori terrazen ordenantzak. Orioko Udaleko euskara teknikaria da Jabier Zabaleta.

Azpeitiko Iraurgi ikastetxean zaborrontzia ez den beste irtenbide bat aurkitu diote jangelan sobran duten janariari: herriko plazan utziko dute, nahi duenaren eskura.