On?ati oinarri duten bertso, hitz, kantu eta testuak hartu, eta abesti bihurtu dituzte Arantzazu eta Mirari Sagarzazu Sacristan On?atiko ahizpek. 11 lan bildu dituzte 'Kantakerixak' diskoan, eta dagoeneko entzungai daude guztiak sareko plataformetan.
Paradisu ihes gela pedagogikoa martxan da Orioko Iturriaga jauregian, azaroaren 30era arte. 2023ko urtarrilaren 27tik martxoaren 31ra, berriz, Beasainen izango da aukera. Sorginlore gizarte elkarteak, Ikertze kultur elkarteak eta Experientziak taldeak elkarlanean sortutako proiektua da.
Lehen aldiz, Baliarraingo Gazte Eguna antolatu dute herriko gazteek, gaurko. 155 biztanle besterik ez ditu herriak. Garagardo dastaketaz gain, afaria eta musika izango dituzte.
Atzotik, Ordiziarrock musika jaialdia egiten ari dira Ordizian. Lau kontzertu joko dituzte gaur, eta bost bihar. Iaz ez bezala, pilotalekuan sartzeko ez da sarrerarik ordaindu beharko.
Aspalditik dira bertsozaleak Laxaro Azkune, German Zelaia eta Haizea Arana, eta aurtengo Bertsolari Txapelketa Nagusiko lehen faseko ia saio guztietara joan dira hirurak. Bost urteren ondoren, "ilusioz" hartu dute txapelketa, aukera eskaintzen duelako lagun zaharrekin egoteko eta udazkeneko asteburuak beste modu batean antolatzeko.
Zumarragako musika bandak ezohiko kontzertu bat emango du urriaren 23an: bi emakumek zuzenduko dute banda, eta emakumeek sortutako obrak joko dituzte, errealitate bat ikusarazteko asmoz.
Loraldi eta gainbeherekin, baina 70 urtean asmatu du aurrera egiten Eibarko Arrate kultur elkarteak. Urtemuga baliatuz, "abiapuntu bat" jarri nahi dute, ikusteko herrian zer bide egin daitekeen kulturgintzan. Elkarteko koordinatzailea da Aniaiz Ariznabarreta.
Kirol egokitua eta pasio duen rock musika uztartuta, Errebeldeak Fest jaialdi inklusiboa antolatu du Ibon Casas donostiarrak. Bihar egingo dute jaialdia, egun osoz, Hernanin. Hiru gune prestatu dituzte: Sagastialde, Atsegindegi eta Tilos.
Lau ikuskizun izango ditu aurten Ataungo Antzeztaun antzerki zikloak, gaur hasi eta urriaren 27ra arte. 11. edizioa du aurtengoa. Antzerkizaletasuna hauspotzea da xedea.
Gozategi taldea 30. urteurreneko biran ari da aurten, eta plazetako harrera "ikaragarria" izaten ari dela dio Asier Gozategi soinu jotzaileak. Etzi Urnietan joko dute, eta urriaren 15ean, Zarautzen.
