Billabonatarra jarraipena ematen ari zaio txikitatik sortutako afizioari. Bikotekidearekin batera, hiru minutu izaten ditu egokitzen zaien behiaren adarretan uztaiak sartzeko. Udan, hiru txapelketa irabazi dituzte.

Irailaren 6tik 12ra Tomatearen Astea antolatu dute Aretxabaletan, eta herriaren izen bera daukan barazkia izango da protagonista. Ortu lehiaketa eta erakusketa izango dira...

Bigarren urtez jarraian, Bada Posible jaialdia egingo dute Mutrikun. Olatz Salvadorrek atzo eman zuen lehen kontzertua, eta beste hamar emanaldi izango dira abuztuaren 8ra arte, institutuko patioko karpan.

Egunero-egunero ordu erdi batean paper aurrean jarri eta egunean zehar buruan ibili dituen ideiak idazteko ohitura du Iñigo Legorburuk. Formatu ezberdinetan idatzitako testu horiekin 106 sari irabazi ditu dagoeneko.

Bi egunez, kultura garaikidearen topaketa egingo dute Irungo San Juan plazan. Nazioarteko zortzi artistaren erakusketa izango da ekitaldiko gune nagusia.

Sorotan Bele taldeak sona handia izan zuen 1990eko hamarkadan, eta, lehen diskoko abestiak egokituta, 'Sorotan Bele gogoan' proiektua sortu dute Xabier Zabalak, Gorka Sarriegik eta Urbil Artolak. Hondarribian ariko dira etzi, 19:00etan.

Urtero, jazz musikaren eskaintzarik oparoenetako bat izaten da Donostiako Jazzaldia —uztailaren 21etik 25era egingo dute aurten—, baina ez bakarra. Goierriko Jazzaldia egingo dute, gaurtik igandera, Ordizian eta Araman, eta Arrasate Blues jaialdia hurrengo ostegunetik igandera.