Pentsiodunak astelehenean abiatu ziren Errenteriatik, eta eskualdez eskualde Gipuzkoa zeharkatzen ari dira bizikleta martxa baten bidez. Bihar egingo duten manifestazioarekin biribilduko dute mobilizazio astea. Besteak beste, pentsio guztiak 1.080 eurotik gorakoak izatea eskatzen dute.
Aizpitako meatzeetako hiru labeak sendotzeko lanak hasi zituzten iragan astean. Labeetako materialarekin ikerketa petrologiko bat egingo dute lehenik. Urte amaierarako amaitu nahi dituzte lanak.
Petra Laborda hondarribiarrak 'La cocina práctica' errezetategia plazaratu zuen 1929an. Garai hartako roletatik harago jo zezaten, neskentzako sukaldaritza akademia bat sortu zuen ondoren. Haren figura berritzen ari dira orain.
Espainiako Bigarren Mailara jaitsita, ez dira egunik gozoenak Eibarrentzat, baina haren "talde izaera" goratu dute Anaitz Arbillak, Jon Errastik, Txema Añibarrok eta Xabi Iruretak, azken zazpi urteotako jokalarietako lauk.
Ekainaren 1etik 5era Korner jaialdia egingo dute Donostian, futbola eta kultura uztartzeko asmoz. Antzoki Zaharra, Ernest Lluch kultur etxea eta Txillida Leku museoa izango dira hiru gune nagusiak.
Normaltzat jotzen da gaur egun gaixoentzat behar adina odol egotea ospitaleetan. Gipuzkoan, biztanleen %3-4k ematen dute odola. Beste toki askotan baino gehiago dela esan du Gipuzkoako Odol Emaileen Elkarteko zuzendariak, "baina, hala ere, gutxi da".
Lierni Mendia margolariak 'Boligrafoz' erakusketa jarri du Tolosako Aranburu jauregian; Bic boligrafoekin sortutako lanak ikus daitezke bertan, ekainaren 12ra arte.
Arrosa irrati sareak hogei urte beteko ditu aurten. 26 irratik osatzen dute sarea, eta horietako bederatzi Gipuzkoan daude. Tartean, hamabost urte bete ditu Zarauzko Arraio irratiak.
Gipuzkoan, Donostiako Bideberri institutuan ikasten dute bakarrik dauden migrante adingabeek. Lagunberri programa dute han. Institutuko ordezkariek diote ikasteko gogoa eta gaitasuna izan arren, ikasleek ikasketak utzi behar izaten dituztela sarri, 18 urte betetzerako lana behar izaten dutelako.
Immigrazioari, eskolari eta bizikidetzari buruzko hitzaldia eskaini du Amelia Barquin MUko irakasleak, Arrasaten. Bi segregazio nabarmendu ditu arazo nagusi gisa: jatorriarena eta ekonomikoa.
