Albisteak

Bidasoak ez du ahaztu Ordoki
2018-11-302018-11-29Albisteak, gipuzkoa, Gizartea, Politika

Bidasoak ez du ahaztu Ordoki

Asier Perez-Karkamo

Charles de Gaulle jeneralak Kepa Ordokiri zilarrezko izarra duen Gerra Gurutzea ezarri zionean, nazien aurka borrokatu ziren euskaldun guztiak izan zituen gogoan. Frantziak haien sakrifizioa sekula ez zuela ahaztuko ziurtatu zion De Gaullek irundarrari. Frantzian bezala, jaioterrian ere oroimenean gordeak dituzte Gernika batailoiko komandanteak II. Mundu Gerran egindakoak. Baionan hil zela 25 urte bete direnean, haren borroka aintzat hartzeko jardunaldiak antolatu ditu haren izena daraman eta Bidasoaren bi aldeetako herritarrak biltzen dituen Kepa Ordoki Memoria Historikoa Bidasoan taldeak.

Diru zorroan sartzen diren mendiak
2018-11-302018-11-29Albisteak, gipuzkoa, Kirola, Kultura

Diru zorroan sartzen diren mendiak

Kerman Garralda Zubimendi

Herrialde bakoitzak bere identitate sinboloak eratzen ditu herritarren artean harrotasun puntu bat pizteko. Dirua eta paisaia partekatzen ez diren bi sinbolo direnez, baliabide egokiak dira herrialde baten nortasuna eraikitzeko. Hain egokiak, non batzuetan bat egiten duten. Euskal Mendizaletasunaren Museoak, Sabadellgo (Herrialde Katalanak) Mendi Informaziorako Zerbitzu Nagusiarekin batera, mendi enblematikoak dituzten billeteen bilduma ikusgai jarri du Mendi bete diru erakusketan, Ordiziako D'elikatuz gunean. Sala bakarreko erakusketa da, baina munduari bira emateko nahikoa.

Bederatzi leiho zabalik, amets egiteko
2018-11-302018-11-29Albisteak, gipuzkoa, Kultura

Bederatzi leiho zabalik, amets egiteko

Eider Goenaga Lizaso

Txotxongiloen hiriburua da Tolosa", esan zuten Titirijai jaialdia aurkeztu zutenean. Azaroaren 24an hasi eta abenduaren 2ra bitartean 36 obra eskainiko dituzte Tolosan. Oholtzan zein kalean, txikientzat zein helduentzat... Amestu nahi duen edonorentzat. Tolosan ez ezik, Pasaian eta Orion ere izango dira ikuskizunak, asteburu honetan. Bederatzi obra izango dira, guztira.

11 egunen ondorenari begira
2018-11-232018-11-22Albisteak, gipuzkoa, Gizartea

11 egunen ondorenari begira

Eider Goenaga Lizaso

1. Euskaraldian parte hartuko duzu? Eta belarriprest ala ahobizi izango zara? Zergatik?

2. Hamaika egun hauetan, zertan egingo duzu aldaketa?

3. Euskararen erabileran zein aurrerapauso ematea espero duzu ariketa honekin?

Zenbakien saltsari ihesean
2018-11-232018-11-22Albisteak, gipuzkoa, Gizartea, Politika

Zenbakien saltsari ihesean

Unai Zubeldia

Bestelako zein ekintzak mugitzen ditu 20.000 donostiar?". Biharamuneko bateko eta besteko kritika hotsez jabetuta, galdera horrekin egin du hausnarketa Jexux Olaziregi Gure Esku Dago erabakitzeko eskubidearen aldeko dinamikako idazkaritza taldeko kideak. "2.000 boluntario baino gehiago aritu dira lanean azken galdeketan, eta gipuzkoarrak ziren horietatik 1.600-1.800. Iritziak iritzi, Donostian, adibidez, 21.000 lagunek baino gehiagok eman zuten botoa herritarrek eurek antolatutako galdeketa batean".

Errezil sagarraren amabitxiak
2018-11-232018-11-22Albisteak, Ekonomia, gipuzkoa, Gizartea

Errezil sagarraren amabitxiak

Aitziber Arzallus

Boladan dago tokian tokiko eta garaian garaiko elikagaiak kontsumitzea; eta, zer esanik ez, boladan dago feminismoa. Badira, baina, urteetan balio horiek jorratu eta sustatu izan dituzten proiektuak, benetan gizarteari zenbaterainoko ekarpena egiten ari ziren ohartu ere egin gabe. Errezilgo Azoka da adibideetako bat, Errezil sagarraren bueltan duela 30 bat urte Errezilgo zazpi emakumek sortu zuten kooperatiba.

Lorena Garrido Jimenez: “Kalte-ordaina erreparazioaren parte da bortxa matxistan”
2018-11-232018-11-22Albisteak, gipuzkoa, Gizartea

Lorena Garrido Jimenez: “Kalte-ordaina erreparazioaren parte da bortxa matxistan”

Eider Goenaga Lizaso

Lorena Garrido Jimenez legelari feminista (Santiago, Txile, 1974) Andoainen izan zen, atzo, Indarkeria matxistaren biktimak artatu erreparazioaren ikuspegitik jardunaldietan. Zuzenbidearen Filosofiaren ataleko irakaslea da Bartzelonako Unibertsitate Autonomoan, eta zuzenbide eta genero gaiak ikertzen ditu Antigona taldean. Indarkeria Matxistaren Kontrako Nazioarteko Egunaren harira antolatutako jardunaldietan, justiziaren esku-hartze konpontzaileaz aritu zen Garrido.

Atotxatik Anoetarako zubia
2018-11-232018-11-22Albisteak, gipuzkoa, Kirola

Atotxatik Anoetarako zubia

Asier Imaz

Anoeta futbol zelaiko lanak 2019ko uda amaieran bukatzea espero dute Realeko arduradunek, eta 2019-2020ko denboraldirako iragarri dute inaugurazio ekitaldia. 25.000 ikuslerentzako lekua dago egun, eta 42.000 eserleku egongo dira berrikuntza lanak amaitzen dituztenean.

Transmisioari hegorik ebaki gabe
2018-11-232018-11-22Albisteak, gipuzkoa, Kultura

Transmisioari hegorik ebaki gabe

Unai Zubeldia

Sormena eta transmisioa dira Azpeitiko Kultur Mahaiaren bi ardatzak". Eta, bi muturrak elkarrengana bilduta, Mikel Laboak egindako ekarpena eta haren irudia baliatu nahi izan dituzte zubi lan hori egiteko. "Ez da omenaldi soila izango", zehaztu du Aitor Bengoetxeak, Laboaldia ekinaldiko antolatzaileak. "Ez da negar egiteko ziklo bat. Laboaren lan egiteko modua eta ikusmoldea hartu, jaso, eta sortzeko ariketa egin nahi dugu hamar egunotan". Abenduaren 1ean hamar urte beteko dira Mikel Laboa hil zela, eta, udalaren laguntzarekin, Laboari buruzko ziklo bat antolatzea erabaki dute Azpeitiko Kultur Mahaiak eta Kulturaz kooperatibak. "Euskal kulturaren erreferentzia nabarmena da Mikel Laboa, hurrengo belaunaldiei transmititu beharreko balio horiek guztiak bere barnean biltzen dituen artista".

Kutxak botoz betetzeko deia
2018-11-162018-11-15Albisteak, gipuzkoa, Gizartea, Politika

Kutxak botoz betetzeko deia

Eider Goenaga Lizaso

Igandean, 09:00etan irekiko dituzte hauteslekuak Donostian eta Irunen. Bi hirietan urtebete inguru eman dute herri galdeketa prestatzen, eta azken astea "eromena" izaten ari dela adierazi dute Xabier Martinez Irungo Hartu Hitza taldeko bozeramaileak eta Donostia Galdeketa taldeko Nora Garciak, ez baita erraza horrelako galdeketa bat antolatzea. Ilusioz bizi dute, ordea, momentua: hitza emango diete 212.075 gipuzkoarri. Ez dute hitz egin nahi emaitza posibleari buruz, ez diote erronkarik jarri euren buruei, eta ez dute nahi presio gehigarririk. "Lorpen handia baita galdeketa egin ahal izatea bera", azaldu du Garciak.