Albisteak

2019-01-112019-01-10gipuzkoa

Ostegunean izango da Getariako Txakolin Eguna

Asteazkenean txotx denboraldia zabalduta, txakolinaren txanda iritsiko da ostegunean, San Anton egunarekin batera. Urtero bezala, Txakolin Egunarekin aurkeztuko dute Getariako Txakolinaren uzta berria. 12:15ean hasiko da ekitaldi nagusia, pilotalekuan, eta bertaratzen direnek aurtengo txakolina dastatu ahal izango dute gero. Gastronomiaren, euskal kulturaren eta txakolinaren alde lan egiten duten pertsona edo elkarteei omenaldi txiki bat egiten...

Emaitzak jasotzeko garaia da
2019-01-112019-01-11Albisteak, gipuzkoa, Gizartea

Emaitzak jasotzeko garaia da

Unai Zubeldia

Hilabete askoko isileko lanaren ondoren, iritsi da bateko eta besteko iritziak pilatzen hasteko garaia. Aurreko urtekoa baino bizixeagoa dela, alkohol gehiago daukala, kolorez indartsuagoa dela... Tortilla, bakailao, txuleta, intxaur eta gazta artean, txoko askotan sagardoa izango da hizketagai nagusia hurrengo aste eta hilabeteetan. Sagardoaren Lurraldeak antolatuta, hurrengo asteazkenean inauguratuko dute txotx garaia, Astigarragako Gartziategi sagardotegian, Sagardo Berriaren Egunarekin, eta maiatzeko lehen asteburura arte zabalik egongo dira sagardotegietako ateak.

Aiala Oronoz: “Niretzat, garrantzia du Irunen jazotakoa dokumentatu izanak”
2019-01-112019-01-10Albisteak, gipuzkoa, Gizartea

Aiala Oronoz: “Niretzat, garrantzia du Irunen jazotakoa dokumentatu izanak”

Beñat Alberdi

Filosofia eta Musikaren Historia eta Zientzia ikasketak eginda dauzka Alaia Oronozek (Hondarribia, 1977). Bizitzak hamaika buelta ematen ditu, ordea, eta historialari lanetan bukatu du azkenean. Orion egin zituen lehen urratsak memoria historikoa berreskuratzeko lanean, garai bateko testigantzak batuz, eta gero lan berbera egitea proposatu zion Irungo Nicolas Guerendiain elkarteari. Artxiboak arakatu eta arakatu, bertan lanean jardun ziren presoen datuak aurkitu arte. Horrela sortu zen A pico y pala: trabajos forzosos en Gipuzkoa proiektua, eta aurkeztu berri du lana. Behartuta lanean jardun zirenak oroitu ditu ikerketan, historiak irentsitako 207 pertsona.

Elkartasuna argazki bihurtuta
2019-01-112019-01-10Albisteak, gipuzkoa, Kultura

Elkartasuna argazki bihurtuta

Unai Zubeldia

Ez da argazki lehiaketa soil bat, eta ez da erakusketa arrunt bat ere. "Ekintza honek Aspanogi Gipuzkoako Haur Minbizidunen Gurasoen Elkarteari laguntzeko erronka dauka oinarrian". Hala azaldu du Artgazki Arrasateko argazki elkarteko presidente Anibal Carmonak. 2015. urtean sortu zuten elkartea, eta 2016tik antolatu dute Udazkena Euskal Herrian argazki lehiaketa-erakusketa. Aurten 61 egileren 171 argazki jaso dituzte —gehienez hiru argazki bidal ditzake argazkilari bakoitzak—, horietatik 45 argazkik gainditu dute galbahea, eta ikusgai izango dira, gaurtik hilaren 26ra arte, Arrasateko Kulturateko erakusketa aretoan, astelehenetik larunbatera, 17:30etik 20:30era.

Eskoletatik energia iraultzen
2019-01-112019-01-10Albisteak, gipuzkoa, Gizartea

Eskoletatik energia iraultzen

Ikerne Zarate
Energia aurreztea eta eraginkortasun energetikoa sustatzea: helburu hori dauka Oiartzualdeko lau ikastetxe publikotan martxan jarri duten 50/50 proiektuak, eta baita energia arloan parte hartzea, kontzientziazio lana egitea eta prestakuntza bultzatzea ere.

Itsasoan barrena, olatuz olatu
2018-12-212018-12-20gipuzkoa

Itsasoan barrena, olatuz olatu

Unai Zubeldia

Herri honen etorkizuna erreferendum bidez erabakitzea". Horixe da Gure Esku Dago (GED) mugimenduaren helburua, eta Angel Oiarbide bozeramaileak hala azpimarratu zuen joan den azaroaren 18an, Donostiako eta Irungo herri galdeketen emaitzak jaso berritan. Datuez harago, "ohiturak sortzea eta herritarrek hurrengo faseetarako prestatzeko ariketan parte hartzea", horixe zen GEDren erronka. "Eta, horregatik, oso pozik gaude urteotan herritarrek eman duten erantzunarekin. Azken galdeketa mugarria izan da erreferendum lotesleari begira, eta datuak sekulakoak eta historikoak izango dira juridikoki loteslea den erreferenduma egiten dugun egunean".

…eta arku guztien azpitik
2018-12-212018-12-20gipuzkoa

…eta arku guztien azpitik

Aitziber Arzallus

Urteetako eztabaidaren ostean, eta iragarritakoa baino urtebete geroago, Gipuzkoako Foru Aldundiak urtarrilaren 9an jarri zuen martxan kamioiei N-1 eta A-15 errepideetan bidesaria kobratzeko sistema. 3,5 tonatik gorako ibilgailuek bakarrik ordaintzen dute kanona, egiten duten ibilbidearen arabera, eta hori neurtzen dute Etzegarateko, Irungo eta Andoaingo arkuek.