Janari dendarik gabe edo hala egoteko arriskuan egon izan dira Itsasondon, Ereñotzun eta Igeldon. Gaur egun, denda bana dute. Udalaren lokal batean dago denda Itsasondon eta Ereñotzun, eta, aldian-aldian, adjudikatu egiten da zerbitzuaren kudeaketa. Igeldon, kooperatiba batek egokitu du denda.
Miren Garate Justizia Zerbitzu Publikoaren Antolamendu Efizientziari buruzko Lege Organikoaren aurreproiektuak aurrera egiten badu, desagertzear egon daitezke bake epaitegiak. Mahai gainean dagoen testuaren arabera, justiziako udal bulegoek ordezkatuko dituzte epaitegi horiek, «eta haien figura ordenamendutik desagertuko da». Ondorioz, bake epailerik ere ez da izango. XIX. mendetik daude udalerrietan. Kontuan hartuta Espainiako Gorteetarako hauteskundeak urtea amaitzerako...
Martxoan bete ziren hamar urte June Sanchez Tolaretxipi haurra hil zenetik, eta ekainean beteko dira hamar urte Juneren Hegoak elkartea sortu zutenetik. Ume baten gaixotasunaren edo heriotzaren eraginez zaurgarritasun egoeran dauden familiei laguntzea da elkartearen helburua, hainbat modutan.
2010etik 2020ra bitartean, 3.375 gazte donostiar joan dira Oiartzualdeko eta Buruntzaldeko herrietara bizitzera. Aldaketa etxeen prezioengatik egin duten gazte batzuek kontatu dute Donostiari begira jarraitzen dutela. Bizilekua aldatzeak harremanetan eta zaintzarako aukeran eraginak dituela diote.
Gipuzkoako Herritarren Batzarrak klima aldaketari eta nekazaritzari buruzko gomendio sorta bat egin dio Gipuzkoako Foru Aldundiari; horri erantzunez, zer konpromiso hartuko dituen zehaztu du aldundiak. Batzar hori sortu den lehen aldia izan da, eta sustatzaileak pozik agertu dira emaitzarekin.
Lan egindako urte bakoitzeko 0,15eko koefiziente murriztailea aplikatuko zaie. Saregile gehienak adinean aurrera doaz, eta errelebo faltak kezka eragiten du sektorean.
Igandean izango da 33. Lilatoia, Donostian, 10:25ean, eta 6.000 parte hartzaile inguru izango dira irteeran, orain arteko gehien. Egun horretan sortzen den giroa eta ekitaldiak emakumeen kirolari egiten dion ekarpena nabarmendu dute iaz lasterketan parte hartu zutenetako batzuek.
Gipuzkoako 51 GKE daude Euskadiko Garapenerako Gobernuz Kanpoko Erakundeen Koordinakundean. Iñigo Odriozola kideak esan du herritarrengan eragin nahi dutela. GKEen eguna izango da astelehenean.
Ezkaratzetan etxebizitza turistikoak debekatzeko gida bat aurkeztu du Saretxe Donostiako Gros auzoko etxebizitza sindikatuak. Salatu du etxebizitza turistikoek auzokideen bizitza garestitzen dutela. Hainbat akordio lortu ditu jada.
Kaleak artean jendez betetzen hasi aurretik ateratzen dira txistulariak. Jada ez dira asko iganderoko dianei eusten dieten udalerriak, baina, aspaldiko ohitura hori mantendu duten tokietan, txistulariek astero zain izaten dituzte zenbait jarraitzaile beren balkoietan.
