Azaroaren 9an aurkeztuko dute Z7 Taldea, Realeko emakumeen lehen zale taldea, Donostian. 2018-2019ko sasoian hasi zen gorpuzten proiektua; COVID-19ak trabatu zuen.
Barriusok hamar urte daramatza Euskal Kostaldeko Geoparkeko gerente lanetan. Turismoa, ikerketa, dibulgazioa... alor asko ukitzen ditu geoparkeko lanak. Eibar futbol klubeko zuzendaritzako kidea ere bada.
Hainbat arlotako espezialistekin, Gipuzkoan bertan "arreta osoa" jasotzeko aukera eskatu diote Osakidetzari. COVID iraunkorrari lotutako protokolo bateraturik ez dagoela diote.
Atzegik kanpaina bat aurkeztu berri du adimen desgaitasunen bat dutenak modu independentean bizi daitezkeela aldarrikatzeko.
Bi urte bete ditu Goi Osasun Lab egitasmoak, mendekotasunik ez duten adinekoen bizi kalitatea hobetzeko programak. Beasainen, Ataunen eta Itsasondon jarri zuten martxan.
Baratze ekologikoetan ari direnek gainkarga dutela, oporrak egiteko zailtasunak, aitortza txikia, eta prezioak ere apalegiak direla maiz: horiek dira Duina ikerketaren ondorioetako batzuk. Dena den, Leire Ibarretxe Biolurreko teknikariak azaldu du ikerketan parte hartu dutenak "pozik" daudela beren jarduerarekin.
Galtzaundi euskara taldeak beldurrezko ibilbide bat prestatu du bihar hasi eta astelehenera arte, Tolosako Elosegi parkean. Izena ematen duten 13 urtetik gorako gazteek parte hartuko dute, taldeka.
Europako Itsas Arrauneko I. Txapelketa jokatzen ari dira Donostian atzotik. Guztira, 520 arraunlari ariko dira lehian. Donostiako Ur Kirolak arraun kluba ari da antolatzaile lanetan.
On?ati oinarri duten bertso, hitz, kantu eta testuak hartu, eta abesti bihurtu dituzte Arantzazu eta Mirari Sagarzazu Sacristan On?atiko ahizpek. 11 lan bildu dituzte 'Kantakerixak' diskoan, eta dagoeneko entzungai daude guztiak sareko plataformetan.
Paradisu ihes gela pedagogikoa martxan da Orioko Iturriaga jauregian, azaroaren 30era arte. 2023ko urtarrilaren 27tik martxoaren 31ra, berriz, Beasainen izango da aukera. Sorginlore gizarte elkarteak, Ikertze kultur elkarteak eta Experientziak taldeak elkarlanean sortutako proiektua da.
