gipuzkoa

2019-07-052019-07-05gipuzkoa

Motzean

Txisturako obra bat? IÑAKI LETAMENDIA: Txoriak edo Athleticen ereserkia. ION GARMENDIA: Artzain kantak. Txistulari bat? Biak: Garikoitz Mendizabal, erreferente gisa eta lagun bezala. Txistua jotzeko plaza bat? I. L.: Gazteluko plaza. I. G.: Iruñeko Curia kalea. Festa bat? I. L.: Tolosako inauteriak. I. G.: Ibarrako sanbartolomeak. Zer nahiago duzue, Iruñeko giroa edo Tolosakoa? Biak: Iruñekoa....

Txistua, eguneroko zapi gorria
2019-07-052019-07-05Albisteak, gipuzkoa, Kultura

Txistua, eguneroko zapi gorria

Josu Artutxa Dorronsoro

Duela hirurehun urte ere joaten zirela diote batzuek, baina, dokumentuetan jasota dagoenaren arabera, Tolosako Udal Txistulari Bandako kideak ofizialki 1913an joan ziren lehen aldiz Iruñeko sanferminetara. Iruñeko Udalak kontratatutako musika talderik zaharrenetakoa da, beraz, Tolosakoa. "Giroagatik, oso berezia da sanferminetara joatea. Baina bertako txistulariekin hainbat urtez izan dugun harremanagatik da batez ere berezia", azaldu dute Iñaki Letamendia eta Ion Garmendia Tolosako Udal Txistulari Bandako kideek. Iruñeko txistulariak, berriz, Tolosara etortzen dira San Joan egunean, truke modura. Urteen poderioz, txistua jotzetik haragoko harreman bat sortu da bi aldeen artean. "Elkarrekin egoten gara urtean zehar Iruñera joaten garenean".

Apustuaren bi aldeetan
2019-07-052019-07-05Albisteak, gipuzkoa, Kirola

Apustuaren bi aldeetan

Kerman Garralda Zubimendi

Mendi tontorrera igota, handik norbere etxea bilatzea izaten da ohituretako bat. Aritz Egeak, ordea, bihar ez du denbora askorik izango Txindokiko ikuspegiez gozatzeko. Ordiziako Olano taberna begitan hartuta, ziztu bizian jaitsi beharko du etorritako bide beretik, Emaneurre taldeko kideek botatako erronkari erantzun nahi badio, behintzat. Iñaki Maiora txirrindulari ohiak duela 41 urte Ordiziatik Txindokirainoko joan-etorria egiteko behar izan zituen 86 minutu eta 28 segundoak hobetzen saiatuko da bihar Urretxuko korrikalaria.

2019-07-052019-07-05gipuzkoa

Egitaraua

Gaur 19:30. Ereintza dantza taldearen Gu Agustina, Frontoi Txikin. 20:00. Manez eta Kobreak, kalez kale. 22:00. Javier Arandaren Vida, Villa Manuelako frontoian. 22:30. The Black Blues Brothers taldearen akrobaziak, Munoa plazan. 23:30. De Vacasen Tour Vacanal 2019, Frontoi Txikin. Bihar 18:30. Los Moñekosen We-ding!, Munoa plazan. 19:00. Malas Conpañias zirku taldearen Prozak, Frontoi Txikin. 20:00....

Kaleko ikuskizunen erakusleiho izango da Kalerki jaialdia
2019-07-052019-07-05Albisteak, gipuzkoa, Kultura

Kaleko ikuskizunen erakusleiho izango da Kalerki jaialdia

Unai Zubeldia

"Gero eta zailagoa da kale antzerkia topatzea". Eta, Olatz Azkue Zarauzko Udaleko kultur dinamizatzailearen hitzetan, horregatik da hain garrantzitsua gainerako diziplinei ere lekua egitea. "Zirkuaren alorrean askoz zabalagoa da eskaintza, eta, aurten, horregatik erabaki dugu antzerkiarekin batera dantza, musika eta akrobazia ere sartzea". Antzerki jaialdi soil bat baino "askoz gehiago" delako Kalerki Zarauzko kaleko antzerki jaialdia. "Kaleko ikuskizun jaialdi bat dela esaten dut nik beti", zehaztu du Azkuek. Atzo eskaini zituzten lehen lau emanaldiak, eta etzi amaituko da jaialdia, urtero zezen puzgarriekin egiten duten entzierroarekin —18:30ean hasiko da, udaletxe aurrean—. "Jendeak asko estimatzen du ekitaldi hori", zehaztu du udaleko kultur teknikariak.

2019-07-052019-07-04gipuzkoa, Iritzia

Kristalezko barrabilen sindromea

Leire Narbaiza

Aurreko mendeko laurogeita hamarreko hamarkadan Bigas Luna zinemagile katalanak Huevos de oro (Urrezko arrautzak) izeneko filma pantailaratu zuen. Bertan, Javier Bardemek Benito Gonzalez gorpuzten du, anbizioz beteriko gazte matxo bat, testosteronaz betea, bere helburuak lortzeko edozer egiteko prest dagoena. Arrautzak dauzka neurri; bereak, noski. Hala ageri da pelikulako kartelean ere: zutik, hanka-zabal, eskuarekin hankarteari eutsita, jarrera desafiatzailean, urrezko arrautzak zeuzkala argi laga nahirik. Urrezkoak begitanduko zitzaizkion, baina, esango nuke, pertsonaia horrek kristalezko barrabilen sindromea ere bazuela.

“Nekez aurkituko dugu gu bezain erotuta dagoen jendea”
2019-06-282019-06-28Elkarrizketa, gipuzkoa

“Nekez aurkituko dugu gu bezain erotuta dagoen jendea”

Kerman Garralda Zubimendi

Mont Blanceko ultratrailarekin txundituta gelditu zen Mikel Valdivielso (Beasain, 1977), eta proba hura etxera ekartzea erabaki zuen. Burubelarri lanean ibili da ordutik, eta izen handiko lasterketa bat sortzea lortu du azkenean: Ehunmiliak. "Lasterketa bat baino gehiago da: tresna bat da". Uztailaren 12tik 14ra jokatuko dute aurtengo Ehunmiliak proba, hamargarrena.

Oraindik, protagonistak
2019-06-282019-06-27Albisteak, Asteko Gaiak, gipuzkoa, Gizartea, Kirola

Oraindik, protagonistak

Aitziber Arzalus
Udak berekin dakartza festak. Hernanin, Tolosan, Eibarren, Arrasaten eta Pasai Donibanen San Joan jaien biharamuna gainditzerako, sanpelaioak amaitzear dira Zarautzen, sanpedroei ekin diete Lasarte-Orian, Asteasun, Eskoriatzan, Orion, Andoainen, Zumaian eta Igeldon; santixabelei Usurbilen; sanmartzialei Irunen; eta Ferixa Nagusiko jaiei Elgetan.

Muturreko politika ez, ideiak bai
2019-06-282019-06-27Albisteak, gipuzkoa, Politika

Muturreko politika ez, ideiak bai

Hegoi Belategi

Azken udal hauteskundeek hainbat datu esanguratsu utzi zituzten Gipuzkoan. Argi dago garaile nagusiak EAJ eta EH Bildu izan zirela, baina merezi du galtzaileetako batzuei arreta jartzea. Voxek eta Ciudadanosek ez dute izango ordezkaririk Gipuzkoako udalerri eta erakunde publikoetan, eta PPk nekez eutsi dio zeukan ordezkaritza eskasari; eserleku bakarra izango du Gipuzkoako Batzar Nagusietan. Agerikoa da Gipuzkoako boto emaile gehienek Espainiako eskuina baztertu dutela. Zenbaitek harro adierazi dute, jada, Gipuzkoa ezberdina dela, barrendegi aurrerakoia dela, eskuinari eutsi dion gotorlekuetako bat dela.