gipuzkoa

“Diagnosia egitea da zailena”
2018-09-142018-09-13Albisteak, gipuzkoa, Gizartea

“Diagnosia egitea da zailena”

Unai Zubeldia

Arreta defizitaren eta hiperaktibitatearen nahasmendua (ADHN) izan duten haurren %30ek baino gehiagok nahasmenduarekin jarraitzen dute helduaroan. "Kontuan eduki behar da jatorri neurobiologikoa daukan nahasmendua dela ADHNa", zehaztu du Iker Arrizabalaga psikologoak, Adahigi Gipuzkoako Arreta Defizitaren eta Hiperaktibitatearen Elkarteko kolaboratzaile ere badenak. "Kasuak aztertuta, %76an gurasoren batek ere aurretik izan du gaixotasun hori, halakorik daukanik jakin ez arren". Neurogarapenaren nahasmendua da ADHNa. "Haurtzarotik datorrena eta helduei ere eragiten diena".

Javier Colorado: “Erosketak egiteko gunea baino gehiago da Urbil”
2018-09-142018-09-13Albisteak, Ekonomia, gipuzkoa, Gizartea

Javier Colorado: “Erosketak egiteko gunea baino gehiago da Urbil”

Unai Zubeldia

2000. urteko maiatzaren 16an ireki zuten Urbil merkataritza gunea, eta "erreferentzia bihurtuta" iritsi da adinez nagusi izatera. Javier Colorado (Ordizia, 1974) 1998an hasi zen lanean supermerkatuen sektorean; 2003an, merkataritza guneen kudeaketa lanetan hasi zen, eta 2016ko urtarrilean izendatu zuten Urbileko zuzendari. Biharko ospakizunetan parte hartzeko deia egin die bezeroei; Urbil Fest jaialdia 11:00etan hasiko da, puzgarriekin eta txikienentzako eskaintzarekin, eta bete-beteta daukate egitaraua: bertsolariak, Tio Teronen Semeak, Txirri, Mirri eta Txiribiton, Amaia Zubiria, Sonakay...

Peoiak erregea jan zuenekoa
2018-09-142018-09-13Albisteak, gipuzkoa, Kirola

Peoiak erregea jan zuenekoa

Beñat Alberdi

Epikak badu bere tokia kolektiboaren imajinarioan. Sarritan aurkeztu izan da arte sorkuntzetan; esaterako, David eta Goliaten kondairan, edota V de Vendetta komikian. Elgoibarren kasuan, errealitatearekin lotura edukiko luke epikak. Izan ere, Danobat Irekia, nazioarteko lehenengo txapelketa, antolatu du Elgoibarko Zubi Ondo xake taldeak, Danobat enpresaren eta udalaren laguntzarekin. Taula baten parean egin ahal izango dute epikarako bidea, datorren irailaren 22an eta 23an Elgoibarko Asmaola eraikinean xakeko maisu handien aurka lehiatzeko aukera eskainiko zaiolako mahai jokoan aritzen den orori. Peoiak erregea jateko aukera izango du, horrenbestez, egun batez.

2018-09-142018-09-14gipuzkoa

Herrikoloreak

Biharko egun osoko festa daukate prest Azkoitian. Herriko hainbat gunetan izango dira ikuskizunak.

PLAZA NAGUSIA

10:30. Herri kirolak umeentzat, Herrisporten eskutik.

12:30. Harri-jasotze eta aizkora erakustaldia: Goenatxo III.a eta Txikia IV.a.

13:00. Os Gallardos.

14:40. Delient.

16:00. Irrien Lagunak.

16:30. Kaleko boulder eskalada txapelketa.

18:00. Funkdamental.

19:40. Dientes de Luna.

21:20. Silence.

23:10. Piztiak.

00:50. Jotakie.

ETXEBELTZ

10:30. Ali, Ixkurre, Ainhoa Sudupe eta Intza Arakistainen margolanak.

10:30. Beris Txokondoren argazki erakusketa.

11:00. Biodantza.

12:00. Bizkargi musika eta dantza eskolaren kontzertua.

12:45. Lizar.

15:00. Juan Andres Unanue.

16:00. Patta.

17:00. Rocio Larrañaga.

18:00. Passepartout.

19:00. Nestor piano jotzailea.

20:00. Dunk.

21:00. Zizel.

22:00. Ane Jurado.

23:00. Galiano eta Cape DJak.

GOIKOLOSA

10:30. Tenis erakustaldia, Txerloia tenis klubaren eskutik.

11:30. Emakumea Pilotari partidak.

12:30. Kriket erakustaldia.

17:00. Eskubaloi partida (Munoaundi eskubaloi taldea).

PLAZA NAGUSIKO ARKUPEAK

11:00. Xake txapelketa, Anaitasuna Kakuteren eskutik.

12:00. Mintzodromoa (AEK).

PLAZA BERRIA

12:00. Musika banda.

13:00. Giza proba (Mendaroko giza proba taldea).

14:00. Artisau postuak.

14:00. Sendabelarren tailerra.

15:15. Mangaixue Bike BTT martxa.

ANDRA MARIAREN PARROKIA

11:30. Parrokiko abesbatzaren kontzertua organoarekin.

BALDA PLAZA

11:00. Gimnastika erritmikoaren erakustaldia: Zubi-Berri Gimnastika.

12:00. Zumba.

13:00. Bizkargi musika eta dantza eskolaren dantza emanaldia.

15:30. Hartz.

17:10. Slaktuis.

18:50. Rodeo.

19:30. Parkour erakustaldia.

20:30. Trini Fox.

22:10. K-Baret musikala, Bigoterik Gabea antzerki taldearen eskutik.

00:00. Uther.

01:00. Baserriko Ollaxkue Labien.

KONTZEJUPEA

10:30. Pilota partidak, Oteiza pilota eskolaren eskutik.

11:30. Pilota partidak, herriko pilotarien eta kriket zaleen eskutik.

BM SALTOKI AURREALDEA

17:00. Umeentzat ekintzak, Alai Baltza aisialdi elkartearen eskutik.

IKURRINAREN PLAZA

13:00. Paella lehiaketa.

15:00. Penalti solidarioa (Anaitasuna futbol taldea).

15:00. Saski solidarioa (Iraurgi).

16:30. Bingoa, Plaza Ondo erretiratuen elkartearen eskutik.

18:30. Hiru Txirlo bolo erakustaldia (Floreaga bolo elkartea).

ELIZ ATARIA

10:00. Argazki tourra, Ainara Garciarekin.

11:00. Tour historiko gidatua.

11:00. Rally autoen erakustaldia.

12:30. Iraurgi abesbatza.

UGARTE IGARA IGERILEKUAK

11:00. Igeriketa erronka: Azkoitia / Azpeitia.

TORRE ZURI ERAKUSTOKIA

10:00. Argazki tekniken erakusketa (Jon Andoni Martin Gonzalez).

10:00. Arte erakusketa (Gorka Larrañaga).

16:30. Julian Ruiz, Mikel Cagigal eta Juanan Zendoiaren argazki erakusketa.

KALE NAGUSIA

13:40. Bertsoak balkoitik.

16:00. Sormen tailer irekiak.

17:00. Atletismoa.

KALEAN

11:00. Txistulariak.

11:00. Street Art-a klarionarekin, Estitxu Lukasen eskutik.

12:00. Trikitilariak.

14:00. Bertso poteoa.

18:00. Batukada.

AITA MADINABEITIA PLAZA

22:00. Zer da kultura? bideo emanaldia, Aitor Goenagaren eskutik.

GAZTANENEA ONDOKO PARKEA

17:00. Zirkua familian.

Eragin dezala leherketa
2018-09-142018-09-13Albisteak, gipuzkoa, Kirola, Kultura

Eragin dezala leherketa

Unai Zubeldia

Zerbaiten hasiera izan nahiko luke biharko Azkoitian antolatuta daukaten Herrikoloreak jaialdiak. Egun osoko egitarau zabalean 70 ekintza baino gehiago txertatuta, herriko kultur eta kirol jardueren erakusleiho izan nahiko luke egunak. "Lagun artean sortutako kontua izan da dena", hasi du azalpena Inge Beloki antolatzaile taldeko kideak. "Herrian kontzertuen kultura nahikoa itzalita zegoen sentsazioa zeukan jende askok, eta hasiera hartan musika arlotik hasi ginen ideiak botatzen".

2018-09-142018-09-13gipuzkoa

After Sun jaialdia

Bihar, larunbata, After Sun jaialdia egingo dute Ordiziako Oiangu parkean. Ondorengoa izango da egitaraua: 11:30. Basque Country Solar Sound System DJ kolektiboa. 13:00. Ekiza. 14:00. SSS DJa. 15:00. Los Pies del Gato. 17:00. Maider Zabalegi. 19:00. Keu Agirretxea. Egunean zehar. Parapente erakustaldia (11:30); Legorretatik Mundura elkartearen gune berezia (11:30); Irrizblai taldearen haur jolasak (16:00); energia...

Eguzkiaren erritmoan dantzan
2018-09-142018-09-13Albisteak, gipuzkoa, Kultura

Eguzkiaren erritmoan dantzan

A. Vierbücher

Zerura begira daramate aste osoa Ordiziako Trobadore Alaiak taldeko kideek. Izan ere, oso eskaintza berritzailea daukate esku artean. After Sun jaialdia egingo dute bihar, Ordiziako Oiangu parkean. Egun osoko egitaraua daukate prest; kontzertuak eta bestelako hainbat ekintza izango dituzte egun guztian. Besteak beste, bihar Oiangun izango dira Keu Agirretxea, Ekiza, Maider Zabalegi,Los Pies del Gato eta Solar Sound Systemeko DJak.

Blaugranak, erraietaraino
2018-09-142018-09-13Albisteak, gipuzkoa, Kirola

Blaugranak, erraietaraino

Ikerne Zarate

Jarraitzaile leialak, zale prestuak, sekula kale egiten ez duten horietakoak. Distantziak ere ez ditu kikiltzen, eta harro janzten dute beren taldearen elastikoa, beren herriaren eta jarraitzen duten kirol taldearenaren artean ia 600 kilometro badaude ere. Trintxerpen du egoitza Pasaiako Bartzelonaren kirol lagunarteak, eta ospakizun bikoitza du gaur hasi eta igandera arte: Bartzelonak Anoeta berrituan jokatuko du bihar, Realaren aurka, eta hilaren 30ean bost urte beteko ditu Pasaiako zaleen taldeak.

2018-09-142018-09-13gipuzkoa, Iritzia

Norbait Manet bat saltzen ari da

Danel Agirre

Marka da 2018an testu bat hain lerdetsu hasi beharra, baina alboko mahaia okupatzera zihoan neskari erreparatu bagenion —Montesek ere onartuko luke hau—, espazio falta zela-eta gure muturretik hogei zentimetrora pasatu ziren bere zango hipnotikoengatik izan zen. Eseri zenerako biografia idatzi nion nik, terraza batean nagoen bakoitzean egin ohi dudan moduan. Eta Ekialdeko errepublikaren bateko herritartasuna eman. Zigarro zuri, luze eta mehe-mehe horietako bat piztu zuelako, eta nik Berlinen zigarro zuri, luze eta mehe-mehe horietakoak pizten dituzten emakume ilehori guztiak Ekialdeko errepublikaren bateko herritartzat ditudalako. Halakoetan intuizio klinikoa dudanez, iritsi berri zen laguna agurtzera altxatu zenean, Minskeko edo Volgogradeko azentu exotikoaren zain geratu nintzen. Chamberiko aberaskumearen espainol ezin ozenagoan, "¡Mi vidaaaaaa!" batekin egin zion diosala, ordea. Biografia zerotik berridatzi nion bizkor.

“Gure onena ematen dugu, eta jateko lain ere ez dugu ateratzen”
2018-09-072018-09-07Elkarrizketa, gipuzkoa

“Gure onena ematen dugu, eta jateko lain ere ez dugu ateratzen”

Aitziber Arzallus

Gaurtik igandera Amarbirjin jaiak ospatuko dituzte Zestoan, eta aste guztian barrakak etxe atarian izan ditu Amancay Gaztañagak (Guayaquil, Ekuador, 1980). Leihoak itxi, eta kanpoaldeko zaratatik salbu da, hala ere, EITBko 3txulo saioko gidoia ikasteko moduan. Aktorea baita Gaztañaga, eta haurrentzako saio horretan 4rarena egiten du. Baina ez du ogibide bakarra, ez: aktore izateaz gain, Grises musika taldeko kantaria ere bada, antzerki obrak sortzen eta zuzentzen ditu, biolina jotzen du, pianoa ikasten du, sabel dantza irakasten du, antzerki eskolak eman ditu, eta bitxiak eta eskulanak egitea gustuko du.