Debako Allika argazki dendako arduraduna eta Asfogi Gipuzkoako Argazkilari Profesionalen Elkarteko zuzendaritzako kideak esan du argazkilaritza sektorea lehendik ere "oso ukituta" dagoela intrusismoagatik eta abarrengatik. Beharrezkotzat jo du beraiek segitzea NArako argazkiak egiten, "dena" behar baitute aurrera egiteko.
Bat egin dute Elgoibarko 46 ostalarietatik 36k, eta Aizu elkartea sortu, aurrerantzean euren eskaerek oihartzun handiagoa izan dezaten. Manu Rey da elkarte berriko aurreneko lehendakaria.
Errenteriako etxez etxeko laguntza zerbitzuko langileek eskatzen dute lan hitzarmen berria, asko jota, datorren urterako indarrean egon dadila. Bi aste daramatzate jada greban.
Kontzesio aldaketarekin, uztailaren 1ean berritu egin zuten Tolosa, Hernani, Astigarraga eta Donostia arteko Lurraldebusen autobus zerbitzua. Foru Aldundiak defendatu du aspaldikoa zela "zerbitzua bateratzeko eta modernizatzeko helburua", baina kritiko hitz egin dute LABek eta erabiltzaileek.
Astoak eta mendi ibilaldiak uztartuta, txangoekin paisaiak ezagutzeko aukera ematen du Berastegiko Astotrek proiektuak. Bidaia "esperientzia berezia" izatea nahi dute.
Oñatiko Udalak Onaro telekomunikazio operadorea sortu du. Sustatzaileen hitzetan, erabiltzaileek ia 400 euro aurrez ditzakete, beste operadoreekin alderatuta. Oñargirena izango da azpiegitura.
Errezilen aspaldi galdu zen garia ereiteko ohitura. Zazpi gari mota zahar landatu dituzte Gipuzkoako zenbait okinek, garai bateko gari horiek berreskuratzeko helburuarekin.
Gipuzkoako kostaldean 120 proiektutik gora abiarazi dituzte Txikitasunetik Handi egitasmoari esker. Surfing Zumaia, Elkano ihes gela eta Mara Orio dira horietako hiru.
Hotz Zarautz elkarteko kideak pezetak biltzen ari dira, horiek euro bilakatu eta iheslariei laguntzera bideratzeko. Ekainaren 24ra arte jasoko dituzte txanponak, Zarauzko Zabalegi dendan. 152.000 pezeta bildu dituzte jada, 914 euro.
HemenGuk egitasmoa sortu berri dute Oiartzunen, herriko ekoizleak biltzeko eta saretzeko.
