Kaleak artean jendez betetzen hasi aurretik ateratzen dira txistulariak. Jada ez dira asko iganderoko dianei eusten dieten udalerriak, baina, aspaldiko ohitura hori mantendu duten tokietan, txistulariek astero zain izaten dituzte zenbait jarraitzaile beren balkoietan.
Suizidioaren gaiak "lotsa eta beldurra" ematen duela salatu du Ignacio Apestegik. Muturreko depresioak jota, bost aldiz saiatu zen bere buruaz beste egiten, baina bizitzak beste aukera bat eman dio. Suizidioaz hitz egitearen garrantzia azpimarratu du.
Geroako Kaltetuak plataformako kideek salatu dute Geroa Pentsioak BGAEra egindako ekarpena ezin dutela jaso kapital oso gisa. Eskualdeka bilerak egiten hasiko dira aurki.
Inoiz zenbatu ez baditu ere, urtero berrehunen bat txilaba egingo ditu Maritxu Txapartegik Tolosako inauterietarako. Konponketa denda bat du, eta han saltzen ditu. Mozorro osorik ez du egiten, baina bai pailazo jantziak.
Gogoa Mobility Robots enpresak Movex Living Lab laborategia inauguratu berri du Urretxun. Exoeskeletoek lagunduta, errehabilitazio lana egiten lagunduko diete mugikortasun arazoak dituztenei.
Premia bereziak dituzten Lanbide Heziketako ikasleen inklusioa bermatzeko proiektu aitzindari bat hasi dute Errenteriako Don Bosco LHIIk, Tolosaldea LHIIk eta Dislegi elkarteak.
Datozen hilabeteotan aurkeztuko ditu Eusko Jaurlaritzak gaitasun handiko ikasleak detektatzeko hartuko dituen neurriak. Aupatuz elkarteak uste du "aurrerapauso bat" ekar dezakeela, baldin eta lan hori egin behar dutenek "beharrezko prestakuntza" badute.
Astelehenetik greban daude Gipuzkoako Onkologikoa garbitzen duten hemezortzi langileak. Kale garbitzaileek baino %25 gutxiago kobratzen dutela salatzen ari dira.
Urtebete hondatuta egon ostean, estazio meteorologiko berria jarri dute Berastegin. Teknologiari esker, euria, txingorra edo elurra ari duen neurtu dezake gailu berriak. Egun, bederatzi tanta neurgailu soilik daude Araba, Bizkai eta Gipuzkoan.
Bidasoa ibaiko izokina galzorian dagoela ohartarazi du Nafarroako Ingurumen Kudeaketak egindako azken txostenak. Azkeneko 37 urteetako daturik okerrenak dira.
