UEFAk homologatutako entrenatzaile tituluak euskara hutsean ateratzeko akordioa lortu dute Gipuzkoako Futbol Federazioak eta Jaurlaritzak. Hastapenetik Erregional mailara arteko tituluak dira.

Bidasoak 35 urte bete ditu Artalekun. 1986-1987ko sasoian, Uranzu pilotalekutik pista berrira joan berritan, Asobal liga irabazi zuen Irungo taldeak. Une gozoen aroa hastear zen, 1994-1995ean liga eta Europako Kopa irabazi zituelako. Momentu garratzak ere bizi izan ditu, ordea: jaitsierak, esaterako.

Legazpiko Maldan Behera da inertzia kirolen Gipuzkoako lehen elkartea. Euskal Kopa dute helburu.

Belauntzan bolatoki estalia inauguratu berri dute, eta txapelketa ofizialak jokatzeko aukera izango dute bertan. Gipuzkoako Federazioak uste du bola jokoa bultzatzeko beste pauso bat dela.

Emakumeok Mugimenduan erronka solidarioa abiatu dute, martxoa baino lehen Gipuzkoako emakumeen artean kirola eginez 40.000 kilometro osatzeko. Laurehun emakumek eman dute izena jada.

[URTEKARIA, 2021] Maialen Chourrautek eta Iñigo Llopisek zilarrezko domina irabazi zuten Tokioko Olinpiar eta Paralinpiar Jokoetan. Realak, berriz, Espainiako Kopa irabazi zuen, apirilean, Athletic 0-1 mendean hartuta.

Etxeko jokalarien aldeko apustua eginda, Amenabar Zarautzen gizonezkoen senior mailako taldea oso sendo ari da Espainiako Ohorezko B Mailan. Fausto Berazadi eta Paulo Ostolaza dira taldeko bi atezainak; 41 urte dauzka Berazadik, 24 Ostolazak.

Espainiako Judo Txapelketa jokatuko dute asteburuan, Madrilen, eta Gipuzkoako hainbat judoka ariko dira lehian. Tolosako klubekoak dira judoka horietatik lau.

Patinatzaileek 2010ean parte hartu zuten lehen aldiz Behobia-Donostia lasterketan. Azken uneko hutsunerik ezean, igandean 134 elkartuko dira irteeran. Francis Navarrok gogotik lan egin zuen patinatzaileek Behobian ere tokia izan zezaten.