Bigarren urtez, Euskal Emakume Zinemagileak zikloa egiten ari dira Donostiako Tabakaleran. Urriaren 14an hasi ziren, eta azken hiru saioak falta dira. Gaur izango da horietatik lehena: Maru Solores donostiarraren 'Aztarnak' film dokumentala.

Errenteriako Dantzaz konpainiak 'Basotik itsasora 2.0' taularatuko du gaur Tolosako Leidor antzokian. Ikuskizunak dokumental bat eta dantza uztartzen ditu, eta Gurseko kontzentrazio esparrua du oinarri.

Martxan da Dinamoa sormen guneko soinuaren eremua, Azpeitian. Dagoeneko euren bidea egiten ari diren hitzaren, irudiaren eta gorputzaren espazioen osagarria da.

Bihar hasiko da Tolosako txotxongiloen jaialdia, eta herria txotxongiloz beteko da azaroaren 27ra arte. Juanjo Herrero eta Estitxu Zaldua dira Topic zentroko zuzendari berriak.

Astelehenean hasiko da Literaktum Donostiako literatura jaialdia. Donostiako Zinemaldiak aurten 70 urte bete izana baliatu dute zinemari keinu bat egiteko. 50 ekitaldi baino gehiago izango dira.

Kutixik musika jaialdia egingo dute bihar Donostiako Intxaurrondo auzoan. Proiektu hasiberriei bultzada bat ematea da helburua. Balio Dute kolektiboa da sustatzailea.

Galtzaundi euskara taldeak beldurrezko ibilbide bat prestatu du bihar hasi eta astelehenera arte, Tolosako Elosegi parkean. Izena ematen duten 13 urtetik gorako gazteek parte hartuko dute, taldeka.