Albisteak

“Bizitzak beti itzultzen gaitu gorputzera”
2020-03-062020-03-05Albisteak, gipuzkoa, Kultura

“Bizitzak beti itzultzen gaitu gorputzera”

Gradu amaierako lan moduan, ikerketa performatibo bat egiteko eskatu zioten Maite Aizpuruari (Zumaia, 1990). Korrika egiteko makina bat aukeratu zuen, eta erabaki zuen makina horrekin zuen harreman pertsonala kontatu nahi zuela. Izan ere, konturatu zen korrikarako makina bat aukeratu zuela elementu performatibotzat, korrika egitea debekatua izan arren. Abiapuntu hori du Erresistentzia arazo fisikoa da antzezlanak. Korrikarako makina, mediku txostenak, zapatilak eta Aizpurua bera ageri dira oholtzan, elkarrekin joko bat eginez. Autobiografiatik asko duen lan bat da, eta jaioterrian bertan antzeztuko du gaur. 22:00etan izango da emanaldia, Aita Marin.

Bola eta toka berreskuratzen
2020-03-062020-03-05Albisteak, gipuzkoa, Kirola

Bola eta toka berreskuratzen

Joan den igandean, bola eta toka jokoetan aritu ziren Zarauzko Zelai Ondo auzoko bolatokian. Hain zuzen ere, Lehendakari Txapelketako bigarren jardunaldia jokatu zuten. Bolatan, 70etik gora lagunek parte hartu zuten. Tokan, berriz, 38 lagun aritu ziren. Bada zerbait, kontuan izanda duela urte batzuk erabat galduta egon zirela bola eta toka Zarautzen. Zelai Ondoko Bol&Tok elkartea da azken urteetan bi kirol horiek berreskuratzeko lanean diharduena, eta Txema Fernandez da elkarte horretako presidentea. Gustura dago bola eta toka hartzen ari diren indarrarekin. Baina, elkarte gisa, badute udalarentzat eskaera bat: estalitako bolatokia behar dute.

Eskutik helduta, zuentzat
2020-03-062020-03-05Albisteak, gipuzkoa, Gizartea

Eskutik helduta, zuentzat

Ospakizun baten bueltan hasi zen guztia, "urrezko eztei batzuk antolatzen ari ginenean, hain zuzen", kontatu du Marixol Alkaiaga zaldibiarrak. Hartan ere, saltsaren erdian zeuden Alkaiaga bera eta Elisabeth Blarduni pediatra erretiratu argentinar-ordiziarra. Elkar ezagutu eta bizitzan izandako esperientzien inguruan hitz egiten hasi zirenean, segituan konektatu zuten, eta segituan konturatu ziren geldirik egoten ez dakiten horietakoak direla bata zein bestea. Hala, elkarlanean zerbait egin zezaketela pentsatu zuten.

Elkartzeko toki eta herrien bizigarri
2020-02-282020-02-27Asteko Gaiak, gipuzkoa, Gizartea

Elkartzeko toki eta herrien bizigarri

Herriaren zentroa edo nukleoa izaten dira maiz ostatuak. Udalerri txiki askotan ez da besterik izaten; gainontzean ez dago tabernarik edo dendarik, eta bilgune bilakatzen dira ostatuak, herri txikien bizigarri. Udalarenak izan ohi dira lokalak, eta errentan hartzen dituzte ostalariek. Herriaren erdigunean egoten dira normalean, eta ohikoa da udaletxearen eraikinean bertan egotea ostatua. Gainera, kasu batzuetan, negozioa kudeatzeko ardura duen familiak eraikinean bertan bizitzeko aukera izaten du. Aspalditik datorren zerbitzu bat da, eta duela urte batzuk, ostalaritzako ohiko zerbitzuak eskaintzeaz gain, udalaren posta eta bandoak ere banatzen zituzten lokal horietako langileek. Gaur egun, taberna eta jatetxe dira Gipuzkoako ostatu gehienak, baina badaude bezeroei lo egiteko lekua eskaintzen dietenak ere.

Baserritik jangeletara
2020-02-282020-02-27Ekonomia, gipuzkoa

Baserritik jangeletara

Azpeitiko jatetxe eta jangela kolektiboak tokiko elikagaiekin hornitzeko egitasmoa da Azoka Plaza 2.0. Elikadura osasuntsu eta jasangarria bultzatuz, kontsumo ohituretan eragitea eta lehen sektorea indartzea da proiektuaren helburua.

Bukaerarik ez duen erritmoa
2020-02-282020-02-27gipuzkoa, Kultura

Bukaerarik ez duen erritmoa

Bloody Mary disko dendara sartu, alboetara begiratu, eta bidaia hasi. Magia berezia dauka lokalak, kalitatezko musikaren tenplua izango balitz bezala. Biniloz betetako tenplua da, eta margolan eta apaingarri bereziak ditu non-nahi. Eta ez du soilik musikaren kulturan zehar bidaia egiteko gonbita eskaintzen: gaur egungo musikarik onena zaleen, kuxkuxeroen eta herritar arrunten eskura ere jartzen du.

Ereduak garatzeko bilgunea
2020-02-282020-02-27gipuzkoa, Politika

Ereduak garatzeko bilgunea

GKS Gazte Koordinadora Sozialista orain dela urtebete sortu zen, "gazte problematikari klase perspektibatik erantzuteko". Ordutik, Euskal Herriko hainbat herritan zenbait esperientzia organizatibo egin ditu, "komunitate politiko sozialistaren eta botere sozialistaren eraikuntzarako". Besteak beste, Araba eta Bizkaiko Topaketa Sozialistak eta Gazte Sozialiston Topagunea egin dituzte (Azpeitian), hausnarketa teoriko-politikorako espazioak antolatu dituzte, eta jardun politikoa gauzatu ahal izateko espazioak egokitu dituzte. Datozen hilabeteetarako, badituzte beste egitasmo batzuk esku artean; tartean, gaurtik biharrera Bergaran egingo dituzten Gipuzkoako Topaketa Sozialistak.

“Errituen bitartez, identitateek bat egiten dute”
2020-02-282020-02-27gipuzkoa, Kultura

“Errituen bitartez, identitateek bat egiten dute”

Euskal Herriak badauzka ia saihestu ezinezko bere egunak: Santa Ageda, herrietako jaiak, inauteriak eta abar. Baina, ospakizunetik gaindi, horiek gizartean eta norbanakoengan dituzten eraginak aztertu ditu Jota Pizarrok (Santiago, Txile, 1988) doktore tesirako. Izan ere, eragin nabarmenak izaten ditu kanal horien bidez emozioek bat egiteak.

Lanerako lurra ongarritzen
2020-02-282020-02-27Ekonomia, gipuzkoa

Lanerako lurra ongarritzen

Enplegu gabe bizirik irautea ez da ahuntzaren gauerdiko eztula gizarte honetan, are gutxiago gizarte bazterketan bizi den pertsona bat izanez gero. Horretan jarri du arreta Arrasateko Udalak, eta, joan den urteko martxotik, martxan du Lan R Bai programa. Gizarte bazterketan daudenak ditu jomugan. Hain zuzen, lan mundura txertatzeko baliabideak irakatsi nahi dizkiete. Finean, lurra ongarritu nahi diete lana bertan ernal dadin.

Ikuspegi berri bat jolastokiari
2020-02-282020-02-27gipuzkoa, Gizartea

Ikuspegi berri bat jolastokiari

Tolosako Samaniego ikastetxeko jolastokia itxura berrituz doa. Iaz, Jolastu, jolastu eta jolastu proiektuaren barruan, Lehen Hezkuntzako haurrentzako jolaserako gune berriak sortu zituzten, Tabakalerako ordezkariekin elkarlanean. Orain, Haur Hezkuntzako ikasleak izan dira pribilegio hori izan dutenak.