gipuzkoa

2019-09-202019-09-19gipuzkoa, Iritzia

Kokaina eta auto garestirik gabe

Danel Agirre

Gizonezkoen 40. urtemugako krisiak oso prentsa kaskarra du. Kokaina beranduegi ezagutu, emaztea popatik hartzera bidali, auto garestia erosi eta arrasto pare baten truke neska gazteekin oheratzen saiatzeari ekiten dion abokatu okaztagarriarekin lotu ohi nuen nik ere oraindaino. Deskuidatuta nenbilen: badira bizitzaren erdibideko oso bestelako txakalaldiak. Tristeak orobat, patetikoak nahi baduzu, baina ez hain friboloak. Esku-eskura —ezin freskoago— nire kasua dut. Eta horixe kontatuko dizut, axola ez bazaizu.

“Doraemonen bertsoari esker ari naiz lanean irratian”
2019-09-132019-09-13Elkarrizketa, gipuzkoa

“Doraemonen bertsoari esker ari naiz lanean irratian”

Aitziber Arzallus

Lapurtarra da jaiotzez, baina lotura handia izan du Gipuzkoarekin; bertakoak ditu aita-amak. Bertso irakaslea da Maddalen Arzallus (Hendaia, 1990), eta hezkuntza arautuko ikastetxeetan eskolak ematen ditu Donostia aldean eta Hondarribian. Hori da denbora gehien kentzen dion langintza, baina beste hamaika gauzatarako beta ere hartzen du: bertsotan aritzen da, erromeria talde bateko partaidea da, Euskadi Gaztean kolaboratzen du, eta baita Gure Kasa saioan ere, ETB 1en. 18 urte zituela joan zen gurasoen etxetik, Gasteizera, itzulpengintza ikastera. Bi urtez bizi izan zen han, urtebetez Parisen, denboraldi batez Errusian, eta bost bat urtez Zumaian. Duela urtebete sorterrirako bidea hartuta, berriz Hendaian finkatzeko bidean da.

Itzultzailea zara ikasketaz. Sekula jardun duzu itzulpengintzan?

Zintzotasuna ohitura bihurtuta
2019-09-132019-09-13Albisteak, gipuzkoa, Kultura

Zintzotasuna ohitura bihurtuta

Unai Zubeldia

Ezkutu samarrean egoten da beti Maite Sukia (Lazkao, 1981), ia anonimotasunean; ikus-entzuleen bista-bistan egoten da, berriz, Inaxio Usarralde (Aginaga, Usurbil, 1967), taula gainera igota. Bertso saioa hasi eta bukatu, zenbakien saltsan murgilduta ibiltzen da Sukia, eta Usarralderen ahotik ateratzen dira bertsolarien garuna sutan hasi aurreko azken hitzak. Bihar Oñatin jokatuko dute Gipuzkoako Bertsolari Txapelketako final-zortzirenetako lehen saioa, eta, hiru hilabeteren ondoren, abenduaren 14an izango da finala, Donostian; tarte horretan, 48 bertsolari ariko dira lehian azken fasean, baina, txapelketek bidea egingo badute, ezinbestekoa izaten da epaileen eta gai jartzaileen lan zintzoa eta zorrotza.

Emantzipaziorako bigarren atea
2019-09-132019-09-12Albisteak, Ekonomia, gipuzkoa, Gizartea, Politika

Emantzipaziorako bigarren atea

Beñat Alberdi

Etxetik joateko edo emantzipatzeko zailtasunak arazo dira gaur egungo gazteen artean. Pauso hori "30 urteren bueltan" ematen dela mahaigaineratu berri du Eusko Jaurlaritzako Enplegu eta Gizarte Politiketarako Sailak. Datu esanguratsuak ditu gaiaren inguruan egindako txostenak: 16 eta 29 urte bitarteko gazteen artean lautik bat soilik bizi da gurasoenetik kanpo; 30 eta 34 urte arteko adin tartean, berriz, lautik hiru. Euskadiko Gazteria Kontseiluak martxoan salatu zuen besteak beste ekonomikoa dela pauso hori emateko arrazoia. Hari horretatik tiraka, neurri bat jarri dute martxan Bergarako eta Oñatiko udalek: alokairurako diru laguntzak ematen ari dira 18 eta 30 urte arteko gazteentzat.

Ulian ehizatzeko baimena lortu, eta “greba” utzi dute ehiztariek
2019-09-132019-09-12Albisteak, gipuzkoa, Gizartea

Ulian ehizatzeko baimena lortu, eta “greba” utzi dute ehiztariek

Eider Goenaga Lizaso

Gipuzkoako ehiztariek sei hilabete zeramatzaten ehizara irten gabe, baina hori jada amaitu da. Gipuzkoako Foru Aldundiak, astearteko aldizkari ofizialean, bertan behera utzi zuen Ulian ehizatzeko debekua, ehiztarien "grebarako" arrazoi nagusietako bat.

Aspaldikoak dira Ulian ehizatzeari uzteko lehen eskaerak. Donostia inguruan 1989tik segurtasun eremu izendatutako espazioa zabaltzeko eskatu zuen Donostiako Udalak 2010ean, eta Pasaiako Udalak ere bai, 2011n. Bi udalek adierazi zuten "parke periurbanoa" dela Ulia, eta hori "bateraezina" dela ehizarekin. Aldundiak 46 ehiza postu itxi zituen 2014an.

Oztopo guztien gainetik
2019-09-132019-09-12Albisteak, gipuzkoa, Kirola

Oztopo guztien gainetik

Imanol Garcia Landa

Abuztuan oso sentsazio onarekin itzuli ziren Errumaniatik. Josu Artolak (Amezketa, 1988) eta Alberto Aranburuk (Tolosa, 1994) lehen eta hirugarren postua lortu zuten, hurrenez hurren, muturreko enduro proba garrantzitsu eta gogorrean, Romaniacs lasterketan, zilarrezko mailan. "Ez da erraza horrelako proba batera joatea, gastu handia eskatzen duelako, besteak beste", azaldu du Artolak. "Iaz hirugarren amaitu nuen, eta, aurten, hobetu edo gutxienez postu hori mantendu nahi nuen. Azkenean, irabaztea lortu nuen".

Mari Jose Altube: “Motibaziorik gabe, obligazioa da dena, eta inork ez du gustuko”
2019-09-132019-09-12Albisteak, gipuzkoa, Gizartea

Mari Jose Altube: “Motibaziorik gabe, obligazioa da dena, eta inork ez du gustuko”

Beñat Alberdi

Hezkuntza metodologiak eta irizpideak auzitan jarriko ditu Mari Jose Altubek (Oñati, 1966). Gaiari buruzko iritzi bat eta bakarra ez dagoela oinarri hartuta, oñatiarrak eztabaida sustatu nahi du Zer ebaluatu hizkuntza batean? Nola ebaluatu? ikastaroarekin. UEUk antolatu du, 30 ordukoa izango da, eta sarean eskainiko dute, Nafarroako Gobernuarekin elkarlanean. Beteta daude toki guztiak, baina itxaron zerrendan izena eman daiteke irailaren 18ra arte.

2019-09-132019-09-12gipuzkoa

Egitaraua

Lau agertokitan izango da zer entzuna eta ikusia gaur-biharretan. Gaur Keler agertokia. 19:15. Lagrimas de Sangre. 20:55. Natos y Waor. 23:05. La Pegatina. Donostia agertokia 18:30. Ira. 20:05. Tremenda Jauria. 22:00. Carlos Sadness. 00:10. Carolina Durante. 02:20. Ms Nina. Bukowski agertokia 18:25. Rukula. 20:00. Kaskezur. 21:55. Joseba Irazoki. 00:00. P3Z. 02:00. Budin. 04:00. Makala. Fnac...

Musika urbanoaren trostan
2019-09-132019-09-12Albisteak, gipuzkoa, Kultura

Musika urbanoaren trostan

Eider Goenaga Lizaso
Iritsi da Donostia Festibala, urteotan jende askorentzat huts egin ezinezko zita bihurtu dena. Bederatzigarren ekitaldia du aurtengoa, baina jaialdiak ez dauka zerikusirik duela bederatzi urtekoarekin.

2019-09-132019-09-12gipuzkoa, Iritzia

Sasoian sasoikoa?

Leire Narbaiza
Abuztu betean zaude, oraindik udazkenerako hilabete luze geratzen da, eta oporrak pasatzeko aukeratu duzun leku horretako kaleetan firin-faran zabiltza denbora ematen, paseo lasaian.