Topoa lurperatzeko lanen harira, Pasai Antxoko bizilagunen beharrak defendatzeko sortu zuten SOS Antxo koordinakundea. Bermeak nahi dituzte, lanak hasi baino lehen.
Fermin Alvarez zarauztarra doktoretza tesia egiten ari da, klima aldaketak Irlandako eta AEBetako itsas mailan duen eragina aztertuz. Aurreikusi du euskal kostaldean metro bat igoko dela itsas maila mende amaierarako, eta neurriak eskatu ditu.
Jose Migel Barandiaran buru zuen taldeak indusketa lan handia egin zuen Lezetxikiko aztarnategian, Arrasaten, 1956tik 1968ra; ondoren, Alvaro Arrizabalaga zuzendariak gidatu zituen lan horiek, 1996tik 2018ra. Informazio guztia bilduta, apirilaren 9ra arte hirurogei piezako lagin bat ikusgai dago Arrasaten.
Euskal Herriko Pentsiodunen Mugimenduak manifestazioak egingo ditu bihar, Donostian eta Eibarren. Dagoeneko lau urte bete dira astelehenetako mobilizazioei ekin zienetik.
Mundukide eta Hiruatx Debagoieneko GKEek lankidetza proiektu bat jarri dute martxan Ekuadorren. Bi elkarteek hogei urte baino gehiago daramatzate hainbat lankidetza proiektu garatzen.
Mitxelenak esan du sagardotegi garai "berezia" datorrela aurten; izan ere, lehen asteetan, behintzat, ezingo da zutik kontsumitu. Mahaira ekarriko dute sagardoa, pitxerretan edo botila gardenetan, iaz bezala.
2022an amaituko ote da COVID-19aren pandemia? Garestitzen jarraituko al dute prezioek? Lortuko al dute akordiorik zahar etxeetan? Nork irabaziko du Euskal Herriko Bertsolari Txapelketa? Hurrengo hamabi hilabeteek emango dituzte horien eta gehiagoren gaineko erantzunak.
22. Korrikak Pirritx, Porrotx eta Marimotots pailazoak omenduko ditu gaur, Tolosan, Gure Zirkuaren karpan. Pailazoek 34 urteko ibilbidea egin dute Euskal Herriko plazetan, eta euskararekiko konpromiso irmoa erakutsi dute hasiera-hasieratik.
1743an euskara hutsean idatzitako gutun bat aurkitu dute Oiartzungo udal artxiboan. Gaur egun erraz ulertzeko moduko hizkeran idatzita dago. "Altxor preziatua da".
Emakumeentzako jabekuntza eskola abiatuko dute urtarrilaren 22an, Mutrikun, kontzientzia feministari bazka emateko asmoz. Guztientzat zabalik dago egitasmo berria.
