Homofobiaren, Lesbofobiaren, Transfobiaren eta Bifobiaren Aurkako Eguna da astelehenean, eta Beasaingo Udalak buletin bat prestatu du.

Iaz liztor asiarren 510 habia primario deuseztatu zituzten Gipuzkoan, eta 967 habia handi ere bai. Liztor asiarren habiaren bat ikusiz gero, tokian tokiko udaletxera deitzeko eskatu dute aldundiko teknikariek.

Amiantoa duten hondakinek tratamendu berezia behar dutela gogoratu du Uzkudunek. Haren esanetan, ordea, edozein bazterretan uzten dira sarri. Horrek jendea gaixotzeko arriskua eragiten duela ohartarazi du.

Pandemian gizartean errotu diren diskurtsoez kezkatuta, 'Pentsatu, ez sinistu' irratsaioa egin du Jon Urzelaik Urretxu eta Zumarragako KKinZona irratian, eta aipamen berezia jaso du CAF-Elhuyar sariketan. Zientziaren beharra aldarrikatu du.

Industrializazio aurreko baserrietako objektuak aurkitzeko eta sailkatzeko Erreusak egitasmoa aurkeztu du Gure Bazterrak taldeak, Oñatin.

Mezu elektronikoetan eta deien harreran trebatzeko bi ikastaro emango dituzte Oiartzunen.