Eguzki talde ekologistak neurriak hartzeko eskatu du linea elektrikoek hegaztiei heriotzarik ez eragiteko. Gipuzkoako basozainek urtean zehar 12-15 kasu inguru zenbatzen dituzte.
Faxistek Bidasoko 90 herritar deportatu zituzten 1936ko altxamendu militarraren ostean; 30 hil ziren kontzentrazio esparruetan. Indarrez mugitu zituztenen historia jaso du Kepa Ordoki memoria elkarteak, eta erakusketa bat osatu dute.
Ezinbesteko diru iturria da gaua zenbait sektoretako langileentzat. Etxeratze aginduak eta gainerako neurri murriztaileek eragin zuzena dute haien jardunean. Iturri hori itxita, berriak zabaltzea nahi dute, eta kaltetutako sektoreei begirako neurriak eskatu dituzte.
COVID-19ak eraginda, bertan behera geratzen ari dira jende asko elkartzen duten ekitaldiak, eta azoka bereziak ere ez dira salbuespen bat. Gipuzkoan, berrogei baino gehiago antolatu ohi dituzte azaro-abenduetan. Azoketan izaten diren ekoizleek diote diru iturri garrantzitsu bat galduko dutela.
Mendiko erreskatean trebatzeko formakuntza jasotzen ari dira Gipuzkoako berrehun suhiltzaile Ataunen, Jentilbaratzako harrobian. Suhiltzaileek ontzat jo dituzte probak, eta oso esperientzia ona dela adierazi dute.
Lehen mundu biran parte hartu zuten sei marinelek euskal jatorria dutela zehaztu dute 'Guinnes World Records' liburuan, Elkano Fundazioaren proposamena onartuta. Pedro Tolosa da haietako bat.
Emagin elkarteak Beterri-Buruntzaldeko adinekoen zaintzaileen egoeraren diagnostiko bat osatu du, eta ekintza plan bat ere diseinatu du. 'Zaintza lanen demokratizaziorantz' jardunaldiak egitekoak ziren gaur eta bihar Hernanin, baina bertan behera utzi behar izan dituzte, COVID-19 kasuen gorakadaren eraginez.
Irail amaieran, Trintxerpeko Jaizkibel kaleko bi ataritan bizi diren hogei familia etxetik irtenarazi zituzten, haien eraikinean pitzadurak atzeman ostean. Joan den astean bueltatu ziren etxera.
Hutsik dago Eibarko Ipuruako Merkatu Plaza eraikina. Auzotarrak parte hartze prozesu bat egiten ari dira, haren erabilera zehaztu eta erabilgarri jartzeko asmoz, haien beharretara egokituta. Azken saioa egitea baino ez zaie falta.
Udazkenean basoan gora abiatu dira perretxikozaleak. Etxeko lanak eginda joatearen eta natura errespetatzearen garrantzia nabarmendu dute adituek eta arituek.
