Minbiziari aurre egiteko prozesu osoa Onkologikoan egiten zen lehen; pazienteek eta langileek diote orain ez dela hala. Bihar, 12:00etan, manifeztazioa egingo dute Donostian.
Azaroaren 18tik abenduaren 2ra izango da aurtengo Euskaraldia. Aurretik ere hainbat jarduera egiten ari dira herriz herriz, ondoren ariketa hori ahalik eta ondoen egin ahal izateko, eta jendea parte hartzera animatzeko.
Aspanogi elkarteak umeen minbiziaz kontzientziatzeko ekintzak egin ditu irailean. Asteburuan gazteen eta familien topaketak egin dituzte.
Andoaingo udal bilkurak N-1 eta A-15 errepideen lotuneko obra "geldiarazteko" mozioa onartu du, kaltetuen plataformak bultzatuta. Plataformak "eskua luzatu" du alternatiba guztiei buruz pentsatzeko.
Irungo Artia auzoko zenbait biztanlek salatu dute autoari begirako hiria dutela, eta herritarrei zuzendutako eremuak galtzen ari direla; tartean, berdeguneak. Hain zuzen ere, badira egoera aztertzen ari diren erakundeak, eta Lurralde Jasangarrien Sareak ohartarazi du hiriak ez direla ez "jasangarriak", ez "inklusiboak".
'Tolosaldeko Ataria'-k, Oargi elkarteko hainbat kiderekin batera, eskualde horretako hainbat kobazulotan dagoen zaborrari buruzko dokumental labur bat egin du. Datorren udazkenean emango dute lehen aldiz, eta mahai inguru bat egingo dute ikus-entzunezkoan parte hartu dutenekin.
Gipuzkoako kostaldeko zenbait herritan auzokoek salatu dute herriko portua pribatizatzen ari direla. Mutrikun, portuaren luzapenak eta haren etorkizunak piztu dute kezka; Donostian, berriz, kaia herritarrengandik esku pribatuetara pasatzeak eta ondarea galtzeak.
Gipuzkoan lau parke eoliko egiteko proiektuak daude. Herri horietako auzokideak bildu egin dira, parkeek ingurumenari eta osasunari egin diezaieketen kaltearen beldur. Saretzearen eta herritarrak informatzearen garrantzia azpimarratu dute.
Etxeak alokatzeko eskaria badago, baina eskaera asetzeko adinako eskaintzarik ez merkatuan. Gazteak bizi dira gehienbat alokairuan, baina bestelakoek ere jasaten dituzte eskasiaren ondorioak.
Azken urteetan Gipuzkoako txakur kopuruaren bilakaera goranzkoa izan da, eta pandemiaz geroztik hazkundea bizkortu egin dela nabaritu dute zenbait adituk. Horrek, ordea, pozaz gain, beldurra ere eragiten die: gustura daude, gehiago adoptatzen direlako; baina beldur dira, abandonuak ugaritzeko arriskua ikusten dutelako.
