gipuzkoa

Mairuen Alarde berrituaz balorazio saio irekia egingo dute bihar, Antzuolan
2019-03-222019-03-21Albisteak, gipuzkoa, Gizartea, Kultura

Mairuen Alarde berrituaz balorazio saio irekia egingo dute bihar, Antzuolan

Unai Zubeldia

Irungo eta Hondarribiko alardeek "distortsionatu" egin dituzte gainerako alardeak. "Baina gureak ez dauka zerikusirik bi horiekin; hori baino gehiago da alardea", defendatu du Iñigo Ramirez de Okarizek, Antzuolako Mairuaren Alardea kultur elkarteko kideak. 1880an hasi ziren ospatzen Antzuolako alardea, eta festak berrikuntza bat baino gehiago izan du ordutik, 1980an eta 2009an nabarmenenak: izan zezakeen kutsu arrazista alboratu, eta mairuari hitza emanda, haren figura duintzea, genero ikuspegiari helduta ordura arte gizonenak ziren postu batzuetan emakumeak sartzea...

Ana Maria Briongos: “Irani buruzko irudi faltsua jasotzen dugu”
2019-03-222019-03-21Albisteak, gipuzkoa, Gizartea

Ana Maria Briongos: “Irani buruzko irudi faltsua jasotzen dugu”

Eider Goenaga Lizaso

Ana Maria Briongos (Bartzelona, 1946) Tolosako Topic-en izango da gaur, 19:30ean, hitzaldia ematen. Idazlea eta bidaiaria da; lanerako eta bizitzarako inspirazio iturri ditu bidaiak. Afganistan, Iran eta India izango ditu hizpide. 1968an Afganistanera iritsi zen, eta gerora ezagutu ditu besteak. Besteak beste, herrialde horietan izandako aldaketa handiez eta hango emakumeez hitz egingo du Briongosek Tolosan, Amalur jardunaldien barruan.

Artea, barrukoak kanporatzeko bide
2019-03-222019-03-21Albisteak, gipuzkoa, Gizartea, Kultura

Artea, barrukoak kanporatzeko bide

Aitziber Arzallus

Hartz zuria animalia totemikoa da kultura askotan, naturaz gaindiko indarrak eta ezaugarri espiritualak dituen izaki bat. Adorearen, barne indarraren eta nahimenaren iruditzat dute askok, eta introspekziorako gaitasuna du ahalmen goren. Hartza totemtzat daukaten kulturetan, uste dute norberak barruan duela gaitz guztien sendabidea eta barne azterketa dela hura kanporatzeko bidea. Ione Urrestillarentzat ere (Azpeitia, 1971) animalia totemikoa da hartz zuria. Eta horregatik jarri dio Zuri Hartz izena Azpeitiko Erdikalean ireki duen arte eskola eta galeriari. "Niretzat, artea barruan daukadana ateratzeko modua da, beharra da, liberazioa; eta horretarako da espazio hau: gure barruarekin konektatzeko eta barruan daukagun hori kanporatzeko".

2019-03-222019-03-21gipuzkoa

XIII. Ekozinemaldia

Ataunen, Donostian, Errenterian eta Tolosan eskainiko dituzte XIII. Ekozinemaldiko filmak. Besteren artean, Vidalina Morales El Salvadorreko ekintzailea ere zuzenean ariko da hizketan Donostiako EHUren Ingeniaritza Eskolan eta Tolosako Leidor antzokian. Martxoak 25 Donostia (11:00-13:00). No tenemos miedo, Vidalina Morales El Salvadorreko ekintzaileak aurkeztuta; Illegal activists; Yuwara. Defendiendo el agua; eta #zuk erabaki, EHUko Ingeniaritza Eskolan....

Herrien borroka irudi bihurtuta
2019-03-222019-03-21Albisteak, gipuzkoa, Gizartea, Kultura

Herrien borroka irudi bihurtuta

Unai Zubeldia

El Salvadorreko metal meatzaritza gelditzeko borroka; Aralarko parke naturalaren ezagutza eta sentsibilizazioa; Indonesiako Seko komunitatean eraiki nahi duten energia hidroelektrikoko plantaren aurkako borroka; Kukama Kukamiria herri indigenan petrolio ustiapenak sortu duen kutsadura... Herriak eta borrokak. Horixe da Ekologistak Martxan eta Mugarik Gabeko Ingeniaritza taldeek film eta dokumental bidez islatu nahi duten errealitatea.

2019-03-222019-03-21gipuzkoa, Iritzia

Salba ditzagun karbohidratoak

Danel Agirre

Garaiko sukarrek kutsaturik, jarduera subertsiboei eskaini nien gaztaroa. Boterearen bidegabekeriak ezin nituen eraman, eta oraintsu bezala, erantzun bakarra akzio zuzena dena sinetsita nengoen. Sistema mila buruko munstroa da, eta lepoetako bakoitza moztu behar zaio labankadaka. Burkideek Poliziari aurre egiteko kontainerrekin errepideetan barrikadak ipintzen zituzten bitartean, oso bestelako fronte batean nenbilen ni, ez garrantzi gutxiagokoan: oliotan kontserbatutako gazta, hirugiharra eta maionesa lehertu arte jaten nituen, matxino.

Ohikotik atera diren gerlariak
2019-03-222019-03-21Albisteak, gipuzkoa, Kirola

Ohikotik atera diren gerlariak

Karmele Uribesalgo Alzola

Kortxoz egindako armak hartu, eta juggerrean jokatzeko gelditzen da taldetxo bat, igandero, Eibarren, Bergaran edo Zumarragan. Jakin-mina dela eta, jendea gerturatzen zaie zer egiten ari diren ikusteko, ez baita oso kirol ezaguna oraindik.

Parekotasuna eta errespetua joko zelai
2019-03-222019-03-21Albisteak, gipuzkoa, Kirola

Parekotasuna eta errespetua joko zelai

Ikerne Zarate

Iaz "arrakastatsua" izan zen, eta aurten "landuagoa eta zabalagoa" izango dela azpimarratu dute Xabi Calvok, Jon Bautista campusaren arduradunak, eta Mikel Azkunek, Touringeko zuzendaritzako kideak. Bigarrenez, Jon Bautista campusa antolatuko du aurten Errenteriako Touring kirol elkarteak. Calvok nabarmendu du iaz antolatzeko "oso tarte txikia" izan zutela. "Zuzendaritza aldaketa izan zen apirilean, eta astebeteko campusa antolatu genuen. Oso emaitza ona izan zuen, eta berriz ere antolatzea erabaki dugu aurten". Futbol udalekua izango da; futbola izango da ekintzen ardatza, baina haurrek ondo pasatzeko gune gisa planteatu dute udalekua. "Kirola eginez, lagunartean eta giro onean disfrutatzeko gune bihurtu nahi dugu campusa".

Zubiak berreraikitzeko pausoa
2019-03-152019-03-14Albisteak, Asteko Gaiak, gipuzkoa, Gizartea

Zubiak berreraikitzeko pausoa

Eider Goenaga Lizaso

Bi aldeetan dago sufritu duen jendea. Nik sufritu dut, baina gaur egun, zorionez, horrek ez du baldintzatzen nire bizitza. Gorrotorik gabe bizitzen erakutsi ziguten etxean, eta aurrera begiratu nahi dut nik. Uste dut bizikidetza dela etorkizunerako bidea; zubiak berreraiki behar ditugu, zubi asko ditugu eraikitzeko". Estefania Morcillo (Hernani, 1974) PSE-EEko zinegotzi ohiaren hitzak dira horiek. 1960. eta 2018. urteen artean motibazio politikoz urratutako giza eskubideez eta beste sufrimenduez Aranzadik eginiko txostenean ageri diren 416 pertsonetako bat da Morcillo.