Itzea Urkizu Arsuaga
Basoak oro dira Mariren baso./ Basoa non, Mari han./ Izan baso zabala, izan baso luzea,/ izan basotxoa, izan basamortua.../ denak dira Marirenak./ Beraz, Olentzero dabilen basoa ere/ Mariren basoa da". Hitz horiek abiarazten dute Olentzaroren basoa ipuin lliburuxkaren bidaia.
Aitziber Arzallus
Parisko Louvre museoan eskegita dauden margolanak, Bilboko Guggenheim museoan erakusgai dauden eskulturak, Amsterdameko kaleak argiztatzen dituzten instalazio erraldoiak... Artea dira horiek guztiak, bai, baina ez dira herritarren eskura dauden artelanak: edonork ikus ditzake, baina inor gutxik erosi. Ordea, badira arteari zentzu herrikoiagoa ematen dioten artistak. Jende arruntaren egunerokoari beste kolore bat emateko piezak sortzen dituztenak. Edozeinen poltsikotik ordaintzeko moduko lanak ere egiten dituztenak. Lagun ezkutuari artea oparitzea baino aukera hoberik ez dagoela uste dutenak. Horietako artista batzuen lanak ikusteko eta erosteko aukera izango da, bihartik abenduaren 22ra, Azpeitian lehenengoz egingo duten Zelai Luze arte azokan, Foru Ibilbideko 14. zenbakian.
Miren Garate
Espe eta Leo izeneko bi espeleo-arkeologo dira Intujai Teatroaren Ama-Alu-Lur (Sorgin baten ametsak) antzezlaneko protagonistak. Paleolito garaiko alu erraldoi bat aurkituko dute haitzulo baten barruan, eta aurkikuntzarekin harri eta zur geratuko dira bi lagunak. Gertakizun horretatik abiatuta, obrak antropologia, filosofia, mitologia, feminismoa eta beste gai ugari ukitzen dituela nabarmendu du May Gorostiaga zuzendariak (Tolosa, 1971). Donostiako Poltsiko Antzerki Sorkuntzaren lehiaketa irabazi du aurten, eta hogei emankizun inguru egin dituzte estreinatu zutenetik. Bihar bertan dute hurrengoa, Igantzin (Nafarroa), 21:00etan.
Unai Zubeldia
Bertsoa ezin da puntuz epaitu. Hori da askoren ustea. Baina gehienei asteburuko plazek ez daukaten grina eta pasioa sortzen die txapelketak. Tentsioa da txapelketa, norberaren buruarekiko eta gainerako bertsokideekiko pultsua eta fasez faseko langa jokoa. Abenduaren 14rako zortzi bertsolarirentzako bakarrik zegoen tokia Donostiako Illunbeko zezen plazako oholtzan, eta Ane Labaka (Lasarte-Oria, 1992), Beñat Lizaso (Azpeitia, 1982) eta Nerea Elustondo (Legazpi, 1981) tartean izango dira. Lehen aldiz. Beñat Gaztelumendi, Agin Laburu, Jon Maia, Alaia Martin eta Oihana Iguaran izango dituzte oholtzakide Gipuzkoako Bertsolari Txapelketako finalean.
Egitarau zabala prestatu du Tolosako Keinuen Hizkuntzako Nazioarteko X. Zinema Jaialdiak. Gaur izango da egun nagusia, hamalau film laburren proiekzioarekin, baina, besteak beste, orain arteko film labur irabazleen arteko lehiaketa egingo dute bihar. Gaur 16:00. Leidor zinemako ateak irekiko dituzte. 16:30. Jaialdian parte hartuko duten hamalau film laburren proiekzioa: La Furia (17 min.), Jackey (5 min.), La luna roja (27...
Jarduera guztiak gaztetxean izango dira, lehen eguneko hitzaldia izan ezik; kultur etxean egingo dute lehen ekitaldi hori. Abenduak 10, asteartea 19:00. Hedoi Etxarteren hitzaldia: Faxismoa gaur eta hemen. Abenduak 12, osteguna 18:30. Autoformakuntza: Zer da estatua?. Abenduak 13, ostirala 18:00. Maider Arregi Markuleta: Jakintza kokatutik, begirada bat azken urteetako euskal milintatziari. 20:15. Tertulia: Kartzelako bizipenak. 22:00. Kontzertua: Autorerotua. Abenduak 14,...
Beñat Alberdi
Banio eta banu, alperreko bi damu", dio esaera zaharrak; hots, iraganean zerbait egin izanak egoera hobetuko zukeela pentsatzeak ez daukala zentzu handirik. Ideia horri segika, hainbat ekintzailek ezertan hasi aurretik hausnarketa egiteko gonbita egingo dute, datorren astean, Oñatiko gaztetxean, jardunaldi batzuen bidez.
Leire Narbaiza
Gure belaunaldiko emakumeoi, jaio bezain laster, oraindik amategian geundela, gauza bi egiten zizkiguten: bataiatu eta belarrietan zuloak, belarritakoak janzteko. Orduan bataioa derrigorrezkoa zen, eta Euskal Herria katolikoegia sakramentu garrantzitsuenari uko egiteko. Ahalik eta lasterren kristau bihurtu, hiltzeko arriskua bizia zelako. Zeremoniara ama ezin zen joan, batetik klinikan zegoelako, eta bestetik elizan sartzeko ezpurua zelako, berrogei egunez lohia Elizaren begietan. Aurreragoko emakumeek etxetik ere ezin zuten irten koarentena bitartean, andrazkoa izatea beti izan delako kontu zikina gizarte atzerakoiarendako; hain zikina, non Ama Birjinaren tituluetako bat "sortzez garbia" den, bekaturik gabekoa, alegia. Garbia. Hara hor gakoa, araztasuna. Detergente merke baten iragarki iruzurtia dirudi guztiak.
Unai Zubeldia
"Pertsona gorren eskubideak bermatzeko asmoz" sortu zen Gainditzen Tolosaldea-Goierriko Pertsona Gorren Elkartea, 2002an, Tolosan. "Pertsona horiek zeuzkaten beharrei erantzun bat ematea zen erronka". Garazi Sasiain Gainditzen elkarteko bitartekariak azaldu duenez, komunitate gorraren sentsibilizazio astea antolatzen hasi ziren lehenengo, eta egitasmo horrek hamaseigarren urtea bete du jada aurten; azaro erdialdean egin zituzten jarduera horiek. "Azken finean, gorrek komunikatzeko dauzkaten mugak azaltzea eta horiek nola hauts ditzakegun aztertzea izaten da urteroko helburua". Pertsona gorren beharrei tiraka, ordea, askotan bazterrean gelditzen da horien aisia eskubidea, eta, sentsibilizazio lan horretan pauso bat gehiago emanda, duela hamar urte sortu zuten Keinu Hizkuntzako Nazioarteko Zinema Jaialdia. "Keinu hizkuntza ezagutarazteko eta bultzatzeko helburuarekin sortu zen jaialdi hori, herritarrak gorren kulturara gerturatzeko erronkarekin".
Asier Zaldua
Joxe Mari Iurrebasok (Urretxu, 1955) hiru aldiz irabazi zuen profesionaletan Espainiako Ziklo-kros Txapelketa (1979an, 1989an eta 1990ean), eta Espainiako Mendiko Bizikleta Txapelketa ere eskuratu zuen 1990ean. Lau urte geroago hartu zuen erretiroa, 1994an. Egun, bere seme Daneli laguntzen aritzen da ziklo-kroseko lasterketetan.
