Retina Gipuzkoa Begisare elkarteak Zarautzera eraman du, bost urte geroago, erretinako distrofia hereditarioaren inguruan sentsibilizatzeko kanpaina. Ezagutza eta enpatia ditu helburu.

Lehorra izan da aurtengo uda sasoia, eta lehor hasi da udazkena ere. Gipuzkoako urtegietan ere nabaritzen hasia da euri eskasia, baina adituek diote egoera "normala" dela, oraingoz. Azaroa da urteko hilabeterik euritsuena, eta erabakigarria izango da datozen asteetan zenbat euri egiten duen.

Ikus-entzunezkoen kontsumoa asko handitu den arren, euskarazko eskaintzak ez du neurri berean aurrera egin, Ioritz Gonzalez Lertxundi Pantailak Euskaraz mugimenduak sustatutako Pantailaldia egitasmoaren Gipuzkoako koordinatzailearen ustez. Dauden edukiak eta gabeziak ezagutarazi nahi dituzte Pantailaldian.

Ongizatea, elikadura eta natura ardatz hartuta, urte osorako ikastaro dinamika bat abiarazi dute Oñatin. Bihar egingo dute bigarrena, eta 2023ko urriaren 7an azkena; hilabetean tailer bat.

SOS Arrazakeria gobernuz kanpoko erakundeak Bizilagunak egitasmoa egingo du azaroaren 20an. Euskal Herriko eta kanpoko familiak elkartuko dira, elkar ezagutzeko.

2014an leuzemia diagnostikatu zioten Elordi Garcia lazkaotarrari; gaixotasuna pasatu eta gero, minbiziaz hitz egiteko garaia dela aldarrikatu du. Gaur egun, gazteen artean kontzientzia piztu nahian dabil hezur muinaren transplantearen inguruan.